II Bakolinto 1
1
Mukanda Weibili Wasingaga Paolo ku Bakolinto. Kalaga eli Mukasia wa Bantu Bage.
1Paolo, musingua wa Yesu Klisto ku kusombola kua Kalaga, nu Timoteo mubuto weitu, ku ekelezia lia Kalaga lili mu Kolinto, nu basuagibua bansania beli mu kisi kinsania kia Akaya: 2mponga zibe kumuli nu bubobelelo bukutukaga ku Kalaga Tateisue nu ku Mukota Yesu Klisto.
3Lutanuno ku Kalaga, Isi wa Mukota weitu Yesu Klisto, Isi wa kiombo nu Kalaga wa kubobelezia kunsania; 4ukutubobelezagia mu tubebe tueitu tunsania, buno tubobelezie babo beli na tubebe tua nkita insania, ku kubobelezia kutukubobelezibua na Kalaga. 5Kubuno anga buzitila mbabazio za Klisto kutuli, bubo ububo kubobelezia kueitu kuitila ku Klisto. 6Tondo ndi isue tuli na tubebe, nti ku kabamba ka kumubobelezia nu lonio lueinyu; aba ndi tukubobelezibua, nti ku kabamba ka kubobelezia kueinyu ukuko kukukita mulimo wage kukukokomena mu mbabazio nuisue, 7nu kilemanizio kietu kumuli kiakokomena; mumenye buno, bubo ububo anga bumuli na kindi kieinyu mu mbabazio, bubo ububo mu kubobelezibua. 8Kubuno, mibuto zeitu, tukutunda muamenya, kitondo kia kabebe kako katuabezaga nako mu Asia, buno tuabezaga na bitondo bingi biatulimbagene, nu tuakengede buno tulumbe tuakua: 9tondo bubo butuli isue benyene tuabezaga na lusungio lua lukuo, aba tatuidemanine tubenyene, tondo tulemanine Kalaga ukuyukagia bakuzi: 10kubuno atonezie mu lukuo lunene nunse, nu akatonia: ndi tuamulemanina buno, atonie lingo: 11nuinyue tukasiazi ku masego; ku kitondo kia mutebe wozo utuakasilue ku masego ma bantu beingi, luganuno lukasue na bantu beingi ku kabamba keitu.
Paolo Ntendile Lingo ku Bakolinto. Bakitile Buagi, We Ntatundile Kubabezia.
12Kubuno kukuno ukuikaka kueitu, bulongeki bua kalenganio keitu, buno kusuagibua nu ku kutengelela kua mutima ukutukaga ku Kalaga; ta ku menge ma mubili, tondo ku mponga za Kalaga; uzituendede muzo mu kisi, nu kuitila nunse kumuli. 13Kubuno tatuamusanzide bingo bitondo, umpanga bibio bimukusoma aba bimuteizi, nunne nkulemanina buno muabimenye aba nu kuzinda: 14bubo bubo anga bumuatumenyinina, buno isue tukuikaka kumuli, anga bumukuikaka kutuli, mu busi bubo bua Mukota Yesu.
15Nu na kilemanizio kikino natundaga kulinga kuvua kumuli, buno mubogeboge lingo: 16nu kutinga kumuli nu kuenda ku Makedonia, nu lingo kutuka ku Makedonia nu kusubia kumuli, nu muanelekezie ku Yudaya. 17Umpanga ganatundile bubo, ndi nabezaga natamba? Aba bitondo binkukengela kukita, ndi nkukengela kubikita ku lukita lua bumba bua buagi buno nitende bubuno, E, nti E, nu tobo, nti tobo? 18Tondo anga buli Kalaga mukatizia, idagi lietu kumuli taliabezaga bubo nu tobo. 19Kubuno Muana wa Kalaga, Yesu Klisto, utuamusambalide musagu wage, nne nu Siluano nu Timoteo, taliabezaga, bubo nu tobo, tondo mueli liabede bubo. 20Kubuno malagano mansania ma Kalaga meli mueli, ububo, nu mueli lili Amena, buno tuganuzie Kalaga. 21Umpanga Kalaga ekutulindagia inyue nuisue mu Klisto, nu ekutubongia muambo; 22nuwe uwatubikile kamenyikilo, nu uwatukasile kalingilo ka Muuza mu mitima zeitu.
23Tondo nne nkumana Kalaga abe mulongeki wane, buno ku kumukuila kiombo nsiendile ku Kolinto. 24Ta kubuno tukuangata bukatizio bueinyu, tondo tuli bakasia ba mbogimbogi zeinyu: kubuno mualinda mu bukatizio.
Currently Selected:
II Bakolinto 1: NTKI57
Highlight
Copy
Compare
Share
Want to have your highlights saved across all your devices? Sign up or sign in
Nouveau Testament en Kilega © Bible Society of the Democratic Republic of Congo, 1957.
