Ba-Loma 7
7
1Bifili, (latenda l’ato baneya basangya), ino bofeya nd’oka basangya bayali la locili eneyali boto kum’ayaike kei? 2Boyoto onoyali l’ome atungi eneyali bome’ohol’asangya kuma bome ayali; koko yombo bome aowa, aotungwa en’asangya banotungyaki eneyali bome. 3Yombo aocoa oyambana Loto’okina kuma bome atawu, angotangama boyoto’ona likele; koko yombo bome aowa, boyoto aotungwa en’asangya; kanga aambana Loto’okina afayali boyoto’ona likela. 4Lacin’eho, bifili binami, ino bowaki eneyali basangya laein’ena yonge lina Masiya, lacin’eho bambane la Boto’okina, nko l’ende onetwaki lakina en’ewedi, lacin’iso tootele Yakomba bemamo. 5Enek’is’oyalaka ena yonge, mposa ina bewe iniyaaki lacin’ena basangya ikambaki bikambwa ena bilama biniso lacin’elio lote bemamo en’ewedi. 6Koko isanga tomotungwa en’asangya, towaki eneyali ebo enetuundaki; lacin’eho tosale la bolimo bon’ototo, efa l’okotua bon’okanda bon’alale. 7Iya, tongila nd’oka basangya band’owe? Efana! Nk’efan’asangya, tumbe nteya bowe; yombo lisangya limoi litil’ate, Tokake mposa inileki, tumbe nteya njoka ena mposa inileki; 8koko bowe bosungyaki etelolacin’ena lisangya liho, ko bonjokyaki mposa ina bekotua l’ekotua. Nk’efan’asangya, tumbe bowe bowa nko tu. 9Emi mbikaki’ale kuma basangya bataate; koko eneki lisangya oyaka, bowe betwaki ko emi mbwaki; 10ko lisangya linaliyaaki lacin’ena liiko, emi nsungyaki’oka liho limbatelaki nk’ewedi. 11Lacin’oka bowe bosungyaki etelo, ko bonjongaki lacin’ena lisangya, ko bonjakaki la liho. 12Lacin’eho, basangya hande boeka, ko lotomo londe boeka, ko la mbongi, ko l’olotsi. 13A koko, eho eneyali bolotsi emoyalama nde bewedi eneyal’emi? Efana! Ohonde bowe bokambaki ekambwa en’ewedi eneyal’emi l’eho eneyali bolotsi, lacin’eho bowe beny’oka boyali nk’owe; lacin’eho bowe boyalame bowe mene bonoleki lacin’ena lisangya. 14Lacin’iso tey’oka basangya bayali ban’olimo; koko emi nde nde ona yonge, mokafama ena yombo lin’owe. 15Lacin’emi mpanonganya bikambwa binaitamb’emi; ekambwa enalang’emi, mpakambe eho; ohonde eho enafalang’emi, njombokamba nk’eho. 16Eneyakamb’emi ekambwa enefalang’emi, limedy’oka basangya band’olotsi. 17Ko inanga efa lacina emi onokamb’ekambwa eho: onokamba nko bowe boho bonoyali eneyal’emi. 18Lacin’emi ley’oka ekambwa en’olotsi efayali eneyal’emi tu, ena yonge linami: ndanga eyali eneyal’emi, ohonde ekambelo en’ekambwa en’olotsi efayali. 19Lacin’oka bolotsi bonalang’emi, mpile’oho, ohonde bowe bonofalang’emi, njombokamba boho. 20Yomb’emi njombokamba ekambwa enefalang’emi, efa lakina emi onokamba: onokamba nko bowe’oho bonoyali eneyal’emi. 21Ko lena yoi yok’osamb’one: enalang’emi lacina nkambe ekambwa en’olotsi, bowe boyali. 22Lacin’emi lok’ekiko l’asangya bona Yakomba en’otema; 23ohonde lena boeka bona bomun’okina ena bilama binami, ko boho boyokan’ita la boeka bona lokanyi lonami, ko boyambunde lisungu ena yombo lina boeka bon’owe bonoyali ena bilama binami. 24Emi kongen’ino, em’isei! Onongontungol’emi ena yonge line lin’ewedi oka nai? 25Lakanga Yakomba lokangola Yesu Masiya Nkolo eniso. Yok’osamb’oho, emamene lasaela basangya bana Yakomba la lokanyi lonami, ohonde lasaela lisangya lin’owe la yonge linami.
Currently Selected:
Ba-Loma 7: BBY62
Highlight
Copy
Compare
Share
Want to have your highlights saved across all your devices? Sign up or sign in
Bokanda Bona Yakomba Bon’ototo © Alliance Biblique de la R. D. Congo, 1962
