مَتّا 27
27
ایسّا رومیانی دستا دئیَگ بیت
(مَرکاس 15:1؛ لوکا 23:1–2؛ یوهَنّا 18:28–32)
1سباها ماهلّه، سجّهێن مزنێن دینی پێشوا و کئومئے کماشان شئور یَکّ کرت که ایسّایا کُشێن. 2ایسّااِش بست، کَشّان کرت و رومی والی پیلاتوسئے دستا دات.
یَهودائے وتکُشی
(کاسِدانی کار 1:18–19)
3وهدے ایسّائے گراێنۆک یَهودایا دیست که په ایسّایا مَرکئے سزااِش بست، پشۆمان بوت و سیێن نُگرهێن کُرشی برت و مزنێن دینی پێشوا و کئومئے کماشانا پِر تَرّێنتنت. 4گوَشتی: ”مئیاریگ آن که من بێگُناهێن مردمے دْرۆهِت.“ بله آیان پَسّئو دات: ”مارا چِه کار اِنت؟ تئو بزان و تئیی کار.“ 5گڑا یَهودایا هما زَرّ مزنێن پرستشگاها چَگل داتنت و شت و وتا دْرتک و کُشتی. 6مزنێن دینی پێشوایان زَرّ زرتنت و گوَشتِش: ”اے پلیتێن#27:6 اَسلیگێن یونانی نبشتانکَ گوَشیت: ”هۆنیگێن زرّ“. زَرّ اَنت، پرستشگاهئے هزانَگا اِشانی اێر کنگ رئوا نه‌اِنت.“ 7پمێشکا شئور و سَلاها رَند، چه آ زَرّان کوزه‌گَرئے#27:7 کوزه‌گر، بزان هما مردم که کُمب و کونزگ اڈَّ کنت. ڈگارِش بها زرت که په دَرامدان کبرستانے بکننتی. 8تان رۆچِ مرۆچی آ ڈگارئے نام ”هۆنئے ڈگار“ اِنت. 9اے پئیما اِرِمیا نبیئے کرتگێن اے هبر راست و سرجم بوت: من سیێن نُگرهێن کُرش زرتنت. بنی اِسراییلئے چُکّان آ مردئے کیمت همینچُک بستگ‌اَت. 10من چه اے زَرّان کوزه‌گَرئے ڈگار بَها زُرت، اَنچُش که هُداوندا منا پرمان داتگ‌اَت.#27:10 زَکَریا نبیئے کتاب 11:12 و رَند، اِرِمیا نبیئے کتاب 32:6 و رَند.
ایسّا پیلاتوسئے دێما
(مَرکاس 15:2–5؛ لوکا 23:3–5؛ یوهَنّا 18:33–38)
11نون ایسّا والیئے دێما اۆشتارێنگ بوت و والیا چه آییا جُست کرت: ”تئو یَهودیانی بادشاه ائے؟“ ایسّایا پَسّئو دات: ”تئو وت گوَشگا ائے.“ 12مزنێن دینی پێشوا و کئومئے کماش ایسّایا بُهتام جنَگا اَتنت، بله آییا هچّ پَسّئو ندات. 13پیلاتوسا گوَشت: ”تئو نه‌اِشکنگا ائے که اے مردم تئیی هِلاپا چینچُک شاهدی دئیگا اَنت؟“ 14بله ایسّایا آیانی یکّ بُهتامێئے پَسّئو هم ندات و والی سکّ هئیران بوت.
15والیا هر سال ائییدئے وهدا، چه یَهودی بندیگان یکّے، هما که مردمان لۆٹتگ‌اَت، آزاتَ کرت. 16آ وهدا یکّ بندیگے زندانا اَت که نامی ایسّا بَرَبّاس اَت و په وتی بدێن کاران نامکپت اَت. 17وهدے مردم مُچّ بوتنت، پیلاتوسا چه آیان جُست کرت: ”شما چے گوَشیێت، من کئیا آزات بکنان، ایسّا بَرَبّاسا یا اے ایسّایا که مَسیه هم گوَشنتی؟“ 18پیلاتوسا زانت که آیان ایسّا مسیه په هَسَدّ منی دستا داتگ، پمێشکا اے جُستی کرت.
19وهدے پیلاتوس هَکدیوانا نِشتگ‌اَت، آییئے جَنا اے کُلئو راه دات: ”گۆن اے بێگناه و نێکێن مردا هچّ مکن، چێا که من دۆشی اِشیئے بارئوا وابے دیستگ و هما اِنت پرێشان آن.“ 20بله مزنێن دینی پێشوا و کئومئے کماشان مُچّ بوتگێن مردم مَنّێنتنت که بَرَبّاسئے آزاتی و ایسّائے مَرکا بلۆٹێت. 21والیا جُست کرت: ”چے لۆٹێت، چه اے دوێنان کجامیا په شما آزات بکنان؟“ آیان گوَشت: ”بَرَبّاسا.“ 22پیلاتوسا چه آیان جُست کرت: ”گڑا گۆن ایسّایا که مَسیه هم گوَشنتی، چے بکنان؟“ آیان په همتئواری گوَشت: ”سَلیبی کَشّ!“ 23پیلاتوسا جُست کرت: ”چێا بارێن؟ مئیاری چے اِنت؟“ بله آیان گێشتر کوکّار کرت و گوَشتِش: ”سَلیبی کَشّ!“
24وهدے پیلاتوسا دیست که هچّ کارے کرتَ نکنت و مردم شۆرش کنگا اَنت، گڑا آییا آپ زرت، مُچّیئے دێما وتی دست شُشتنت و گوَشتی: ”من چه اے مردئے هۆنا بێمئیار آن، شما بزانێت و شمئے کار.“ 25سجّهێن مردمان گوَشت: ”اِشیئے هۆن مئیگ و مئے چُکّانی گردنا اِنت.“ 26گڑا پیلاتوسا په آیانیگی بَرَبّاس آزات کرت و ایسّا شلّاک و هئیزران جناێنت و داتی که سَلیب کشّگ ببیت.
سپاهیگ ایسّایا کَلاگَ بندنت
(مَرکاس 15:16–20؛ یوهَنّا 19:2–3)
27والیئے سپاهیگان ایسّا والیئے کلاتا برت و سجّهێن لشکرِش آییئے چپّ و چاگردا مُچّ کرت. 28آیان، ایسّائے گوَرئے گُد کَشّتنت و سُهرچکێن کباهے گوَرا دات، 29چه ڈَنگر و کُنٹگان تاجے اَڈِّش کرت و آییئے سرا دات، لَٹّے راستێن دستا داتِش و په کَلاگ و ریشکند آییئے دێما کۆنڈان کپتنت و گوَشتِش: ”سلام و درۆت، او یَهودیانی بادشاه!“ 30آییئے سرا تُکِّش جَت و هما لَٹِّش زُرت و آییئے سرا جت. 31وهدے کَلاگ بندَگِش هلاس نکرت، گوَرئے کباهِش کَشّت و آییئے جِندئے گُدِش پدا گوَرا داتنت. رندا دێم په سَلیب کَشّگا برتِش.
ایسّایا سَلیبَ کشّنت
(مَرکاس 15:21–32؛ لوکا 23:26–43؛ یوهَنّا 19:17–27)
32وهدے رئوگا لگّتنت، شَمون نامێن مردے دیستِش که کِرینیئے شهرئے مردمے اَت. سپاهیگان آ په بیگار گپت که ایسّائے سَلیبا بَڈّا بکنت. 33وهدے ”جُلْجُتا“ بزان هما ”کامپۆل“ نامێن جاگها رَستنت 34اۆدا ایسّااِش زَهرگ مان کرتگێن شراب دات، بله آییا چَشَگا رَند نئوارتنت. 35سَلیب کشّگا رند، په لاٹری و کُرَه‌کشّی#27:35 لاٹری و کُرَه‌کشّی بزان چِک و پُشت، تَرّ و هُشک. آییئے پُچّ و پۆشاکِش وت‌مان‌وتا بهر کرتنت. 36رَندا همۆدا نِشتنت و آییئے نِگهپانی‌اِش کرت. 37ایسّائے سربرا مئیارنامگے#27:37 مئیارنامگ، بزان نبشته کرتگێن مئیار. دْرَتکِش که آییئے سرا نبشتگ‌اَت: ”اے ایسّا اِنت، یَهودیانی بادشاه.“
38ایسّائے همراهیا دو ڈُنگِش هم سَلیب کشّت، یکّے راستێن و دومی چَپّێن کشا. 39هما مردم که چه اۆدا گوَزگا اَتنت، آییارا دُژمانِش دات و وتی سرِش چَنڈێنتنت. 40گوَشتِش: ”تئو که گوَشتگ من مزنێن پرستشگاها کرۆجان و سئے رۆچئے تها پدا بَندانی، نون وتی جندا رَکّێن. اگن تئو هُدائے چُکّ ائے، چه سَلیبا اێر آ.“ 41همے ڈئولا مزنێن دینی پێشوا و شَریَتئے زانۆگر و کئومئے کماش هم آییا کلاگ بندگا اَتنت. گوَشگا اَتنت: 42”آ دگه مردمی رَکّێنتنت، بله وتا رَکّێنتَ نکنت. اے وَه اِسراییلئے بادشاه اِنت، اگن نون چه سَلیبا اێر بکپیت، ما آییئے سرا باوَرَ کنێن. 43هُدائے سرا اۆست و اُمێتی بستگ. اگن هُدا آییا رکّێنگَ لۆٹیت، نون برَکّێنیتی، چێا که گوَشتگ‌اَتی: ’من هُدائے چُکّ آن.‘“ 44همے پئیما ایسّائے همراهیا سَلیب کَشّتگێن ڈُنگ هم آییا بَد و رَد گوَشگا اَتنت.
ایسّائے مَرک
(مَرکاس 15:33–41؛ لوکا 23:44–49؛ یوهَنّا 19:28–30)
45نێمرۆچا بگر تان بێگاهئے سئیا،#27:45 اَسلیگێن یونانی نبشتانکَ گوَشیت: ”ششمی ساهتا بگر تان نُهمی ساهتا“. سجّهێن مُلکا تهاریا مان شانت. 46بێگاهئے ساهت سئیا،#27:46 اَسلیگێن یونانی نبشتانکَ گوَشیت: ”نُهمی ساهتا“. ایسّایا کوکّار کرت: ”اِلی، اِلی، لِما سَبَکْتَنی؟“ بزان: او منی هُدا، او منی هُدا! تئو چێا منا یله دات؟#27:46 زَبور 22:1. 47وهدے اۆدا اۆشتاتگێن لهتێن مردما اِشکت، گوَشتِش: ”اِلیاسا تئوار کنگا اِنت.“ 48چه آیان یکّے تچانا شت، اِسْپَنجے#27:48 اِسْپنج، بزان پُژّ، پُکّی. زرتی و تْرُپشێن شرابا میسّێنتی، دارێئے سرا بست و په چوسّگا ایسّائے نێمگا شهارتی. 49بله اے دگه مردمان گوَشت: ”سَبر کن، چارێن بارێن اِلیاس اِشیئے رَکّێنگا کئیت یا نه؟“ 50ایسّایا دومی برا پریاتے جت و ساهی دات. 51هما وهدا مزنێن پرستشگاهئے پرده سرا بگر تان بُنا دِرت و دو نێم بوت، زمین لَرزت و کۆه تَل گپتنت، 52کبرانی دپ پَچ بوت و بازێن پاک و پهرێزکارێن مردمے که مُرتگ‌اَت، پدا زندگ بوت. 53ایسّائے زندگ بئیگ و جاه جنَگا رَند، آ چه وتی کبران در آتکنت، پاکێن شهرا، بزان اورشلیما شتنت و بازێنێا دیستنت. 54هما پئوجی اَپسر و آییئے همراهێن سپاهیگ که ایسّائے پانگ اَتنت، وهدے زمین‌چَنڈ و اے دگه چیزِّش دیستنت، دلتْرکّ بوتنت و گوَشتِش: ”بێشکّ اے مرد هُدائے چُکّ اَت.“
55بازێن جنێنے که چه جَلیلا ایسّائے همراه اَت و آییئے هئیالداری‌اِش کرتگ‌اَت، دور اۆشتاتگ و چارگا اَتنت. 56اِشانی تها یکّے مَریَم مَگدَلینی اَت، یکّے آکوب و ایسُّپئے مات مَریَم اَت و یکّے زِبْدیئے چُکّانی مات اَت.
ایسّائے کَبر و کَپن
(مَرکاس 15:42–47؛ لوکا 23:50–56؛ یوهَنّا 19:38–42)
57شپ که بوت اَریماتیائے شهرئے ایسُّپ نامێن سێر و هزگارێن مردے آتک که ایسّائے مُریدے اَت. 58پیلاتوسئے کِرّا شت و ایسّائے جۆنئے برگئے اِجازتی لۆٹت. پیلاتوسا پرمان دات که جۆنا آییا بدئیێت. 59ایسُّپا جۆن زرت و سپاێن لیلُمێن#27:59 لیلُم، گُدئے تَهرے که اَنگرێزیا ”linen“ گوَشگَ بیت. گُدێا پتات و 60هما نۆکێن کبرئے تها اێر کرت که کۆهێئے تها په وت جتگ‌اَتی. مزنێن ڈۆکے لێٹی دات و کَبرئے دپا داتی و شت. 61مَریَم مَگدَلینی و آ دگه مَریَم همۆدا نِشتگ‌اَتنت و دێمِش گۆن کبرا اَت.
کَبرئے نِگهپانی
62دومی رۆچا، بزان شَمبِها،#27:62 اَسلیگێن یونانی نبشتانکَ گوَشیت: ”شَبَّتئے تئیاریئے رۆچا رند“. مزنێن دینی پێشوا و پَریسی یکجاه بوت و پیلاتوسئے کِرّا شتنت. 63گوَشتِش: ”واجه! مارا یات اِنت که اے درۆگبندا وتی زِندا گوَشتگ‌اَت که سئے رۆچا رَند من پدا زندگَ بان و جاهَ جنان. 64پمێشکا پرمان بدئے که تان سئے رۆچا کبرئے سرا نِگهپانی کنگ ببیت، چۆ مبیت که آییئے مُرید بیاینت و جۆنا بدُزّنت و گۆن مردمان بگوَشنت که آ چه مُردگان پدا زندگ بوتگ و اے گُڈّی رپک و هنر چه پێسریگێنا گَنتر ببیت.“ 65پیلاتوسا دَرّاێنت: ”لهتێن سپاهیگ بزورێت، برئوێت و هما پئیما که گۆن شما بوتَ کنت، کبرئے نِگهپانیا بکنێت.“ 66گڑا شتنت و کبرئے دَپئے مزنێن ڈۆکِش مُهر جت و مۆمبند کرت و سپاهیگِش پانگ کرتنت.
Currently Selected:
مَتّا 27: HPKB
Highlight
Share
Copy
Want to have your highlights saved across all your devices? Sign up or sign in
© 2016-22 Wycliffe Bible Translators, Inc.
مَتّا 27
27
ایسّا رومیانی دستا دئیَگ بیت
(مَرکاس 15:1؛ لوکا 23:1–2؛ یوهَنّا 18:28–32)
1سباها ماهلّه، سجّهێن مزنێن دینی پێشوا و کئومئے کماشان شئور یَکّ کرت که ایسّایا کُشێن. 2ایسّااِش بست، کَشّان کرت و رومی والی پیلاتوسئے دستا دات.
یَهودائے وتکُشی
(کاسِدانی کار 1:18–19)
3وهدے ایسّائے گراێنۆک یَهودایا دیست که په ایسّایا مَرکئے سزااِش بست، پشۆمان بوت و سیێن نُگرهێن کُرشی برت و مزنێن دینی پێشوا و کئومئے کماشانا پِر تَرّێنتنت. 4گوَشتی: ”مئیاریگ آن که من بێگُناهێن مردمے دْرۆهِت.“ بله آیان پَسّئو دات: ”مارا چِه کار اِنت؟ تئو بزان و تئیی کار.“ 5گڑا یَهودایا هما زَرّ مزنێن پرستشگاها چَگل داتنت و شت و وتا دْرتک و کُشتی. 6مزنێن دینی پێشوایان زَرّ زرتنت و گوَشتِش: ”اے پلیتێن#27:6 اَسلیگێن یونانی نبشتانکَ گوَشیت: ”هۆنیگێن زرّ“. زَرّ اَنت، پرستشگاهئے هزانَگا اِشانی اێر کنگ رئوا نه‌اِنت.“ 7پمێشکا شئور و سَلاها رَند، چه آ زَرّان کوزه‌گَرئے#27:7 کوزه‌گر، بزان هما مردم که کُمب و کونزگ اڈَّ کنت. ڈگارِش بها زرت که په دَرامدان کبرستانے بکننتی. 8تان رۆچِ مرۆچی آ ڈگارئے نام ”هۆنئے ڈگار“ اِنت. 9اے پئیما اِرِمیا نبیئے کرتگێن اے هبر راست و سرجم بوت: من سیێن نُگرهێن کُرش زرتنت. بنی اِسراییلئے چُکّان آ مردئے کیمت همینچُک بستگ‌اَت. 10من چه اے زَرّان کوزه‌گَرئے ڈگار بَها زُرت، اَنچُش که هُداوندا منا پرمان داتگ‌اَت.#27:10 زَکَریا نبیئے کتاب 11:12 و رَند، اِرِمیا نبیئے کتاب 32:6 و رَند.
ایسّا پیلاتوسئے دێما
(مَرکاس 15:2–5؛ لوکا 23:3–5؛ یوهَنّا 18:33–38)
11نون ایسّا والیئے دێما اۆشتارێنگ بوت و والیا چه آییا جُست کرت: ”تئو یَهودیانی بادشاه ائے؟“ ایسّایا پَسّئو دات: ”تئو وت گوَشگا ائے.“ 12مزنێن دینی پێشوا و کئومئے کماش ایسّایا بُهتام جنَگا اَتنت، بله آییا هچّ پَسّئو ندات. 13پیلاتوسا گوَشت: ”تئو نه‌اِشکنگا ائے که اے مردم تئیی هِلاپا چینچُک شاهدی دئیگا اَنت؟“ 14بله ایسّایا آیانی یکّ بُهتامێئے پَسّئو هم ندات و والی سکّ هئیران بوت.
15والیا هر سال ائییدئے وهدا، چه یَهودی بندیگان یکّے، هما که مردمان لۆٹتگ‌اَت، آزاتَ کرت. 16آ وهدا یکّ بندیگے زندانا اَت که نامی ایسّا بَرَبّاس اَت و په وتی بدێن کاران نامکپت اَت. 17وهدے مردم مُچّ بوتنت، پیلاتوسا چه آیان جُست کرت: ”شما چے گوَشیێت، من کئیا آزات بکنان، ایسّا بَرَبّاسا یا اے ایسّایا که مَسیه هم گوَشنتی؟“ 18پیلاتوسا زانت که آیان ایسّا مسیه په هَسَدّ منی دستا داتگ، پمێشکا اے جُستی کرت.
19وهدے پیلاتوس هَکدیوانا نِشتگ‌اَت، آییئے جَنا اے کُلئو راه دات: ”گۆن اے بێگناه و نێکێن مردا هچّ مکن، چێا که من دۆشی اِشیئے بارئوا وابے دیستگ و هما اِنت پرێشان آن.“ 20بله مزنێن دینی پێشوا و کئومئے کماشان مُچّ بوتگێن مردم مَنّێنتنت که بَرَبّاسئے آزاتی و ایسّائے مَرکا بلۆٹێت. 21والیا جُست کرت: ”چے لۆٹێت، چه اے دوێنان کجامیا په شما آزات بکنان؟“ آیان گوَشت: ”بَرَبّاسا.“ 22پیلاتوسا چه آیان جُست کرت: ”گڑا گۆن ایسّایا که مَسیه هم گوَشنتی، چے بکنان؟“ آیان په همتئواری گوَشت: ”سَلیبی کَشّ!“ 23پیلاتوسا جُست کرت: ”چێا بارێن؟ مئیاری چے اِنت؟“ بله آیان گێشتر کوکّار کرت و گوَشتِش: ”سَلیبی کَشّ!“
24وهدے پیلاتوسا دیست که هچّ کارے کرتَ نکنت و مردم شۆرش کنگا اَنت، گڑا آییا آپ زرت، مُچّیئے دێما وتی دست شُشتنت و گوَشتی: ”من چه اے مردئے هۆنا بێمئیار آن، شما بزانێت و شمئے کار.“ 25سجّهێن مردمان گوَشت: ”اِشیئے هۆن مئیگ و مئے چُکّانی گردنا اِنت.“ 26گڑا پیلاتوسا په آیانیگی بَرَبّاس آزات کرت و ایسّا شلّاک و هئیزران جناێنت و داتی که سَلیب کشّگ ببیت.
سپاهیگ ایسّایا کَلاگَ بندنت
(مَرکاس 15:16–20؛ یوهَنّا 19:2–3)
27والیئے سپاهیگان ایسّا والیئے کلاتا برت و سجّهێن لشکرِش آییئے چپّ و چاگردا مُچّ کرت. 28آیان، ایسّائے گوَرئے گُد کَشّتنت و سُهرچکێن کباهے گوَرا دات، 29چه ڈَنگر و کُنٹگان تاجے اَڈِّش کرت و آییئے سرا دات، لَٹّے راستێن دستا داتِش و په کَلاگ و ریشکند آییئے دێما کۆنڈان کپتنت و گوَشتِش: ”سلام و درۆت، او یَهودیانی بادشاه!“ 30آییئے سرا تُکِّش جَت و هما لَٹِّش زُرت و آییئے سرا جت. 31وهدے کَلاگ بندَگِش هلاس نکرت، گوَرئے کباهِش کَشّت و آییئے جِندئے گُدِش پدا گوَرا داتنت. رندا دێم په سَلیب کَشّگا برتِش.
ایسّایا سَلیبَ کشّنت
(مَرکاس 15:21–32؛ لوکا 23:26–43؛ یوهَنّا 19:17–27)
32وهدے رئوگا لگّتنت، شَمون نامێن مردے دیستِش که کِرینیئے شهرئے مردمے اَت. سپاهیگان آ په بیگار گپت که ایسّائے سَلیبا بَڈّا بکنت. 33وهدے ”جُلْجُتا“ بزان هما ”کامپۆل“ نامێن جاگها رَستنت 34اۆدا ایسّااِش زَهرگ مان کرتگێن شراب دات، بله آییا چَشَگا رَند نئوارتنت. 35سَلیب کشّگا رند، په لاٹری و کُرَه‌کشّی#27:35 لاٹری و کُرَه‌کشّی بزان چِک و پُشت، تَرّ و هُشک. آییئے پُچّ و پۆشاکِش وت‌مان‌وتا بهر کرتنت. 36رَندا همۆدا نِشتنت و آییئے نِگهپانی‌اِش کرت. 37ایسّائے سربرا مئیارنامگے#27:37 مئیارنامگ، بزان نبشته کرتگێن مئیار. دْرَتکِش که آییئے سرا نبشتگ‌اَت: ”اے ایسّا اِنت، یَهودیانی بادشاه.“
38ایسّائے همراهیا دو ڈُنگِش هم سَلیب کشّت، یکّے راستێن و دومی چَپّێن کشا. 39هما مردم که چه اۆدا گوَزگا اَتنت، آییارا دُژمانِش دات و وتی سرِش چَنڈێنتنت. 40گوَشتِش: ”تئو که گوَشتگ من مزنێن پرستشگاها کرۆجان و سئے رۆچئے تها پدا بَندانی، نون وتی جندا رَکّێن. اگن تئو هُدائے چُکّ ائے، چه سَلیبا اێر آ.“ 41همے ڈئولا مزنێن دینی پێشوا و شَریَتئے زانۆگر و کئومئے کماش هم آییا کلاگ بندگا اَتنت. گوَشگا اَتنت: 42”آ دگه مردمی رَکّێنتنت، بله وتا رَکّێنتَ نکنت. اے وَه اِسراییلئے بادشاه اِنت، اگن نون چه سَلیبا اێر بکپیت، ما آییئے سرا باوَرَ کنێن. 43هُدائے سرا اۆست و اُمێتی بستگ. اگن هُدا آییا رکّێنگَ لۆٹیت، نون برَکّێنیتی، چێا که گوَشتگ‌اَتی: ’من هُدائے چُکّ آن.‘“ 44همے پئیما ایسّائے همراهیا سَلیب کَشّتگێن ڈُنگ هم آییا بَد و رَد گوَشگا اَتنت.
ایسّائے مَرک
(مَرکاس 15:33–41؛ لوکا 23:44–49؛ یوهَنّا 19:28–30)
45نێمرۆچا بگر تان بێگاهئے سئیا،#27:45 اَسلیگێن یونانی نبشتانکَ گوَشیت: ”ششمی ساهتا بگر تان نُهمی ساهتا“. سجّهێن مُلکا تهاریا مان شانت. 46بێگاهئے ساهت سئیا،#27:46 اَسلیگێن یونانی نبشتانکَ گوَشیت: ”نُهمی ساهتا“. ایسّایا کوکّار کرت: ”اِلی، اِلی، لِما سَبَکْتَنی؟“ بزان: او منی هُدا، او منی هُدا! تئو چێا منا یله دات؟#27:46 زَبور 22:1. 47وهدے اۆدا اۆشتاتگێن لهتێن مردما اِشکت، گوَشتِش: ”اِلیاسا تئوار کنگا اِنت.“ 48چه آیان یکّے تچانا شت، اِسْپَنجے#27:48 اِسْپنج، بزان پُژّ، پُکّی. زرتی و تْرُپشێن شرابا میسّێنتی، دارێئے سرا بست و په چوسّگا ایسّائے نێمگا شهارتی. 49بله اے دگه مردمان گوَشت: ”سَبر کن، چارێن بارێن اِلیاس اِشیئے رَکّێنگا کئیت یا نه؟“ 50ایسّایا دومی برا پریاتے جت و ساهی دات. 51هما وهدا مزنێن پرستشگاهئے پرده سرا بگر تان بُنا دِرت و دو نێم بوت، زمین لَرزت و کۆه تَل گپتنت، 52کبرانی دپ پَچ بوت و بازێن پاک و پهرێزکارێن مردمے که مُرتگ‌اَت، پدا زندگ بوت. 53ایسّائے زندگ بئیگ و جاه جنَگا رَند، آ چه وتی کبران در آتکنت، پاکێن شهرا، بزان اورشلیما شتنت و بازێنێا دیستنت. 54هما پئوجی اَپسر و آییئے همراهێن سپاهیگ که ایسّائے پانگ اَتنت، وهدے زمین‌چَنڈ و اے دگه چیزِّش دیستنت، دلتْرکّ بوتنت و گوَشتِش: ”بێشکّ اے مرد هُدائے چُکّ اَت.“
55بازێن جنێنے که چه جَلیلا ایسّائے همراه اَت و آییئے هئیالداری‌اِش کرتگ‌اَت، دور اۆشتاتگ و چارگا اَتنت. 56اِشانی تها یکّے مَریَم مَگدَلینی اَت، یکّے آکوب و ایسُّپئے مات مَریَم اَت و یکّے زِبْدیئے چُکّانی مات اَت.
ایسّائے کَبر و کَپن
(مَرکاس 15:42–47؛ لوکا 23:50–56؛ یوهَنّا 19:38–42)
57شپ که بوت اَریماتیائے شهرئے ایسُّپ نامێن سێر و هزگارێن مردے آتک که ایسّائے مُریدے اَت. 58پیلاتوسئے کِرّا شت و ایسّائے جۆنئے برگئے اِجازتی لۆٹت. پیلاتوسا پرمان دات که جۆنا آییا بدئیێت. 59ایسُّپا جۆن زرت و سپاێن لیلُمێن#27:59 لیلُم، گُدئے تَهرے که اَنگرێزیا ”linen“ گوَشگَ بیت. گُدێا پتات و 60هما نۆکێن کبرئے تها اێر کرت که کۆهێئے تها په وت جتگ‌اَتی. مزنێن ڈۆکے لێٹی دات و کَبرئے دپا داتی و شت. 61مَریَم مَگدَلینی و آ دگه مَریَم همۆدا نِشتگ‌اَتنت و دێمِش گۆن کبرا اَت.
کَبرئے نِگهپانی
62دومی رۆچا، بزان شَمبِها،#27:62 اَسلیگێن یونانی نبشتانکَ گوَشیت: ”شَبَّتئے تئیاریئے رۆچا رند“. مزنێن دینی پێشوا و پَریسی یکجاه بوت و پیلاتوسئے کِرّا شتنت. 63گوَشتِش: ”واجه! مارا یات اِنت که اے درۆگبندا وتی زِندا گوَشتگ‌اَت که سئے رۆچا رَند من پدا زندگَ بان و جاهَ جنان. 64پمێشکا پرمان بدئے که تان سئے رۆچا کبرئے سرا نِگهپانی کنگ ببیت، چۆ مبیت که آییئے مُرید بیاینت و جۆنا بدُزّنت و گۆن مردمان بگوَشنت که آ چه مُردگان پدا زندگ بوتگ و اے گُڈّی رپک و هنر چه پێسریگێنا گَنتر ببیت.“ 65پیلاتوسا دَرّاێنت: ”لهتێن سپاهیگ بزورێت، برئوێت و هما پئیما که گۆن شما بوتَ کنت، کبرئے نِگهپانیا بکنێت.“ 66گڑا شتنت و کبرئے دَپئے مزنێن ڈۆکِش مُهر جت و مۆمبند کرت و سپاهیگِش پانگ کرتنت.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2016-22 Wycliffe Bible Translators, Inc.