زَبور 3
3
او هُداوند! پاد آ
داوودئے زَبور، هما وهدا که چه وتی چُکّ اَبشالوما جِهَگا اَت.
1او هُداوند! منی دژمن چنکدر باز اَنت.
بازێنے منی هلاپا پاد آیگا اِنت.
2بازێنے منی بارئوا گوَشگا اِنت:
”هُدا اِشیا نرَکّێنیت.“ اۆشت...#3:2 په اۆشتا اَسلیگێن اِبرانی گال ”سَلاه“ اِنت. اے گال باز بران زَبورئے کتابا آتکگ. مانایی پکّا زانگ نبوتگ بله بلکێن په وانۆکئے مهتل بئیگا موزیکئے یک گالے.
3بله تئو او هُداوند! وت منی چاگردا اِسپر ائے،
منی شان و شئوکت ائے،
منا سرپرازَ کنئے.
4هُداوندُن گۆن بُرزێن تئوارے پریاتَ کرت و
آییا چه وتی پاک و گچێنیێن کۆها منا پَسّئو دات. اۆشت...
5من آسودگ وپتان و پاد آتکان،
چیا که هُداوند منی پُشت و پناه اَت.
6چه لَکّانی لَکّا نترسان که چه هر نێمگا منا اَنگرِّش کرتگ#3:6 اَنگِرّ کنگ، بزان چپّ و چاگردا گِرگ، اربی و پارسیا ”محاصره“..
7او هُداوند! پاد آ.
او منی هُدا! منا برَکّێن.
تئو ائے که منی دژمنانی دێما شهماتَ جنئے و
بدکارانی دپ و دنتانانَ پرۆشئے.
8رَکّێنۆک هُداوند اِنت، تئیی برکت تئیی کئوما برسات! اۆشت...
Currently Selected:
زَبور 3: HPKB
Highlight
Copy
Compare
Share
Want to have your highlights saved across all your devices? Sign up or sign in
© 2016-22 Wycliffe Bible Translators, Inc.
