Emibiri 17
17
Eriendereribwa eryeTesalonika
1Neryo bamabilaba Amfipoli na Apolonia, mobahika eTesalonika, ahabya enyumba yerihindana ya baYuda. 2Paulo mwingiramo ngoko anagenda akakola, mwakaniryabo amayenga asatu omo masako, 3iniakakumburirabo nerikania ndeke ko ryabya ritolere Kristo iniagalwa nerilubuka oko baholi, kandi ati, Yesu oyu ngababwira, yona Kristo. 4Nabandi bakubo mobabindulwa, mobayihira haguma na Paulo na Sila; nabaGiriki bangi bagenge mobabya batya, nabakali bangi abakakengawa. 5Nikwa abaYuda mobabya neritsura, neri songya abandu babi batyabatya, mohindania endeko, moba buya omo muyi molukanda, mobayabambira enyumba ya Yasona, ibakasonda eriletabo eyihya oko bandu. 6Nomugulu babulabo, mobakura Yasona nabandi boko balikyetu embere syabakulu bomuyi, mobabugira iguma, bati, Abandu aba ababiribindula e kihugo kyosi, bamasa eno, 7na Yasona abirikokyabo; nabosi bakapona ebihano byaKaisari bakabuga bati hari gundi mwami, ni Yesu. 8Nabandu nabakulu bomuyi omugulu bowa ebyo mobahahukya emitima. 9Neryo babere babiimya emboho uku Yasona nabandi, mobalekabo erigende.
Beroya
10Neryo-neryo mobatuma Paulo na Sila omo kiro eBeroya: babere bahikayo mobaya omo nyumba yerihindana nabaYuda. 11Nikwa abaYuda aba babya babuya kwilaba abeTesolonika, kusangwa bangirira eKinywa nomuhwa gosi, ibakasonda-sonda amasako ebiro byosi erilebya nge myatsi eyi ni kwenene. 12Na bangi bakubo mobikirirya, abakali bangi babaGiriki aberi kengwa nabalume nibya. 13Nikwa abaYuda beTesolonika abaminya kwekinywa kyoMungu kyatulawa na Paulo eBeroya, mobayayo, mobasembegetya mobababirirya oko syondeko. 14Neryo-neryo abalikyetu mobatuma Paulo oko ngetsi, nikwa Sila na Timoteo mobasigalaho. 15Nabatsindika Paulo moba muleta eAtene: ibamabilairwa eritegeka Sila na Timoteo ati bamukwame luba neryo mobagenda.
Paulo eAtene
16Paulo abere analindirirebo eAtene, ekirimu kiwe mokya bya nobulige omwisi wuwe omugulu alangira omuyi iniuswire nesisumba. 17Nikwa mwakuba obuhaka na baYuda na bandu bagenge omu nyumba yerihindana nomwiguliro nababyaho ebiro byosi. 18Abandi bamenge abakahulawa mo baEpikurio na baStoiko mobahindana naye. Nabandi bakubo bati, omu buyi webingi oyu akasonda eribugaki kwehi? Abandi bati, Asosire mukangirirya wemiungu yehali kusangwa akangiriraya Yesu nerilubuka. 19Neryo mobamuhamba mobamuleta oko Areopago, bati, Twanganaminya erikangirirya eririhyarihya nga ni ryahi eriukatula kwehi? 20Kusangwa ukaleta emyatsi yehali omo matwi wetu; neryo tukasonda eriminya omusindo wemyatsi eyi. 21Nikwa BanyaAtene bosi nababunga ababya bikereyo mobasiba endambi yosi isibekola kindu irye neribuga neriowa emyatsi mihyamihya. 22Na Paulo inianimene omukati-kati ka Areopago, mwabuga ati, Inywe abalume beAtene, ngalebaya omo myatsi yosi muri bandu bakakenga emiungu. 23Kusangwa nabere ngalaba, monayitegererya ebindu mukasaba, moneya eribwe ryeriherera erisakirweko riti, Oko Mungu atasibwe. Oyo mukasaba ata sibwe, yo ngababwira. 24OMungu oyo wabumba e kihugo nebiri mukyo byosi, iye ni Mukama welubula ne kihugo, siariikala omo misaka eyikahimbawa nabandu, 25kandi siari kolerawa nebyala byabandu, ngari nobwaga bwekindu, kusa ngwa iye akaha bandu engebe nomuka nebindu byosi. 26Naye mwakola ebihanda byosi byabandu erilwa oko muguma eriikala omo kihugo ehosi, iniabiritegeka emituta yabyo nemitano ryeriikala ryabo, 27basonda-sonde Mungu, omu maha werimumatamata nerimubana, nikwa siari hali oko buri mundu gukwitwe, 28kusangwa
Mwiye turiho, tukalendera turi neribyaho;
Ngabandi basaki benyu besyonyimbo babuga bati,
Turi olubuto luwe kwenene.
29Nikwa twamabya turi olubuto lwoMungu, siritolere tuka ganirya tuti Mungu ari nge miringa, kutse kitsipa, kutse eribwe, bikabatsawa neriganirya namenge womundu. 30Nemigulu yeritindaminya Mungu mwakirukya ameso, nikwa lino aka tegeka abandu bosi ehosi eribinduka, 31kusangwa abirihira ekiro asyatwa olubanza lwe kihugo omo ritunganene nomundu oyo abirihira, nokweki abiriha bandu bosi eriminyisyabo kwa birimulubukya omo baholi.
32Nikwa omugulu bowa erilubuka ryabaholi, abandi moba negula; nikwa abandi bati, Twangaswakowa kandi omwatsi oyu. 33Ritya Paulo mwalwa omukati-kati kabo. 34Nikwa abandi balume bayihira kwiye, mobikirirya, Dionisio abya wakubo munya Areopago, nomukali muguma ahulawa mo Damaria nabandi haguma nabo.
Currently Selected:
Emibiri 17: NTN62
Highlight
Share
Copy
Want to have your highlights saved across all your devices? Sign up or sign in
Le Nouveau Testament et les Psaumes en Ndandi © British and Foreign Bible Society, 1962.
Emibiri 17
17
Eriendereribwa eryeTesalonika
1Neryo bamabilaba Amfipoli na Apolonia, mobahika eTesalonika, ahabya enyumba yerihindana ya baYuda. 2Paulo mwingiramo ngoko anagenda akakola, mwakaniryabo amayenga asatu omo masako, 3iniakakumburirabo nerikania ndeke ko ryabya ritolere Kristo iniagalwa nerilubuka oko baholi, kandi ati, Yesu oyu ngababwira, yona Kristo. 4Nabandi bakubo mobabindulwa, mobayihira haguma na Paulo na Sila; nabaGiriki bangi bagenge mobabya batya, nabakali bangi abakakengawa. 5Nikwa abaYuda mobabya neritsura, neri songya abandu babi batyabatya, mohindania endeko, moba buya omo muyi molukanda, mobayabambira enyumba ya Yasona, ibakasonda eriletabo eyihya oko bandu. 6Nomugulu babulabo, mobakura Yasona nabandi boko balikyetu embere syabakulu bomuyi, mobabugira iguma, bati, Abandu aba ababiribindula e kihugo kyosi, bamasa eno, 7na Yasona abirikokyabo; nabosi bakapona ebihano byaKaisari bakabuga bati hari gundi mwami, ni Yesu. 8Nabandu nabakulu bomuyi omugulu bowa ebyo mobahahukya emitima. 9Neryo babere babiimya emboho uku Yasona nabandi, mobalekabo erigende.
Beroya
10Neryo-neryo mobatuma Paulo na Sila omo kiro eBeroya: babere bahikayo mobaya omo nyumba yerihindana nabaYuda. 11Nikwa abaYuda aba babya babuya kwilaba abeTesolonika, kusangwa bangirira eKinywa nomuhwa gosi, ibakasonda-sonda amasako ebiro byosi erilebya nge myatsi eyi ni kwenene. 12Na bangi bakubo mobikirirya, abakali bangi babaGiriki aberi kengwa nabalume nibya. 13Nikwa abaYuda beTesolonika abaminya kwekinywa kyoMungu kyatulawa na Paulo eBeroya, mobayayo, mobasembegetya mobababirirya oko syondeko. 14Neryo-neryo abalikyetu mobatuma Paulo oko ngetsi, nikwa Sila na Timoteo mobasigalaho. 15Nabatsindika Paulo moba muleta eAtene: ibamabilairwa eritegeka Sila na Timoteo ati bamukwame luba neryo mobagenda.
Paulo eAtene
16Paulo abere analindirirebo eAtene, ekirimu kiwe mokya bya nobulige omwisi wuwe omugulu alangira omuyi iniuswire nesisumba. 17Nikwa mwakuba obuhaka na baYuda na bandu bagenge omu nyumba yerihindana nomwiguliro nababyaho ebiro byosi. 18Abandi bamenge abakahulawa mo baEpikurio na baStoiko mobahindana naye. Nabandi bakubo bati, omu buyi webingi oyu akasonda eribugaki kwehi? Abandi bati, Asosire mukangirirya wemiungu yehali kusangwa akangiriraya Yesu nerilubuka. 19Neryo mobamuhamba mobamuleta oko Areopago, bati, Twanganaminya erikangirirya eririhyarihya nga ni ryahi eriukatula kwehi? 20Kusangwa ukaleta emyatsi yehali omo matwi wetu; neryo tukasonda eriminya omusindo wemyatsi eyi. 21Nikwa BanyaAtene bosi nababunga ababya bikereyo mobasiba endambi yosi isibekola kindu irye neribuga neriowa emyatsi mihyamihya. 22Na Paulo inianimene omukati-kati ka Areopago, mwabuga ati, Inywe abalume beAtene, ngalebaya omo myatsi yosi muri bandu bakakenga emiungu. 23Kusangwa nabere ngalaba, monayitegererya ebindu mukasaba, moneya eribwe ryeriherera erisakirweko riti, Oko Mungu atasibwe. Oyo mukasaba ata sibwe, yo ngababwira. 24OMungu oyo wabumba e kihugo nebiri mukyo byosi, iye ni Mukama welubula ne kihugo, siariikala omo misaka eyikahimbawa nabandu, 25kandi siari kolerawa nebyala byabandu, ngari nobwaga bwekindu, kusa ngwa iye akaha bandu engebe nomuka nebindu byosi. 26Naye mwakola ebihanda byosi byabandu erilwa oko muguma eriikala omo kihugo ehosi, iniabiritegeka emituta yabyo nemitano ryeriikala ryabo, 27basonda-sonde Mungu, omu maha werimumatamata nerimubana, nikwa siari hali oko buri mundu gukwitwe, 28kusangwa
Mwiye turiho, tukalendera turi neribyaho;
Ngabandi basaki benyu besyonyimbo babuga bati,
Turi olubuto luwe kwenene.
29Nikwa twamabya turi olubuto lwoMungu, siritolere tuka ganirya tuti Mungu ari nge miringa, kutse kitsipa, kutse eribwe, bikabatsawa neriganirya namenge womundu. 30Nemigulu yeritindaminya Mungu mwakirukya ameso, nikwa lino aka tegeka abandu bosi ehosi eribinduka, 31kusangwa abirihira ekiro asyatwa olubanza lwe kihugo omo ritunganene nomundu oyo abirihira, nokweki abiriha bandu bosi eriminyisyabo kwa birimulubukya omo baholi.
32Nikwa omugulu bowa erilubuka ryabaholi, abandi moba negula; nikwa abandi bati, Twangaswakowa kandi omwatsi oyu. 33Ritya Paulo mwalwa omukati-kati kabo. 34Nikwa abandi balume bayihira kwiye, mobikirirya, Dionisio abya wakubo munya Areopago, nomukali muguma ahulawa mo Damaria nabandi haguma nabo.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Le Nouveau Testament et les Psaumes en Ndandi © British and Foreign Bible Society, 1962.