1 Kolinto 6
6
Ndongisilu sambu na fundisana
1Kana muntu nakati na beno ikele na mambu na muntu yankaka, yandi lenda kufunda yandi nantwala na bau ya konda lunungu, kansi kwa banlongo ve ? Mat. 5:40
2Keti beno zaba ve na banlongo tafundisa nsi ? Kana beno tafundisa nsi, beno lunga ve kufundisa mambu ya luta fioti ? Dan. 7:22; Mat. 19:28; Luk. 22:30
3Beno zaba ve na beto tafundisa banjo ? Buna beto taluta kufundisa mambu ya moyo yai.
4Mpilayai kana beno fwiti kufundisa mambu ya moyo yai, buna beno ikele kutula bau kufundisa ya ikele mpamba mu dibundu ?
5Mono tuba yai kumonisa beno nsoni. Nki, muntu ya ngangu lenda ve kumonika nakati na beno, ya lenda kuzenga mambu nakati bampangi ya yandi ?
6Kansi mpangi ikele kufunda mpangi ya yandi kwa bau ya konda lukwikilu.
7Mpilayai kifu ya mbi ikele nakati na beno, na beno ikele kufundisana. Sambu na nki, beno ndima ve bau sadila beno mambu ya konda mbote ? Sambu na nki, beno ndima ve bau botula bima ya beno mu nsoki ? Mat. 5:39; Luk. 6:29; Lom. 12:19; 1 Tes. 5:15; 1 Pet. 2:23; 3:9
8Kansi beno ikele kusala ya konda mbote ye yiba bampangi ya beno mu nsoki.
9Keti beno zaba ve na bau ya konda lunungu tabaka ve difwa ya kimfumu ya Nzambi ? Beno dikusa ve, bankwa bizumba, keti bansambidi ya biteki, keti bizumba ya bankwa makwela, keti bantu ya sadila nitu ya bau mbi, keti babakala ya sala masumu na babakala, Lom. 1:29; Ngal. 5:19; Ef. 5:5; Kolo. 3:5
10keti bamwivi, keti bankwa zola ya bima ya muntu, keti bakolwi, keti bafingi, keti babotodi ya bima mu nsoki, bau tabaka ve difwa ya kimfumu ya Nzambi.
11Bankaka ya beno vandaka mpilayai, kansi beno imene kusukulwa, beno imene kusalwa nlongo, beno imene kunungiswa mu nkumbu ya Mfumu Yesu Klisto ye mu Mpeve ya Nzambi ya beto. Ef. 5:8; Kolo. 3:7; Tit. 3:3
Nituya beto ikele bonso tempelo ya Mpeve Yanlongo
12Nsiku pesa mono nzila kusala bima yonso, kansi yonso ikele kusadisa nitu ve, nsiku pesa mono nzila kusala bima yonso, kansi mono fwiti kuvanda nansi ya ngolo ya tamosi ve. 1 Kol. 10:23
13Madia ikele sambu na divumu, divumu sambu na madia, kansi Nzambi tasala yonso zole kwiza mpamba. Kansi nitu ikele sambu na bizumba ve, kansi sambu na Mfumu, ye Mfumu sambu na nitu.
14Nzambi fulukisaka Mfumu, ye tafulukisa beto mpe mu ngolo ya yandi.
15Beno zaba ve na banitu ya beno ikele biela ya Klisto ? Buna mono takatula biela ya Klisto ye sala yau biela ya nkwa bizumba ? Mpilayai ve! 1 Kol. 12:27; Ef. 5:30
16Keti beno zaba ve na yandi ya bundana na nkento ya bizumba ikele nitu mosi na yandi ? Kadi yandi tubaka: Bau zole tavanda nsuni mosi. 1 Mose 2:24; Mat. 19:5; Ef. 5:31
17Kansi yandi ya bundana na Mfumu ikele mpeve mosi na yandi.
18Tina mambu ya bizumba. Masumu yonso ya muntu ikele kusala ikele nanganda ya nitu, kansi yandi ya sala bizumba ikele kusadila nitu ya yandi masumu.
19Keti beno zaba ve na nitu ya beno ikele tempelo ya Mpeve Yanlongo, ya ikele mu beno, ya beno imene kubaka tuka Nzambi, yo ikele nitu ya beno ve. 1 Kol. 3:16; 2 Kol. 6:16
20Kadi beno sumbwa na ntalu, sambu na yai kembila Nzambi mu nitu ya beno. 1 Kol. 7:23
Currently Selected:
1 Kolinto 6: NTK50
Highlight
Copy
Compare
Share
Want to have your highlights saved across all your devices? Sign up or sign in
Nouveau Testament en Kikwango © BAliiance Biblique de la RD Congo, 1950.
