1 Kolinto 1
1
Kupesa ya mbote
1Paulu ya bingwa kuvanda ntumwa ya Klisto Yesu mu luzolo ya Nzambi, ye Sostene mpangi ya beto, 2 Kol. 1:1
2mono fidisa mbote kwa dibundu ya Nzambi ya ikele mu Kolinto, bau ya tulwa nlongo mu Klisto Yesu, ye bingwa kuvanda banlongo, sikamosi na bau yonso ya bombidila nkumbu ya Mfumu ya beto Yesu Klisto mu sika yonso, Mfumu ya bau ye ya beto.
3Nlemvo kwa beno ye yenge ya katuka na Nzambi Tata ya beto ye Mfumu Yesu Klisto.
Paulu yangalala sambu na bantu ya Kolinto
4Mono pesa matondo kwa Nzambi ya mono ntangu yonso sambu na beno, sambu na nlemvo ya Nzambi ya peswaka beno mu Klisto Yesu,
5sambu na mu mambu yonso beno salwaka kimvwama mu yandi, mu mambu yonso ye nzailu vonso 2 Kol. 8:7; 9:11; Ef. 1:3; 1 Tim. 6:18; Yak. 2:5
6bonso kitemo ya Klisto imene kusiamiswa mu beno,
7na beno bika nanima ve mu matabisi ya nlemvo ta fioti ve, kuvingila nzaikusu ya Mfumu ya beto Yesu Klisto. Luk. 12:36; Fili. 3:20; 2 Tim. 4:8; Tit. 2:13
8Yandi tasikidika beno mpe ti na nsuka, na beno takonda kusembwa mu lumbu ya Mfumu ya beto Yesu Klisto. Lom. 16:25; 2 Kol. 1:21; 1 Tes. 3:13; 5:23
9Nzambi ikele kukwikama. Mu yandi beno imene kubingwa kuvanda mu kintuadi ya Mwana ya-yandi Yesu Klisto, Mfumu ya beto. 1 Kol. 10:13; Fili. 1:6; 1 Tes. 5:24; 2 Tes. 3:3; 1 Yoa. 1:3
Paulu bedisa bau, yandi longa bau mutindu ya ngolo ya nsamu ya mbote
10Bampangi, mono bombidila beno mu nkumbu ya Mfumu ya beto Yesu Klisto, na beno yonso tatuba mambu mosi, na beno tavanda na kabana ve nakati na beno, kansi beno vanda ya lunga sikamosi mu mabanza mosi ye mfundusu mosi. Lom. 12:16; 15:5; Ef. 4:3; Fili. 2:2; 1 Pet. 3:8
11Kadi, bampangi ya mono, bantu ya nzo ya Kloe imene kuzabisa mono na kimbeni ikele nakati na beno.
12Mambu yai mono ikele kutuba, na beno muntu na muntu ikele kutaba: Mono ikele ya Paulu, mono ikele ya Apolo, mono ikele ya Kefa, mono ikele ya Klisto. 1 Kol. 3:4
13Klisto ikele kukabana ? Paulu komwaka va kulunsi sambu na beno ? Keti beno botikwaka mu nkumbu ya Paulu ?
14Mono pesa matondo kwa Nzambi sambu na mono botikaka mosi mu beno ve, kansi kaka Klispo ye Ngayo,
15na muntu mosi lenda kutuba na beno botikwaka mu nkumbu ya mono.
16Mono botikaka nzo ya Stefana mpe; mono zaba ve kana mono botikaka muntu yankaka.
17Kadi Klisto fidisaka mono ve kubotika, kansi kusamuna nsamu mbote, mu ngangu ya ndinga ve, keti kulunsi ya Klisto takwiza mpamba.
Ngangu ya kieleka ye ngangu ya luvunu
18Kadi mambu ya kulunsi ikele kinzoba kwa bau ya vila, kansi kwa beto ya vuluswa, yo ikele ngolo ya Nzambi. Lom. 1:16; 1 Kol. 1:23; 2 Kol. 2:15; 4:3
19Kadi yo ikele kusonama: Mono takufwa ngangu ya bankwa ngangu, ye nzailu ya bankwa nzailu mono takitula mpamba.
20Wapi nkwa ngangu ? Wapi nsoniki ? Wapi mutudisi ya ntembe ya nsi yai ? Nzambi imene kukitula ngangu ya nsi kinzoba ve ? Yes. 44:25; Lom. 1:22
21Kadi bu nsi mu ngangu ya nsi zabaka Nzambi ve mu ngangu ya yandi, yo vandaka nzolakani ya Nzambi kuvulusa bau ya kwikila mu kinzoba ya nsamunu ya nsamu mbote. Mat. 11:25; Luk. 10:21
22BaYuda ikele kulomba bidimbu ye baElene ikele kusosa ngangu,
23kansi beto samuna Klisto ya komwa va kulunsi, kwa baYuda ikele nteso ya sakuba ye kwa bapaien ikele kinzoba,
24Kansi kwa bau ya bingwa, baYuda ye baElene, Klisto ikele ngolo ya Nzambi ye ngangu ya Nzambi. Lom. 1:16
25Sambu na kinzoba ya Nzambi luta bantu mu ngangu, ye lebakana ya Nzambi luta bantu mu ngolo.
Bonso Nzambi solaka bau ya konda nkembo ya luzitu
26Kadi, bampangi, tala mbokolo ya beno, na mingi ve ya ngangu ya nsuni, ye mingi ve ya ikele na ngolo, ye mingi ve ya luzitu ikele kubingwa.
27Kansi Nzambi imene kusola bima ya nzoba mu nsi yai, na yandi lenda kumonisa bankwa ngangu nsoni; Nzambi imene kusola bima ya lebakana ya nsi, na yandi lenda kumonisa yina ya ngolo nsoni.
28Nzambi imene kusola bima ya konda luzitu mu nsi ye bima ya saulwa, ye bima ya ikele ve, na yandi lenda kukitula mpamba bima ya ikele,
29na nsuni mosi lenda kuyana ve nantwala ya Nzambi. Lom. 3:27; Ef. 2:9
30Kansi sambu na yandi, beno ikele mu Klisto Yesu, kitulwa ngangu tuka Nzambi ye kutulwa lunungu ye nlongo ye nkudulu kwa beto,
31na yo lenda kwiza bonso yo ikele kusonama: Konso ya yana, bika yandi yana mu Mfumu.
Currently Selected:
1 Kolinto 1: NTK50
Highlight
Copy
Compare
Share
Want to have your highlights saved across all your devices? Sign up or sign in
Nouveau Testament en Kikwango © BAliiance Biblique de la RD Congo, 1950.
