Ba-Loma 9
9
1Latenda nko solosolo eneyali Masiya, mpafote, ko temoin en’otem’onami ayatende l’emi eneyali Bolimo bon’olotsi, 2mbo njali la lokeseli bike ko l’efafo ona lokanyi lon’otem’onami enefakale. 3Nsokolanga lacina emamene njalame anatema, ko njalane la Masiya njalana lacin’ena bifili binami banotwa l’emi. 4Iyo bayali nko Ba-Yisalaele, banilama ona lifoka lina bona, ko banayali l’okonde ko la biteelo bina basangya, ko la beeka, ko l’ekambelo ona Yakomba, ko la bisemba. 5Bafango ban’alale nko baniyo, koko Masiya ayaki ena yonge nk’eneyal’iyo, ende onoyali Yakomba ona liko ya bato bahatu, onokumyama bisike la bisike. Ndoho. 6Koko efa yoka yoi lina Yakomba limoyalama bototoloto. Lacina bona bana Yisalaele bahatu bafayali Ba-Yisalaele; 7koko baho bahatu bafayali bana mene lacin’oka iyo bayali en’ecimo ena Abalayama; ohonde, Ecimo ena ban’ane engandama eneyali Isaka. 8Yok’osamb’one, ban’ana yonge bafayali ban’ana Ya komba: banatangama bana mene nko ban’ana esemba. 9Lacina yoi lin’esemba liha line: Nongoya yoka esik’ene, ko Sala angota bon’ona mpame. 10Koko efa yok’oho kei; ohonde eneki Lebeka otolaka yemi koto, nko bafango’oniso oka Isaka 11kuma bana batotwa, ko batile bolotsi la bowe, lacin’eho eango ena Yakomba yoka bosamb’onoyali esonelo ekikyame, efa l’ikambwa bina nkamba, ohonde l’ende onelela— 12yoi litendemaki eneyal’ende, ate, Botoolo angosaela bakune. 13Yoka bosamb’onoki yoi otengamaka, Njokaki Yakobo nganji, koko njokaki Esau bowe.
14Iya, tongila nd’oka Yakomba ainda mbongi? Efana! 15Lacin’oka amosumola Mose, ate, Onongi’m’ook’isei, nongok’ende isei; ko onongi’m’ooka nganji, nongok’ende nganji. 16Yok’oho, yoi lifayali eneyal’ende onolanga, ko lifayali eneyai’ende onokenda: liyali nk’eneyali Yakomba onok’isei. 17Lacina Bokanda bona Yakomba bosumola Falo, ate, Nkeemadyaki la neina ene, lacin’eho njenyanya le locili lonami, ko lacina lina linami lisekodyame ona loko lohalotu. 18Yok’oho, onongi’nd’olanga lacina aokamele isei, amookamel’isei; ko onongi’nd’olanga lacina aocidya botema, amocidy’otema.
19Nkwaho ongonjufola, ate, Ncina enakus’ende lifela lofeli eka nai? Onosimbya eango enande oka nai? 20A koko, e boto onofuedya Yakomba baoyi ond’oya? Ekambwa enenunolamaki engokolana yila bonunoli, ate, E onnunolaki la bomun’one lacina nai? 21Iya bokengi bona mpoke afayali nde l’etelo eneyali ilongo, lacina akenge la bomaka bomoko mpoke emoi ena lokumo, ko ekina eninda lokumo? 22Koko yombo Ya-komba sianga lacina atume bato nkele enande, 23ko aeyanya locili lonande, ko amimedya l’isei ina locinji mene mpoke ina nkele inikoli la mbehya; ko lacina aeyanya lituka lina bokonde’onande eneyali mpoke in’isei inande iniki’nd’okodyaka en’oso lacin’eho late bokonde, 24nk’iso banaki’nd’oelelaka, ef’eneyali Ba-Yuda kei, ohonde eneyali Befenda nkoho? 25Yok’osamb’onoki’nd’otendaka en’okanda bona Osea, ate,
Iyo banatayala bato’anami, nongatang’iyo bato’anami;
Ko l’ende onotalangama, nongotang’ende onolangama.
26Koko yoi lingilama lingu, noka, en’edye enek’iy’osumolamaka, Mbo ino bofayali bato’anami,
Nko meho bangotangama ban’ana Yakombaonoyaike.
27Koko Yesa ya aololua lacin’ena Yisalaele, ate, Kanga Iaali lona ban’ana Yisalaele loyali yoka longewu lona lose lon’okwa, onongika linga nk’etenyi eniyo ke; 28lacina Yawe angila yoi linande ena loko, angosidya liho, ko angosimba nkwaho. 29Ko yoka bosamb’onoki Yesaya oilaka en’oso, ate,
Nko Yawe ena Sabota atatocikel’iso etenyi en’a-to en’onyanga,
Tumbe toyalamaki yoka Sodomo, ko tumbe tokolanaki l’Amola.
30Yok’oho, tila is’ate’oya? Lacina Befenda banatakilana la mbongi bamolata mbongi, nko mbongi en’meedyo; 31ohonde Ba-Yisalaele banakilanaki la lisangya lina mbongi batayela ena lisangya liho. 32Lacina nai? Lacin’oka batafona liho l’imeedyo, ohonde bayaaki yoka banafona liho l’ikambwa bina basangya. Bamokumba ena lute lin’ekumbelo; 33yoka bosamb’onoki yoi otengamaka,
Noka, laambya ena Siona lute lina ekumbelo ko la lute linaliyali yoka lofoka lon’ilonga,
Ko boto onoimedy’ende afokaki nsoi.
Currently Selected:
Ba-Loma 9: BBY62
Highlight
Copy
Compare
Share
Want to have your highlights saved across all your devices? Sign up or sign in
Bokanda Bona Yakomba Bon’ototo © Alliance Biblique de la R. D. Congo, 1962
