زَبور 15
15
کئے تئیی پاکێن کۆها جهمنند ببیت
داوودئے زَبور.
1او هُداوند! کئے تئیی تمبوا#15:1 تَمبو، بزان گدان، هئیمه. اے گال په شاهدیئے تمبوا اِشارتے. شاهدیئے تَمبو بنی اِسراییلیان موسّائے زمانگا گۆن هُدائے هُکما جۆڑێنتگاَت و همۆدا هُدااِش پرستش کرتگ. مهمان ببیت؟
کئے تئیی پاکێن کۆها جهمنند ببیت؟
2هما که بےائیب گام بجنت،
اَدل و اِنساپا برجاه داریت و
په دلسِتکی راستێنا بگوَشیت،
3هما که گۆن وتی زبانا کَسێئے باپُشتا هبرے مگوَشیت،
په همساهگا بدی مکنت و
همراهان اێر مجنت،
4هما که بدکار آییئے چمّان هکیر و بےارزش ببنت،
هُداتُرسان اِزّت و هُرمت بدنت و
وتی لبزئے سرا وپا بکنت، تُرے زَلَر و زیان بگندیت،
5هما که وتی زرّا په سوتّ مدنت و
بێگُناهێئے هلاپا رشوَت مگیپت،
آ که اِشان برجاهَ داریت هچبرَ نلرزیت.
Currently Selected:
زَبور 15: HPKB
Highlight
Copy
Compare
Share
Want to have your highlights saved across all your devices? Sign up or sign in
© 2016-22 Wycliffe Bible Translators, Inc.
