مَتّا 26
26
ایسّائے کُشگئے پندل
(مَرکاس 14:1–2؛ لوکا 22:1–2؛ یوهَنّا 11:45–53)
1وهدے ایسّایا اے هبر هلاس کرتنت، گۆن وتی مُریدان گوَشتی: 2”شما زانێت که دو رۆچا رَند سَرگوَزئے ائییدَ#26:2 اِشیا سَرگوَزئے ائیید پمێشکا گوَشنت که چه مِسریانی چێردستیا اسراییلیانی آزاتیئے وهدا مَرکئے پرێشتگ چه اسراییلی چُکّانی کُشگا سر گوَست. اِنت و انسانئے چُکّ په سَلیب کَشّگا گِراێنگَ بیت.“ 3همے وهدا، مزنێن دینی پێشوا و کئومئے کماشان، مسترێن دینی پێشوا کئیاپائے کلاتا دیوان کرت و 4شئورِش کرت که ایسّایا چۆن په رِپک و هنر بگرێن و بکُشێن. 5بله گوَشتِش: ”ائییدئے رۆچان نه، چۆ مبیت که مردم آشۆپ بکننت.“
جنێنے ایسّایا اَترَ مُشیت
(مَرکاس 14:3–9؛ یوهَنّا 12:1–8)
6وهدے ایسّا بئیت‌اَنیایا شَمون گَرّیئے لۆگا اَت، 7جنێنے گۆن اَلباسترئے#26:7 اَلباستر نرمێن سنگے. اَتردانێا که سکّێن گران‌بهاێن اَتری مان اَت، ایسّائے گوَرا آتک. وهدے ایسّا پرزۆنگئے سرا نِشتگ‌اَت، همۆدا ایسّائے سری اَتر پِر رێتک. 8مُریدان که دیست، زَهرا پُرّبوتنت. وَت‌مان‌وتا گوَشتِش: ”اِشیا چێا اے اَتر زئوال کرت؟ 9اگن بَها کنگ بوتێن، مزنێن زرّے رَستگ‌اَت و اے زَرّ گریب و نێزگارانی کارا آتکگ‌اَتنت.“ 10ایسّایا زانت که مُرید زهر گپتگ‌اَنت، گوَشتی: ”چێا شما اے جنێنا پرێشان کنگا اێت؟ اِشیا گۆن من نێکیے کرتگ. 11گریب و نێزگار مُدام شمئے کِرّا هست، بله من هروهد گۆن شما گۆن نه‌آن. 12اے جَنێنا منی سرا اَتر پِر رێتک که چه پێسرا منا په کبر کنگا تئیار بکنت. 13شمارا راستێنَ گوَشان، سجّهێن دنیایا، هر کُنڈے که اے وشّێن مِستاگئے جار جنَگَ بیت، همے جنێن یات کنگَ بیت و اِشیئے کارئے کسّه آرگَ بیت.“
یهودا اسکریوتیئے بَدێن اراده
(مَرکاس 14:10–11؛ لوکا 22:3–6)
14رَندا چه دوازدهێن کاسدان یکّے که نامی یَهودا اِسْکَریوتی اَت، مزنێن دینی پێشوایانی کِرّا شت و 15گوَشتی: ”اگن من ایسّایا شمئے دستا بدئیان، شما منا چے دئیێت؟“ آیان سی نُگرهێن کُرش#26:15 اَسلیگێن یونانی نبشتانکَ گوَشیت: ”سی آرگوریا“. کُرش بلۆچانی کوَهنێن زَرّ اِنت. هساب کرت و دات. 16چه هما وهدا و رَند، یَهودا شَرّێن مۆهێئے شۆهازا اَت که ایسّایا آیانی دستا بدنت.
سَرگوَزئے ائییدئے تئیاری
(مَرکاس 14:12–21؛ لوکا 22:7–14؛ یوهَنّا 13:21–30)
17بێهُمیرێن نگنئے ائییدئے#26:17 بێهُمیرێن نگنئے ائیید، سَرگوَزئے ائییدا رَند هپت رۆچئے تها گِرگَ بیت. ائولی رۆچا، مُرید ایسّائے کرّا آتکنت و چه آییا جُستِش کرت: ”چے گوَشئے، په تئو سَرگوَزئے ائییدئے شامئے تئیاریا کجا بکنێن؟“ 18آییا پَسّئو دات: ”شهرا برئوێت و پِلان مردما بگوَشێت که استاد گوَشیت، منی وهد نزّیکّ اِنت، من گۆن وتی مُریدان سَرگوَزئے شاما تئیی لۆگا کنان.“ 19گڑا اَنچۆ که ایسّایا گوَشتگ‌اَت، مُریدان هما پئیما کرت و سَرگوَزئے شامِش تئیار کرت.
20شپ که بوت، ایسّا گۆن وتی دوازدهێن کاسدان پَرزۆنَگئے سرا نِشتگ‌اَت. 21ورگئے وهدا گوَشتی: ”شمارا راستێنَ گوَشان، چه شما یکّے منا درۆهیت و دژمنانی دستا دنت.“ 22مُرید سَکّ پرێشان بوتنت. هَر یکّے چه آییا جُست کنگا لگّت: ”او هُداوند! من وَه نه‌آن، نه؟“ 23آییا پَسّئو تَرّێنت: ”آییا که انّون منی هۆریگا کاسگا دست بُرت، هما منا دْرۆهیت.“ 24هما ڈئولا که نبیسگ بوتگ، انسانئے چُکّ چه اے دنیایا رئوگی اِنت، بله بژن و اپسۆز په هما مردما که انسانئے چُکّا دْرۆهیت. په آییا شرتر اَت که هچبر پێدا مبوتێن. 25گڑا یَهودایا، هما که ایسّایی دْرۆهگی اَت، گوَشت: ”او استاد! من وَه نه‌آن، نه؟“ ایسّایا پَسّئو دات: ”تئو وت گوَشگا ائے.“
گُڈّی شام
(مَرکاس 14:22–26؛ لوکا 22:15–20؛ کُرِنتیانی ائولی کاگد 11:23–25)
26وهدے شام کنگا اَتنت، ایسّایا نگنے زرت، هُدائے شُگری گپت، نگنی چُنڈ چُنڈ کرت و مُریدانا دات. گوَشتی: ”بزورێت و بوَرێت، اے منی جسم و جان اِنت.“ 27پدا پیالهے زرتی، هُدائے شُگری گپت، مُریدانا دات و گوَشتی: ”شما سجّهێن چه اِشیا بنۆشێت. 28اے منی هۆن اِنت، اَهد و پئیمانئے هۆن که په بازێنێئے گناهانی شۆدگا رێچگَ بیت. 29من شمارا گوَشان، نون دگه برے انگورئے آپا نئوران، هما رۆچا پدا ورانی که وتی پتئے بادشاهیا، گۆن شما هۆرَ بان.“ 30پدا هَمدِش#26:30 بزان زَبور 115–118. جت و دێم په زئیتونئے کۆها شُتنت.
پِتْرُسئے اِنکارئے پێشگۆیی
(مَرکاس 14:27–31؛ لوکا 22:31–34؛ یوهَنّا 13:36–38)
31گڑا ایسّایا گۆن مُریدان گوَشت: ”شما سجّهێن همے شپئے جندا ٹَگلَ ورێت و منا یلهَ دئیێت، چێا که نبیسگ بوتگ: من شپانکا جنان و رمگئے پس شِنگ و شانگَ بنت.#26:31 زَکَریا نبیئے کتاب 13:7. 32بله دوبَر زندگ بئیگا رَند، چه شما پێسر جَلیلا رئوان.“ 33گڑا پِتْرُسا درّاێنت: ”اگن سجّهێن ٹَگل بوَرنت و ترا یله بدئینت، من هچبر ٹَگلَ نئوَران.“ 34ایسّایا گوَشت: ”ترا راستێنَ گوَشان، همے شپئے جِندا چه کرۆسئے بانگا پێسر منی پَجّاه آرگا سئے رندا اِنکارَ کنئے.“ 35بله پِتْرُسا گوَشت: ”اگن گۆن تئو منی سر هم برئوت، چه تئیی پَجّاه آرگا هچبرَ اِنکارَ نکنان.“ اے دگه سجّهێن مُریدان هم اَنچُش گوَشت.
ایسّائے دْوا
(مَرکاس 14:32–42؛ لوکا 22:39–46)
36رَندا ایسّا گۆن وتی مُریدان جِتْسیمانی نامێن جاگهێا شت و گۆن آیان گوَشتی: ”همِدا بنندێت، من اۆدا رئوان و دْوا کنان.“ 37آییا پِتْرُس و زِبْدیئے دوێن چُکّ همراه کرتنت. پرێشان و بێتاهیر#26:37 بێتاهیر، بزان بے‌آرام، بێکرار. اَت. 38گۆن آیان گوَشتی: ”منی دِل سکّ پرێشان اِنت، گَم و اَندۆهان منا مَرکیگ کرتگ، شما همِدا بدارێت، مئوپسێت و منی همراهیا آگه و هُژّار بێت.“ 39پدا کمّے دێمترا شت، دێم په چێر کپت و دْوایی کت: ”او منی پت! اگن بوتَ کنت، سکّیانی اے پیالها چه من دور کن، بله منی واهگئے سرا نه، هما پئیما که تئیی رزا اِنت.“
40ایسّا که پِر ترّت، دیستی که مُرید واب اَنت. گۆن پِتْرُسا گوَشتی: ”نبوت که شما یکّ ساهتے هم گۆن من آگه بمانێت؟ 41هُژّار بێت و دْوا کنێت که آزمائِش و چَکّاسا مکپێت. روه تئیار اِنت، بله جسم نِزۆر اِنت.“ 42دومی برا شت و اے دْوایی کت: ”او منی پت! اگن اے پیاله بے نۆشگا چه من دور کنگَ نبیت، گڑا هرچے که تئیی رزا اِنت، هما ڈئولا ببیت.“ 43وهدے پِر ترّت، دیستی که پدا واب اَنت و چَمِّش پَچَ نبنت. 44اِشتنتی و سئیمی رندا پدا په دْوا کنگا شت و هما دْوایی کرت. 45گڑا مُریدانی کِرّا پِر ترّت و گوَشتی: ”اَنگت وپتگێت و آرام کنگا اێت؟ نون آ وهد و ساهت نزّیکّ اِنت که انسانئے چُکّ دْرۆهگ و گُنهکارانی دستا دئیگَ بیت. 46پاد آێت که رئوێن! آ که منا دْرۆهیت، پێداک اِنت.“
ایسّائے دَزگیر بئیگ
(مَرکاس 14:43–50؛ لوکا 22:47–53؛ یوهَنّا 18:3–12)
47ایسّا اَنگت هبرا اَت که چه دوازدهێن کاسدان یکّے، بزان یَهودا آتک و رَست. آییا مزنێن رُمبے همراه اَت که زَهم و لَٹِّش گۆن اَت. اے رُمب چه مزنێن دینی پێشوا و کئومئے کماشانی نێمگا راه دئیگ بوتگ‌اَت. 48ایسّائے درۆهۆکا#26:48 درۆهۆک، بزان هما که وتی همراها رَدَ دنت و بها کنت. آیانا اے نشانی داتگ‌اَت: ”هماییا که منَ چُکّان، ایسّا هما اِنت. آییا دَزگیر کنێت.“ 49یَهودا تچکا ایسّائے کِرّا آتک و گوَشتی: ”او استاد! سلام و دْرۆت!“ رندا ایسّایی چُکِّت. 50ایسّایا گوَشت، ”او سنگت! په هما کارا که آتکگئے، بکنی.“ گڑا دێما آتکنت، ایسّااِش گپت و دَزگیر کرت. 51هما دمانا، چه ایسّائے همراهان یکّێا وتی زَهم کَشّت و مسترێن دینی پێشوائے نئوکرئے گۆش سِست. 52ایسّایا گۆن آییا گوَشت: ”وتی زَهما جُتکا#26:52 جُتک، بزان زَهم یا کارچئے جِلد، پۆش، نیام. کن. هرکَس که زَهمَ کشّیت، گۆن زَهما کُشگَ بیت. 53زانا، تئو نزانئے اگن چه وتی پتا بلۆٹان، آ په منی کُمکّا همے دمانا دوازده لشکرا#26:53 اَسلیگێن یونانی نبشتانکَ گوَشیت: ”دوازده لیگیون“. هر لیگیونا 6000 سپاهیگ مان اَت. گێشتر پرێشتگ راهَ دنت؟ 54بله گڑا پاکێن کتابانی نبشتگێن هما هبر که باید اِنت راست و سَرجم ببنت، چۆن راستَ بنت؟“ 55پدا ایسّایا دێم گۆن مُچّیا کرت و گوَشتی: ”زانا من دُزّ و ڈُنگے آن که شما گۆن زَهم و لَٹّان په منی گِرگا آتکگێت؟ من هر رۆچ مزنێن پرستشگاها نِشتگ و مردم تالیم داتگ‌اَنت و شما منا نگپتگ. 56بله اے پئیما پمێشکا بوت که نبیانی کتابانی پێشگۆیی راست و سرجم ببنت.“ گڑا سجّهێن مُریدان آ یله دات و جِستنت.
ایسّا، سرۆکانی دیوانا
(مَرکاس 14:53–65؛ لوکا 22:54–55، 63–71؛ یوهَنّا 18:13–14، 19–24)
57ایسّائے دَزگیر کنۆکان، ایسّا زرت و مسترێن دینی پێشوا کئیاپائے کِرّا برت که اۆدا شَریَتئے زانۆگر و کئومئے کماش مُچّ اَتنت. 58پِتْرُس هم دور دورا، تان مسترێن دینی پێشوائے لۆگئے پێشگاها#26:58 پێشگاه، بزان پێشجاه، پێژگاه، لۆگئے چاردیوال، سَهن. ایسّائے رندا رئوان اَت. تها پُترت و سِپاهیگانی کِرّا نِشت تانکه بزانت که چے بیت. 59مزنێن دینی پێشوا و سرۆکانی دیوانئے سجّهێن باسک#26:59 باسک، بزان اُزْو، مِمبر. په ایسّائے مَرکئے سِزا دئیگا درۆگێن شاهدیئے شۆهازا اَتنت. 60چۆناها بازێن درۆگێن شاهدے په گواهی دئیگا پاد آتک، بله هچّ پَکّاێن شاهدیے دست نکپت. گُڈسرا دو مردم دێما در آتک و 61گوَشتِش: ”اے مردا گوَشتگ که منَ توانان هُدائے پرستشگاها بِپرۆشان و سئے رۆچئے تها پدا بِبندانی.“ 62گڑا مسترێن دینی پێشوا پاد آتک و چه ایسّایا جُستی کرت: ”تئیی کرّا هچّ پَسّئو نێست؟ اے تئیی هِلاپا چۆنێن شاهدی دئیگا اَنت؟“ 63بله ایسّایا پَسّئو ندات. مسترێن دینی پێشوایا گۆن آییا گوَشت: ”من ترا نمیرانێن هُدائے سئوگندا دئیان، مارا بگوَش، بارێن تئو هما مَسیه ائے، هُدائے چُکّ ائے؟“ 64ایسّایا دَرّاێنت: ”تئو وت گوَشگا ائے. بله من شمارا گوَشان، دێمترا گندێت که انسانئے چُکّ زۆرمندێن هُدائے راستێن کَشا نِشتگ و اے هم گِندێت که آسمانئے جمبرانی سرا اِنت و کئیت.“ 65گڑا مسترێن دینی پێشوایا وتی کباه دِرت و گوَشت: ”اے کُپر کنگا اِنت، اَنگت هم مارا شاهد پکار اِنت؟ شما اَنّون اے کُپر اِشکت. 66نون شمئے شئور و سَلاه چے اِنت؟“ آیان پَسّئو دات: ”اِشیئے سِزا مَرک اِنت.“ 67پدا آیان ایسّائے دپ و دێما تُکّ جت#26:67 تُکّ جنگ، بزان تُه جنگ. و لهتێنا مُشت و شَهمات هم جت. 68گوَشتِش: ”او مَسیه! وتی گئیبی زانتا کار بَند و مارا بگوَش، ترا کئیا جت؟“
پِتْرُسئے اِنکار
(مَرکاس 14:66–72؛ لوکا 22:56–62؛ یوهَنّا 18:15–18، 25–27)
69پِتْرُس ڈنّا پێشگاها نِشتگ‌اَت که مۆلدے آییئے کِرّا آتک و گوَشتی: ”تئو هم جَلیلی ایسّائے همراه بوتگئے.“ 70بله آییا سجّهێنانی دێما اِنکار کرت و گوَشت: ”منَ نزانان تئو چے گوَشگا ائے.“ 71وهدے دێم په مزنێن دروازگا رئوگا اَت، دگه مۆلدێا دیست و گۆن هما مردمان که اۆدا اَتنت، گوَشتی: ”اے مرد ایسّا ناسِریئے همراه بوتگ.“ 72پِتْرُسا دومی رَندا اِنکار کرت و سئوگند وارت و گوَشتی: ”من اے مردا نزانان.“ 73دمانێا رَند، اۆدا اۆشتاتگێن مردم پِتْرُسئے کِرّا آتکنت و گوَشتِش: ”اَلّما تئو چه همایان ائے، چه تئیی گالوارا اَنچُش جاهَ کئیت.“ 74پِتْرُسا سئوگند وارت و گوَشت: ”هُدا منا نالت بکنات اگن درۆگ ببندان. من اے مردا نزانان.“ هما دمانا کرۆسا بانگ دات. 75گڑا پِتْرُس یاتا کپت که ایسّایا گوَشتگ‌اَت: ”کرۆسئے بانگا پێسر، تئو سئے رَندا منی پَجّاه آرگا اِنکارَ کنئے.“ نون ڈنّا در آتک و زار زارا گْرێتی.
Currently Selected:
مَتّا 26: HPKB
Highlight
Share
Copy
Want to have your highlights saved across all your devices? Sign up or sign in
© 2016-22 Wycliffe Bible Translators, Inc.
مَتّا 26
26
ایسّائے کُشگئے پندل
(مَرکاس 14:1–2؛ لوکا 22:1–2؛ یوهَنّا 11:45–53)
1وهدے ایسّایا اے هبر هلاس کرتنت، گۆن وتی مُریدان گوَشتی: 2”شما زانێت که دو رۆچا رَند سَرگوَزئے ائییدَ#26:2 اِشیا سَرگوَزئے ائیید پمێشکا گوَشنت که چه مِسریانی چێردستیا اسراییلیانی آزاتیئے وهدا مَرکئے پرێشتگ چه اسراییلی چُکّانی کُشگا سر گوَست. اِنت و انسانئے چُکّ په سَلیب کَشّگا گِراێنگَ بیت.“ 3همے وهدا، مزنێن دینی پێشوا و کئومئے کماشان، مسترێن دینی پێشوا کئیاپائے کلاتا دیوان کرت و 4شئورِش کرت که ایسّایا چۆن په رِپک و هنر بگرێن و بکُشێن. 5بله گوَشتِش: ”ائییدئے رۆچان نه، چۆ مبیت که مردم آشۆپ بکننت.“
جنێنے ایسّایا اَترَ مُشیت
(مَرکاس 14:3–9؛ یوهَنّا 12:1–8)
6وهدے ایسّا بئیت‌اَنیایا شَمون گَرّیئے لۆگا اَت، 7جنێنے گۆن اَلباسترئے#26:7 اَلباستر نرمێن سنگے. اَتردانێا که سکّێن گران‌بهاێن اَتری مان اَت، ایسّائے گوَرا آتک. وهدے ایسّا پرزۆنگئے سرا نِشتگ‌اَت، همۆدا ایسّائے سری اَتر پِر رێتک. 8مُریدان که دیست، زَهرا پُرّبوتنت. وَت‌مان‌وتا گوَشتِش: ”اِشیا چێا اے اَتر زئوال کرت؟ 9اگن بَها کنگ بوتێن، مزنێن زرّے رَستگ‌اَت و اے زَرّ گریب و نێزگارانی کارا آتکگ‌اَتنت.“ 10ایسّایا زانت که مُرید زهر گپتگ‌اَنت، گوَشتی: ”چێا شما اے جنێنا پرێشان کنگا اێت؟ اِشیا گۆن من نێکیے کرتگ. 11گریب و نێزگار مُدام شمئے کِرّا هست، بله من هروهد گۆن شما گۆن نه‌آن. 12اے جَنێنا منی سرا اَتر پِر رێتک که چه پێسرا منا په کبر کنگا تئیار بکنت. 13شمارا راستێنَ گوَشان، سجّهێن دنیایا، هر کُنڈے که اے وشّێن مِستاگئے جار جنَگَ بیت، همے جنێن یات کنگَ بیت و اِشیئے کارئے کسّه آرگَ بیت.“
یهودا اسکریوتیئے بَدێن اراده
(مَرکاس 14:10–11؛ لوکا 22:3–6)
14رَندا چه دوازدهێن کاسدان یکّے که نامی یَهودا اِسْکَریوتی اَت، مزنێن دینی پێشوایانی کِرّا شت و 15گوَشتی: ”اگن من ایسّایا شمئے دستا بدئیان، شما منا چے دئیێت؟“ آیان سی نُگرهێن کُرش#26:15 اَسلیگێن یونانی نبشتانکَ گوَشیت: ”سی آرگوریا“. کُرش بلۆچانی کوَهنێن زَرّ اِنت. هساب کرت و دات. 16چه هما وهدا و رَند، یَهودا شَرّێن مۆهێئے شۆهازا اَت که ایسّایا آیانی دستا بدنت.
سَرگوَزئے ائییدئے تئیاری
(مَرکاس 14:12–21؛ لوکا 22:7–14؛ یوهَنّا 13:21–30)
17بێهُمیرێن نگنئے ائییدئے#26:17 بێهُمیرێن نگنئے ائیید، سَرگوَزئے ائییدا رَند هپت رۆچئے تها گِرگَ بیت. ائولی رۆچا، مُرید ایسّائے کرّا آتکنت و چه آییا جُستِش کرت: ”چے گوَشئے، په تئو سَرگوَزئے ائییدئے شامئے تئیاریا کجا بکنێن؟“ 18آییا پَسّئو دات: ”شهرا برئوێت و پِلان مردما بگوَشێت که استاد گوَشیت، منی وهد نزّیکّ اِنت، من گۆن وتی مُریدان سَرگوَزئے شاما تئیی لۆگا کنان.“ 19گڑا اَنچۆ که ایسّایا گوَشتگ‌اَت، مُریدان هما پئیما کرت و سَرگوَزئے شامِش تئیار کرت.
20شپ که بوت، ایسّا گۆن وتی دوازدهێن کاسدان پَرزۆنَگئے سرا نِشتگ‌اَت. 21ورگئے وهدا گوَشتی: ”شمارا راستێنَ گوَشان، چه شما یکّے منا درۆهیت و دژمنانی دستا دنت.“ 22مُرید سَکّ پرێشان بوتنت. هَر یکّے چه آییا جُست کنگا لگّت: ”او هُداوند! من وَه نه‌آن، نه؟“ 23آییا پَسّئو تَرّێنت: ”آییا که انّون منی هۆریگا کاسگا دست بُرت، هما منا دْرۆهیت.“ 24هما ڈئولا که نبیسگ بوتگ، انسانئے چُکّ چه اے دنیایا رئوگی اِنت، بله بژن و اپسۆز په هما مردما که انسانئے چُکّا دْرۆهیت. په آییا شرتر اَت که هچبر پێدا مبوتێن. 25گڑا یَهودایا، هما که ایسّایی دْرۆهگی اَت، گوَشت: ”او استاد! من وَه نه‌آن، نه؟“ ایسّایا پَسّئو دات: ”تئو وت گوَشگا ائے.“
گُڈّی شام
(مَرکاس 14:22–26؛ لوکا 22:15–20؛ کُرِنتیانی ائولی کاگد 11:23–25)
26وهدے شام کنگا اَتنت، ایسّایا نگنے زرت، هُدائے شُگری گپت، نگنی چُنڈ چُنڈ کرت و مُریدانا دات. گوَشتی: ”بزورێت و بوَرێت، اے منی جسم و جان اِنت.“ 27پدا پیالهے زرتی، هُدائے شُگری گپت، مُریدانا دات و گوَشتی: ”شما سجّهێن چه اِشیا بنۆشێت. 28اے منی هۆن اِنت، اَهد و پئیمانئے هۆن که په بازێنێئے گناهانی شۆدگا رێچگَ بیت. 29من شمارا گوَشان، نون دگه برے انگورئے آپا نئوران، هما رۆچا پدا ورانی که وتی پتئے بادشاهیا، گۆن شما هۆرَ بان.“ 30پدا هَمدِش#26:30 بزان زَبور 115–118. جت و دێم په زئیتونئے کۆها شُتنت.
پِتْرُسئے اِنکارئے پێشگۆیی
(مَرکاس 14:27–31؛ لوکا 22:31–34؛ یوهَنّا 13:36–38)
31گڑا ایسّایا گۆن مُریدان گوَشت: ”شما سجّهێن همے شپئے جندا ٹَگلَ ورێت و منا یلهَ دئیێت، چێا که نبیسگ بوتگ: من شپانکا جنان و رمگئے پس شِنگ و شانگَ بنت.#26:31 زَکَریا نبیئے کتاب 13:7. 32بله دوبَر زندگ بئیگا رَند، چه شما پێسر جَلیلا رئوان.“ 33گڑا پِتْرُسا درّاێنت: ”اگن سجّهێن ٹَگل بوَرنت و ترا یله بدئینت، من هچبر ٹَگلَ نئوَران.“ 34ایسّایا گوَشت: ”ترا راستێنَ گوَشان، همے شپئے جِندا چه کرۆسئے بانگا پێسر منی پَجّاه آرگا سئے رندا اِنکارَ کنئے.“ 35بله پِتْرُسا گوَشت: ”اگن گۆن تئو منی سر هم برئوت، چه تئیی پَجّاه آرگا هچبرَ اِنکارَ نکنان.“ اے دگه سجّهێن مُریدان هم اَنچُش گوَشت.
ایسّائے دْوا
(مَرکاس 14:32–42؛ لوکا 22:39–46)
36رَندا ایسّا گۆن وتی مُریدان جِتْسیمانی نامێن جاگهێا شت و گۆن آیان گوَشتی: ”همِدا بنندێت، من اۆدا رئوان و دْوا کنان.“ 37آییا پِتْرُس و زِبْدیئے دوێن چُکّ همراه کرتنت. پرێشان و بێتاهیر#26:37 بێتاهیر، بزان بے‌آرام، بێکرار. اَت. 38گۆن آیان گوَشتی: ”منی دِل سکّ پرێشان اِنت، گَم و اَندۆهان منا مَرکیگ کرتگ، شما همِدا بدارێت، مئوپسێت و منی همراهیا آگه و هُژّار بێت.“ 39پدا کمّے دێمترا شت، دێم په چێر کپت و دْوایی کت: ”او منی پت! اگن بوتَ کنت، سکّیانی اے پیالها چه من دور کن، بله منی واهگئے سرا نه، هما پئیما که تئیی رزا اِنت.“
40ایسّا که پِر ترّت، دیستی که مُرید واب اَنت. گۆن پِتْرُسا گوَشتی: ”نبوت که شما یکّ ساهتے هم گۆن من آگه بمانێت؟ 41هُژّار بێت و دْوا کنێت که آزمائِش و چَکّاسا مکپێت. روه تئیار اِنت، بله جسم نِزۆر اِنت.“ 42دومی برا شت و اے دْوایی کت: ”او منی پت! اگن اے پیاله بے نۆشگا چه من دور کنگَ نبیت، گڑا هرچے که تئیی رزا اِنت، هما ڈئولا ببیت.“ 43وهدے پِر ترّت، دیستی که پدا واب اَنت و چَمِّش پَچَ نبنت. 44اِشتنتی و سئیمی رندا پدا په دْوا کنگا شت و هما دْوایی کرت. 45گڑا مُریدانی کِرّا پِر ترّت و گوَشتی: ”اَنگت وپتگێت و آرام کنگا اێت؟ نون آ وهد و ساهت نزّیکّ اِنت که انسانئے چُکّ دْرۆهگ و گُنهکارانی دستا دئیگَ بیت. 46پاد آێت که رئوێن! آ که منا دْرۆهیت، پێداک اِنت.“
ایسّائے دَزگیر بئیگ
(مَرکاس 14:43–50؛ لوکا 22:47–53؛ یوهَنّا 18:3–12)
47ایسّا اَنگت هبرا اَت که چه دوازدهێن کاسدان یکّے، بزان یَهودا آتک و رَست. آییا مزنێن رُمبے همراه اَت که زَهم و لَٹِّش گۆن اَت. اے رُمب چه مزنێن دینی پێشوا و کئومئے کماشانی نێمگا راه دئیگ بوتگ‌اَت. 48ایسّائے درۆهۆکا#26:48 درۆهۆک، بزان هما که وتی همراها رَدَ دنت و بها کنت. آیانا اے نشانی داتگ‌اَت: ”هماییا که منَ چُکّان، ایسّا هما اِنت. آییا دَزگیر کنێت.“ 49یَهودا تچکا ایسّائے کِرّا آتک و گوَشتی: ”او استاد! سلام و دْرۆت!“ رندا ایسّایی چُکِّت. 50ایسّایا گوَشت، ”او سنگت! په هما کارا که آتکگئے، بکنی.“ گڑا دێما آتکنت، ایسّااِش گپت و دَزگیر کرت. 51هما دمانا، چه ایسّائے همراهان یکّێا وتی زَهم کَشّت و مسترێن دینی پێشوائے نئوکرئے گۆش سِست. 52ایسّایا گۆن آییا گوَشت: ”وتی زَهما جُتکا#26:52 جُتک، بزان زَهم یا کارچئے جِلد، پۆش، نیام. کن. هرکَس که زَهمَ کشّیت، گۆن زَهما کُشگَ بیت. 53زانا، تئو نزانئے اگن چه وتی پتا بلۆٹان، آ په منی کُمکّا همے دمانا دوازده لشکرا#26:53 اَسلیگێن یونانی نبشتانکَ گوَشیت: ”دوازده لیگیون“. هر لیگیونا 6000 سپاهیگ مان اَت. گێشتر پرێشتگ راهَ دنت؟ 54بله گڑا پاکێن کتابانی نبشتگێن هما هبر که باید اِنت راست و سَرجم ببنت، چۆن راستَ بنت؟“ 55پدا ایسّایا دێم گۆن مُچّیا کرت و گوَشتی: ”زانا من دُزّ و ڈُنگے آن که شما گۆن زَهم و لَٹّان په منی گِرگا آتکگێت؟ من هر رۆچ مزنێن پرستشگاها نِشتگ و مردم تالیم داتگ‌اَنت و شما منا نگپتگ. 56بله اے پئیما پمێشکا بوت که نبیانی کتابانی پێشگۆیی راست و سرجم ببنت.“ گڑا سجّهێن مُریدان آ یله دات و جِستنت.
ایسّا، سرۆکانی دیوانا
(مَرکاس 14:53–65؛ لوکا 22:54–55، 63–71؛ یوهَنّا 18:13–14، 19–24)
57ایسّائے دَزگیر کنۆکان، ایسّا زرت و مسترێن دینی پێشوا کئیاپائے کِرّا برت که اۆدا شَریَتئے زانۆگر و کئومئے کماش مُچّ اَتنت. 58پِتْرُس هم دور دورا، تان مسترێن دینی پێشوائے لۆگئے پێشگاها#26:58 پێشگاه، بزان پێشجاه، پێژگاه، لۆگئے چاردیوال، سَهن. ایسّائے رندا رئوان اَت. تها پُترت و سِپاهیگانی کِرّا نِشت تانکه بزانت که چے بیت. 59مزنێن دینی پێشوا و سرۆکانی دیوانئے سجّهێن باسک#26:59 باسک، بزان اُزْو، مِمبر. په ایسّائے مَرکئے سِزا دئیگا درۆگێن شاهدیئے شۆهازا اَتنت. 60چۆناها بازێن درۆگێن شاهدے په گواهی دئیگا پاد آتک، بله هچّ پَکّاێن شاهدیے دست نکپت. گُڈسرا دو مردم دێما در آتک و 61گوَشتِش: ”اے مردا گوَشتگ که منَ توانان هُدائے پرستشگاها بِپرۆشان و سئے رۆچئے تها پدا بِبندانی.“ 62گڑا مسترێن دینی پێشوا پاد آتک و چه ایسّایا جُستی کرت: ”تئیی کرّا هچّ پَسّئو نێست؟ اے تئیی هِلاپا چۆنێن شاهدی دئیگا اَنت؟“ 63بله ایسّایا پَسّئو ندات. مسترێن دینی پێشوایا گۆن آییا گوَشت: ”من ترا نمیرانێن هُدائے سئوگندا دئیان، مارا بگوَش، بارێن تئو هما مَسیه ائے، هُدائے چُکّ ائے؟“ 64ایسّایا دَرّاێنت: ”تئو وت گوَشگا ائے. بله من شمارا گوَشان، دێمترا گندێت که انسانئے چُکّ زۆرمندێن هُدائے راستێن کَشا نِشتگ و اے هم گِندێت که آسمانئے جمبرانی سرا اِنت و کئیت.“ 65گڑا مسترێن دینی پێشوایا وتی کباه دِرت و گوَشت: ”اے کُپر کنگا اِنت، اَنگت هم مارا شاهد پکار اِنت؟ شما اَنّون اے کُپر اِشکت. 66نون شمئے شئور و سَلاه چے اِنت؟“ آیان پَسّئو دات: ”اِشیئے سِزا مَرک اِنت.“ 67پدا آیان ایسّائے دپ و دێما تُکّ جت#26:67 تُکّ جنگ، بزان تُه جنگ. و لهتێنا مُشت و شَهمات هم جت. 68گوَشتِش: ”او مَسیه! وتی گئیبی زانتا کار بَند و مارا بگوَش، ترا کئیا جت؟“
پِتْرُسئے اِنکار
(مَرکاس 14:66–72؛ لوکا 22:56–62؛ یوهَنّا 18:15–18، 25–27)
69پِتْرُس ڈنّا پێشگاها نِشتگ‌اَت که مۆلدے آییئے کِرّا آتک و گوَشتی: ”تئو هم جَلیلی ایسّائے همراه بوتگئے.“ 70بله آییا سجّهێنانی دێما اِنکار کرت و گوَشت: ”منَ نزانان تئو چے گوَشگا ائے.“ 71وهدے دێم په مزنێن دروازگا رئوگا اَت، دگه مۆلدێا دیست و گۆن هما مردمان که اۆدا اَتنت، گوَشتی: ”اے مرد ایسّا ناسِریئے همراه بوتگ.“ 72پِتْرُسا دومی رَندا اِنکار کرت و سئوگند وارت و گوَشتی: ”من اے مردا نزانان.“ 73دمانێا رَند، اۆدا اۆشتاتگێن مردم پِتْرُسئے کِرّا آتکنت و گوَشتِش: ”اَلّما تئو چه همایان ائے، چه تئیی گالوارا اَنچُش جاهَ کئیت.“ 74پِتْرُسا سئوگند وارت و گوَشت: ”هُدا منا نالت بکنات اگن درۆگ ببندان. من اے مردا نزانان.“ هما دمانا کرۆسا بانگ دات. 75گڑا پِتْرُس یاتا کپت که ایسّایا گوَشتگ‌اَت: ”کرۆسئے بانگا پێسر، تئو سئے رَندا منی پَجّاه آرگا اِنکارَ کنئے.“ نون ڈنّا در آتک و زار زارا گْرێتی.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2016-22 Wycliffe Bible Translators, Inc.