Yoane 12
12
Maria na maguta owakakumba ndeke
1Hakisiya biro ndatu emuliro wErilabwako Yesu mwahika eBetania, aho Lazaro abya, oyo Yesu alubukaya oko baholi. 2Neyo mobamutsumbira akaryo kamwigologolo: Marata abye akahukula; nikwa Lazaro abya muguma woko babya bikere okwirya haguma naye. 3Neryo Maria mwimya ekihande kyekilo kyamaguta wenardo agowene, wobuguri bunene, mwahakabya abisandu byaYesu, mwasangula ebisandu biwe omo nzwiri siwe: nenyumba moyusula nerikumba rya maguta. 4Nikwa Yuda Iskariota, muguma woko biga buwe, oyo wasyamuhotela, mwabuga, ati, 5Busana naki amaguta aya siaritagulibwa busana nesyofaranka elfu ngoma namagana arinda na makumi munani, isyahabwa oko bera kwehi? 6Nikwa abuga atya, butsira erianza erilembera abera; nikwa kusangwa abya mwibi, iniawite oko ngunza neryo mwabya akiba esyahirawamo. 7Neryo Yesu mwabuga, ati, Mumuleke, abikego busana nekiro nasyatabwa. 8Kusangwa muri nabera ebiro byosi; nikwa ingye simuri nage biro byosi.
Embita yeriita Lazaro
9Neryo abandu bangi babaYuda mobaminya kwariyo: mobasa, butsira busana na Yesu iyowene, nikwa bati balebaye na Lazaro, oyo alubukaya erilwa oko baholi. 10Nikwa abahereri bakulu mobaya embita eriswita Lazaro; 11kusangwa busana naye bangi boko baYuda mobalwayo, mobikirirya Yesu.
Eriingira e Yerusalema
12Nengyakya endeko nene oko bahika oko kiro kinene ekyo, omugulu bowa ko Yesu akasa oko Yerusalema, 13mobimya emitahi yamabondo, mobayahindana naye, ibakabirikira, bati, Hosana: oyu kasa omu rina ryoMukama ari nomuyisa, ye Mwami wa Israeli. 14Yesu abere abibana ekyana kyepunda, mwikala kukyo; ngoko kisakire, kiti, 15Siubahe uwe mwali wa Siona: langira, omwami wawe akasa, inianikere oko kyana kyepunda. 16Abiga biwe mobataminya emyatsi eyi erimbere: nikwa omugulu Yesu abihabwa olukengerwa, neryo mobibuka kwe myatsi eyi yasakawa busana naye, ngoko bamuyira batya. 17Nendeko eyabya haguma naye ekiro abirikira Lazaro omwisinda, nerimulubukya oko baholi, mobatula mwatsi wuwe. 18Busana nomwatsi oyu endeko moyaya hindana naye, kusangwa bowa kwakola ekitikotiko eki. 19Neryo abaFarisayo mobabuga omukati-kati kabo, bati, Mulebaye, ko hate ekyo mwangakola; lebaya e kihugo kyosi kyamamukwama.
AbaGiriki bakasonda erilola uku Yesu
20Nikwa habya abandi baGiriki omukati-kati kabayasaba oko kiro kikulu: 21mobahika uku Filipo, munyaBetesaida yeGahlaya, mobamubulya, bati, Mukama, twanzire erilola uku Yesu. 22Filipo mwayabwira Anderea: Anderea na Filipo, mobayabwira Yesu. 23Yesu mwasubiryabo, ati, Endambi ya mahika, oMugala womundu ahabawe olukengerwa. 24Kundu, kundu, ngabuga nenyu, nyiti, Embuto yenganu yamatindato gera omo kitaka nerihola ikikala yoyene; nikwa yamahola ika buta ebiguma binene. 25Oyu kanza engebe yiwe akatalayayo; noyu kakwa engebe yiwe ye kiniga omo kihugo kino akabikayo erihika oko ngebe yerikota. 26Omundu amanyikolera, angwame; naho nyiri, omugombe wage asyabyaho: omundu amangolera, Tata asyamusikya. 27Na lino omutima wage ali nobulige; nyibugeki kwehi? Nyiti, Tata, unyilamaye omo ndambi eyi? kusangwa Jeyokyaleka inahika oko ndambi eno. 28Tata, uhe erina ryawe olukengerwa. Nomulenge mwalwa elubula ati, Nabiriharyo olukengerwa, ngandiswaharyo oluke ngerwa. 29Nendeko eyabya ihangena hakuhi, eyowago, moba buga, bati, Ni mulumo: abandi bati, Omulaika amabuga naye. 30Yesu mwasubirya, ati, Omulenge oyo siaritasa busana nage, nikwa busana nenyu. 31Lino ni tswera rye kihugo kino: lino omutabali we kihugo kino akagusawa eyihya. 32Nage nama sumbirwa endata oko kihugo nasyakurira abandu bosi ukwingye. 33Nikwa abuga eki eriminyisa omusindo woluholo olo akandi syahola. 34Neryo endeko moyamusubirya, iti, Twabiriowa mubihano ko Kristo asikala na kera: niki kikaleka iwabuga uti, oMugala womundu atolere iniasumbirwa endata kwehi? oMugala womundu oyo ni ndi kwehi? 35Yesu mwabuga nabo ati, Hakisiya katambi kake ekyakakala kikine omukati-kati kenyu. Mulendere mukiri nekyakakala, omwirimya ate aba tanga: noyo kalendere mo mwirimya siarimmya eya akaya.
36Omugulu muri nekyakakala, mwikiriraye ekyakakala, mubye abagala bekyakakala.
Abagana eriikirirya
Yesu Yesu abere abibuga emyatsi eyi, mwagenda mwabisamabo. 37Nikwa nomwanakola ebitikotiko bingi embere syabo, moba tamwikirirya: 38eKinywa kya Isaya muminyereri ikyatoka eri bererera, ekyabuga ati,
OMukama, ni ndi wikirirye eritulago ryetu kwehi?
Nokoboko kwoMukama kwamabibisulirwandi kwehi?
39Busana nomwatsi oyu mobatatoka erikirirya, kusangwa Isaya mwaswabuga, ati.
40Abiriliba ameso wabo, abirikalya mitima yabo;
Sibalangire omo meso wabo, neriminya omo mitima yabo,
Bakabinduka, nage ngalamyabo.
41Isaya mwabuga emyatsi eyi, kusangwa mwalola oko luke ngerwa luwe; nakandi mwamwahula. 42Nikwa bangi boko barongani mobamwikirirya; nikwa busana nabaFarisayo moba tetakangyaryo, busana neribuga bati bakasyalusibwa omu nyumba yerihindana: 43kusangwa mobanza olukengerwalwabandu kwilaba olukengerwa lwoMungu.
Ni Mungu oyo watuma Yesu
44Na Yesu mwabirikira, ati, Oyu wamanyikirirya, siarinyi kiriraya, nikwa akikiriraya oyo wanyituma. 45Noyu kanyilo lako akalola kwoyo wanyituma. 46Namasa omo kihugo indi ekyakakala, oyu kanyikiriraya sikale omo mwirimya. 47No mundu amowa ebinywa byage, atebikabyo, sindimutswera lubi: kusangwa mondasa eritswera e kihugo, nikwa erilamya e kihugo. 48Oyu kanyigana, isiariangirira ebinywa byage, awite oyu kamutswera: eKinywa nabuga kyo kikandisyat nutswera oko kiro kyenyuma. 49Kusangwa mondabuga busana nage ingyowene; nikwa Tata wanyituma, yowanyitegeka, ebyo nyitolere eribuga nebyo nyitolere erikangirirya. 50Nyasi eritegeka riwe ni ngebe yerikota; neryo ebyo ngabuga, ngabuga ngoko Tata abirimbwira.
Currently Selected:
Yoane 12: NTN62
Highlight
Share
Copy
Want to have your highlights saved across all your devices? Sign up or sign in
Le Nouveau Testament et les Psaumes en Ndandi © British and Foreign Bible Society, 1962.