زَبور 12
12
هُدادۆستے پَشت نکپتگ
په سازگر و وشآوازانی سالارا. ”شمینیتئے“#12:0 شِمینیتئے مانا ”هشتمی“ اِنت. باور اِش اِنت که اِدا موزیکئے یک گالے. تَرزئے سرا. داوودئے زَبور.
1او هُداوند! برَکّێن، چیا که هچ هُدادۆستے پَشت نکپتگ و
وپادار چه مردمانی نیاما گار و بێگواه بوتگاَنت.
2هرکَس گۆن همساهگا درۆگَ بندیت،
چاپلوسێن دپِش په پرێب هبرَ کننت.
3هُداوند هر چاپلوسێن دپا پرۆشات و
هر بَٹاک جنۆکێن زبانا بُرّات.
4گوَشنت: ”ما گۆن وتی زبانا کامیاب و سۆبێنَ بێن،
مئے دپ و لُنٹ هم گۆن ما اَنت، مئے واجه و مستر کئے اِنت؟“
5هُداوندَ گوَشیت: ”چه نِزۆرێن مردمانی لگتمالی و
هاجتمندانی نالگانی سئوَبا
نون جاهَ جنان#12:5 جاه جنَگ، بزان چه وتی جاها اَناگتێن پاد آیگ، اَربی و پارسیا ”قیام، رستاخیز“..
من اِشان هما پئیما اێمنیَ بَکشان که اِشانی اَرمان اِنت.“
6هُداوندئے هبر اَسیل و بےائیب اَنت،
نُگرَهئے پئیما که چه کورها در آتکگ و
هپت رندا پاک و سَلّه کنگ بوتگ.
7او هُداوند! تئو اِشان نگهپانیَ کنئے،
تئو اے دابێن مردمانی نیاما اِشانی پُشت و پناهَ بئے.
8بدکار هر نێمگا ترّ و تابَ کننت،
آ وهدی که مردم پَلیتیا اِزّتَ دئینت.
Currently Selected:
زَبور 12: HPKB
Highlight
Copy
Compare
Share
Want to have your highlights saved across all your devices? Sign up or sign in
© 2016-22 Wycliffe Bible Translators, Inc.
