Baefeso 5
5
Mutabange Anga Bana ba Kiengi.
1Umpanga mube bayangi ba Kalaga anga bana batundua, 2mutabange mu lutundo, anga buatundile Klisto, nu eikasene ku kabamba keitu, kuba lukaso nu kisansa kia nsunu nsoga ku Kalaga. 3Tondo butazi, nu mibi insania, aba kutonia, tabitekulue kumuli nunse, anga buatananina basuagibua; 4aba nsoni, aba kusambala kua bukongolo, aba nguza, bibino bitatananina; tondo buakulungana kuganuna. 5Kubuno muizi nunse, takuli kitazi, aba ekukita mibi, aba ekutonia, aba mukumbamizi wa nkisi, ukapiena mu bukota bua Klisto nu Kalaga. 6Muntu ntamuengelele mu bitondo biteli na buisulilua: kubuno ku kabamba kabo Kalaga akongelua babo bekunana. 7Umpanga tamugomie nabo; 8kubuno wakalazi muabezaga mu kapilo, tondo kano kaluma museli mu kiengi mu Mukota; tabangazi anga bana ba kiengi 9(kubuno misako za kiengi zili mu busoga bunsania nu kuisanana nu bulili), 10kitazi bunatananizia Mukota; 11nu tamugomie na makitilo ma kapilo matasuaga, tondo mumazugile; 12kubuno bitondo bibino bikukitua nabo ku lumbisombiso bili nsoni nunse aba kubitenda. 13Tondo bitondo binsania bitasuaga bikumenyua na kiengi; kubuno kinsania kikumenyua kili kiengi. 14Ku bubuno bukutendua bune, Yuka uwe wiyombeka ku tulo, uyuke kutuka ku bakuzi, nu Klisto akukase kiengi.#Yesaya 26:19; 60:1.
15Lolazi nunse ku lukita lumukutabanga, tanga bantu beteli na menge, tondo anga beli na menge; 16ikokomeziazi bindi binsania, kubuno bindi bibino bili bibi. 17Ku bubuno tamube bikongolo, tondo bekumenyinina buni buli kusombola kua Mukota. 18Nu tamukue na maku, mumo muli bitondo bia mulubu, tondo muiyazibue na Muuza Wasililila; 19mutendane ku nimbo za baYuda, nu nimbo za kuganuna, nu nimbo za muuza; muimbe nu muganune Mukota mu mitima zeinyu, 20nu kusima Kalaga Tateisue bindi binsania ku bitondo binsania muizina lia Mukota weitu Yesu Klisto; 21muanzane mu boba bua Klisto.
Bamulume Batunde Bakikulu Babo Anga Buatundile Klisto Ekelezia.
22Inyue bakikulu anzazi beiba beinyu, anga bumukuanzaga M ukota. 23Kubuno wamulume eli muangati wa mukikulu, anga nuwe Klisto bueli muangati wa ekelezia, nuwe eli Monia wa mubili. 24Anga bukuanza ekelezia lianza Klisto, ububo nubo bakikulu banze beiba babo mu kitondo na kitondo. 25Inyue bamulume, tundazi bakikulu beinyu, anga buatundile Klisto ekelezia, nu eikasene ku kabamba kalio; 26buno alisuagie, nu kulisuga ku mazi muidagi, 27buno eidusizie lutanuno ku ekelezia, liteli na kabalibango aba kusunana aba kingo kitondo anga bubuno; tondo lisililile, liteli na katiti. 28Bubo ubuatunganana bamulume batunde bakikulu babo anga mibili zabo bo benyene. We watunda mukikulu wage nti eitunda we wenyene: 29kubuno takuli muntu ukuisomba wenyene; tondo ekuikunga, nu ekuidisia anga bukukunga Mukota ekelezia; 30ku kabamba kako tuli biganza bia mubili wage. 31Ku kabamba kako muntu akasiga isi nu nina, nu alandane na mukikulu wage; nubo babili babe mubili umozi. #Genese 2:24. 32Bubuno buli kakungu kanene: tondo nkutenda ku kitondo kia Klisto nu ekelezia. 33Tondo muntu na muntu kumuli atunde mukikulu wage anga bueitunda wenyene; nu mukikulu nteide kuanza iba wage.
Currently Selected:
Baefeso 5: NTKI57
Highlight
Copy
Compare
Share
Want to have your highlights saved across all your devices? Sign up or sign in
Nouveau Testament en Kilega © Bible Society of the Democratic Republic of Congo, 1957.
