Liɛnɛsu 8
8
Bakitomo bosambale la tofonge bosambale
1Limɔ asɔmbɔlɔkɔ Inde ɛsɔlɔnɛlɔ ya bosambale, Use loyala ko hai ko la botüku wa saa ɛmɔi, 2la imi lɔɛnɛ bakitomo bosambale ebemakali oso wa Mungu, limɔ tofonge bosambale lofaefomo iyo. 3La bokitomo wasi loya la inde loemala tina la etumbelo ya lifaefi ani aundi efechelo ya mwɛmwɛ la inde lofomo mwɛmwɛ wike ya liɛsɛ mbo atambeke yao amamwito la basomboli ba ebatanu nda efechelo ya mbela eyayali oso wa kɛka efi; 4la bolilya wa mwɛmwɛ lolilaka ende Mungu eoka ya basomboli ba ebatanu ani bososekwela lingasa lia bokitomo. 5Limɔ bokitomo lotola efechelo ya mwɛmwɛ, inde lotumesa yao la bösä wa efechelo la inde lokushaka wao se nda nyɛlɛ; limɔ yaaka bilundi la bamiki ba tobalibali, la nyɛlɛ lotukatuka.
6Limɔ bakitomo bosambale ebaundi tofonge bosambale, iyo lokomiana iyo angɛnɛ ndooma tofonge.
7La ewa oso looma ifonge, limɔ basasɛ ba mbula la bösä ebisosɔbiɔmɔ la bakila, yao lotɔnɔ se nda nyɛlɛ, limɔ botüku wa isatɔ wa nyɛlɛ loseka la botüku wa isatɔ wa tosandu loseka la chwingi chwesi tototi loseka fɛɛ.
8La bokitomo wa ambale looma ifonge, limɔ yeka kwa löngo lofi elosoana la bösä lokushomo nda balia, la botüku wa isato wa balia lokinjwa kwa bakila; 9la botüku wa isatɔ wa yao ebiyali nda balia, ebiyali la liwawi, yao lowa, la botüku wa isatɔ wa biatɔ losɛɛsɛlɛsɔmɔkɔ.
10La bokitomo wa asatɔ looma ifonge, limɔ ilonge sifi esiafyaka kwa imwɛli lokwa se, la shao lokwa se nda botüku wa isatɔ wa baande la tosolo two balia; 11la lina lia ilonge sina lisotangomo mbo Samba. Limɔ botüku wa isatɔ wa balia lokinjwa samba la bato wike lowa la balia eoka basokinjwa ko bololo.
12La bokitomo wa anɛi looma ifonge, limɔ botüku wa isatɔ wa liso lia use lotufesomo, la botüku wa isatɔ wa songe, la botüku wa isatɔ wa tolonge, mbo botüku wa isatɔ wa twao botufeke ko la lilima la mbo botüku wa isatɔ wa löwa botaana la songe ko la ocho lisanga.
13Limɔ imi loticha, la imi loka elongo eyesoungwa nd’atiteni ya use la se, yao loamama la limiki lifi mbo— Aeko, aeko, aeko ende ebasoyala nda wenda, eoka ya baoma basatɔ basi ebakaomeke bakitomo basatɔ nda tofonge!
Currently Selected:
Liɛnɛsu 8: NTKE58
Highlight
Copy
Compare
Share
Want to have your highlights saved across all your devices? Sign up or sign in
Le Nouveau Testament in Kele (Lokele) © British and Foreign Bible Society, 1958, 2019.
