مَتّا 8

گَرّئے نادراهێئے دْرهبکشی

(مَرکاس 1‏:40‏–44؛ لوکا 5‏:12‏–14)

1وهدے ایسّا چه کۆها اێر کپت، مردمانی مزنێن رُمبے آییئے رندا گۆن کپت. 2یکّ مردے که آییا گَرّئے#8‏:2 اَسلیگێن یونانی زبانئے لبز، په سْیَه‌گَرّ و بَگ و سُهرباد و په دگه تَهر تَهرێن پۆستی نادراهیان کار بندگَ بیت. نادْراهی اَت ایسّائے کِرّا آتک، آییئے پادان کپت و گوَشتی: ”او واجه! اگن تئو بلۆٹئے، منا دْراه و پَلگار#8‏:2 پلگار، بزان ساپ و سَلّه، بێپۆلِنگ. کرتَ کنئے.“ 3ایسّایا دست شهارت، دستی پِر مُشت و گوَشتی: ”منَ لۆٹان. دْراه و پَلگار بئے!“ هما دمانا مرد چه گَرّا دْراه بوت. 4گڑا ایسّایا گۆن آییا گوَشت: ”بچار، هچکَسا هال مدئے بله برئو، وتا دینی پێشوایا پێش بدار و هما کُربانیگا بکن که موسّائے شَریَتا نبیسگ بوتگ، تانکه په مردمان شاهدیے ببیت.“

پئوجی اَپسرئے ایمان

(لوکا 7‏:1‏–10)

5وهدے ایسّا کَپَرناهومئے شهرا رَست، پئوجی اَپسرے آییئے کِرّا آتک، دَزبندی کرت و 6گوَشتی: ”او واجه! منی هِزمتکارێن بچکّ لَنگ و مُنڈ اِنت و لۆگا کپتگ، سکّ درد و دۆر اِنت.“ 7ایسّایا گوَشت: ”شَرّ، منَ کایان و آییا دْراهَ کنان.“ 8پئوجی اَپسرا درّاێنت: ”او واجه! منَ نکرزان که تئو منی لۆگا بیائے. تئو تهنا هُکم بکن، منی هِزمتکار دْراهَ بیت. 9چێا که من هم وتی مسترانی هُکمئے چێرا آن و منی دستئے چێرا هم سپاهیگ#8‏:9 سپاهیگ، بزان پئوجی، اَرتِشی، لشکری. هست. اگن کَسێا هُکم بکنان ’برئو،‘ آ رئوت و اگن کَسێا بگوَشان ’بیا،‘ آ کئیت. اگن وتی هِزمتکارا بگوَشان ’پِلان کارا بکن،‘ آ کنتی.“ 10وهدے ایسّایا اے هبر اِشکت، هئیران بوت و گۆن وتی همراهان گوَشتی: ”شمارا راستێنَ گوَشان که اِسراییلیانی تها هم من چُشێن مُهرێن ایمان ندیستگ. 11بزانێت که چه رۆدراتک و رۆنِندا بازێن مردمے کئیت و گۆن اِبراهێم و اِساک و آکوبا آسمانی بادشاهیئے مهمانیا یکّێن پَرزۆنَگئے#8‏:11 پَرزۆنَگ، بزان سُپره. سرا نندیت، 12بله اے بادشاهیئے چُکّ و اۆبادگ#8‏:12 اے بادشاهیئے چُکّ و اۆبادگ، بزان اِسراییلیانی چُکّ و اۆبادگ. ڈنّا تهاریا دئور دئیگَ بنت. اۆدا گرێوَگ و پریات و زاریَ بیت.“ 13گڑا ایسّایا گۆن پئوجی اپسرا گوَشت: ”برئو، اَنچُش که تئیی باور اِنت، گۆن تئو هما ڈئولا بیت.“ آییئے هِزمتکار هما دمانا دْراه بوت.

نادْراهانی دْرهبکشی

(مَرکاس 1‏:29‏–34؛ لوکا 4‏:38‏–41)

14وهدے ایسّا پِتْرُسئے لۆگا شت، دیستی که پِتْرُسئے وَسّیگ تپیگ اِنت و کپتگ. 15ایسّایا وتی دست آییئے دستئے سرا پِر مُشت. آییئے تَپ سِست، آ پاد آتک و ایسّائے هِزمت کنگا لگّت.

16مگرب‌تهارا مردمان بازێن جِنّی گنۆکے ایسّائے کِرّا آورت، آییا گۆن وتی یکّ هبرێا جِنّ کَشّتنت و سجّهێن نادْراه وشّ و دْراه کرتنت. 17اے ڈئولا اِشئیا نبیئے کُرتگێن اے هبر راست و سَرجم بوت: آییا مئے نِزۆری دور کرتنت و نادْراهی برتنت.#8‏:17 اِشئیا نبیئے کتاب 53‏:4.

کئے ایسّائے مُرید بوتَ کنت؟

(لوکا 9‏:57‏–60)

18وهدے ایسّایا وتی چپّ و چاگردا مردمانی مُچّی دیست، پرمان دات و گوَشتی: ”بیاێت، گوَرمئے آ دستا رئوێن.“ 19شَریَتئے زانۆگرے آییئے کِرّا آتک و گوَشتی: ”او استاد! هرجاه که تئو رئوئے، من تئیی رندگیرَیا کنان.“ 20ایسّایا گوَشت: ”رۆباهان هۆنڈ#8‏:20 هۆنڈ، بزان زمینا مزنێن ٹُنگ. هست و بالی مُرگان کدۆه#8‏:20 کُدۆه، بزان کُدام، بالی مُرگئے لۆگ.، بله انسانئے چُکّا#8‏:20 دانیال نبیا ”اِنسانئے چُکّ“ په اَنچێن هَستیێا کارمرز کرتگ که چه آسمانا اێرَ کئیت. ایسّایا وتا ”اِنسانئے چُکّ“ گوَشتگ تانکه مردم بزاننت که آ چه آسمانا آتکگ و هما واده داتگێن مَسیه اِنت. په سرئے اێر کنگا هِچّ جاگه نێست.“ 21دگه یکّ مُریدێا گوَشت: ”او واجه! منا اِجازت بدئے که پێسرا برئوان و وتی پتا کبر و کپن بکنان.“ 22ایسّایا گوَشت: ”بیا، منی رَندگیریا بکن، بِلّ که مُردگ وتی مُردگان وت کبر و کپنَ کننت.“

توپّانئے اێرمۆش کنگ

(مَرکاس 4‏:36‏–41؛ لوکا 8‏:22‏–25)

23ایسّا بۆجیگا سوار بوت، مُرید هم سوار بوتنت. 24اَناگت تْرندێن توپّانے آتک و چئول و مئوجان بۆجیگ مان رُپت، بله ایسّا واب اَت. 25مُرید آییئے کِرّا آتکنت، چه وابا پاد کرت و گوَشتِش: ”او هُداوند! مارا برَکّێن، که مِرگا اێن.“ 26گۆن آیان گوَشتی: ”او کَمباوران! شمارا چێا تُرسیت؟“ نون پاد آتک، گوات و آپی هَکّل داتنت و توپّان پَهک اێرمۆش بوت. 27مُرید هئیران بوتنت و گوَشتِش: ”اے چۆنێن مردمے که گوات و آپ هم اِشیئے هُکما مَنّنت.“

دو جِنّیئے دْرهبکشی

(مَرکاس 5‏:1‏–17؛ لوکا 8‏:26‏–37)

28وهدے ایسّا مَزَن‌گوَرمئے آ دَستا، گَداریانی#8‏:28 لهتێن دَزنبشتا آتکگ: ”گِراسیانی“ یا ”گِرگِسیانی“. مُلکا رَست، دو مردم چه کبرستانا در آتک و گۆن آییا دُچار کپتنت.#8‏:28 دُچار کپگ، بزان ڈیکّ ورگ، یکدگرا گِندگ. آیان جِنّ پِر اَت و آ همینچُک وَکشی و تُرسناک اَتنت که کَسّا چه آ راها گوَستَ نکرت. 29آیان کوکّار کرت و گوَشت: ”او هُدائے چُکّ! ترا گۆن ما چِه کار اِنت؟ چه وهدا#8‏:29 اِدا وهدئے مانا آهِرتئے رۆچ اِنت. پێسر، په مئے اَزاب دئیگا آتکگئے؟“

30چه آیان کمّے دور، هوکّانی رمگے چَرگا اَت. 31پلیتێن روهان چه ایسّایا دَزبندی کرت و گوَشت: ”اگن تئو مارا چه اے مردمان درَ کنئے، گڑا مارا اے رَمگئے هوکّانی جسما راه بدئے.“ 32ایسّایا گوَشت: ”بپُترێت!“ گڑا آ در آتک و هوکّانی جسما پُترتنت و هوکّانی سجّهێن رمگ چه کُهدێما جَهلگا تَچان بوت و گوَرما کپت و مُرت. 33هوکّانی چارێنوک تچانا شهرا شتنت و اے سجّهێن هال و جِنّی گنۆکانی سرگوَستِش رسێنتنت. 34نون شهرئے سجّهێن مردم ایسّائے چارگا آتکنت و گۆن آییا دَزبندی‌اِش کرت که چه مئے مُلکا دَر آ و برئو.

Currently Selected:

مَتّا 8: HPKB

Highlight

Copy