YouVersion Logo
Search Icon

Matayo 3

3
Yoane Mobatisi
1Yoane Mobatisi adoa a masu mamina, na atɔndɔ mwako moNjambe a lisobe liYuda. 2Abala bo, Hekojani milema minu, mojɔ bo Bokumu boDiko boba’i mea, 3Motɔndɔi Yisaya abala a mojɔ moYoane yana abala yo bo,
Kɔpi emoto yona obetoaka a lisobe bo,
Sɛlingoani mokɛngɛ moKumu;
Tangbojani njea jinde.
4Yoane adaka na bisenja bingungi jikamela; adaka na ekpoka eyobo etito a bongo bonde; dia linde lidaka oko bapaala na pɔki eesika. 5Bato baYelusalema na Yuda, na bato badɔngɔ disusu diYoladene bakɛ ai yo. 6Bajima jibe jibu, na yo #3.6 ababatisa abadindeja, ababokea. ababatisa a dua yena edi na kombe Voladene. 7Yana anɛ yo BaPalusi na BaSadoki banɛnɛ bakadoe ai yo bo ababatise, abala na bu bo, Ino bana banjɔ! Oehi no nda bo ocieni likundu lia likɛkɛ adoe? 8Isa ohekojaini milema, anejani bimbete bia bibwani, 9T’olɛeni oko bo, Abalayama adi tata osu, Mbi natɔndɔkɔ no bo Njambe akapala, abwani bongɔjɔ bana ai Abalayama oko na matai ma. 10Epondo esambi edɛye a cina jimele. Mele mimiti bota mbuma jipele, mîkwɛlɛmɛ misusu, na mîdumbama a mosa. 11Mbi nabatisaka no a madiba cina ebohekoja bomilema; yo ko yona okɛkɛ adoe ngɔngɔ jimbi anɔi mbi na ngulu. Mbi nabɔngiti bo natombe sapata jinde. Iyo âbatisa no a Mwembo Mosɛnɔke na a mosa. 12Adi na ehɛhɛi a ebɔ ende, âpueja moboku monde, na âbolea ndongo jinde a edejai. Âtumba ko poso a mosa, na mosa momina motadimea nongo.
Bobatisa boYesu
13Yesu adonga a Galile, na adoa a Yoladene bo Yoane amobatise. 14Yoane ko amosia; abala bo, Wɛ odoi ai mbi? mbi yona obwani bobatisama na wɛ. 15Yesu ko amosɔmbeja bo, Yɛ modae boa edɛye; mojɔ bo bobwani bosuma ngando jisusu jibodongo boa. Oko boa Yoane ajima. 16Yana abatisama Yesu, aduboa bokpa a madiba. A ehole emina, Diko didipoama oko bodipoaraa; anɛ Mwembo moNjambe mokatite o sungu na mokabakame ai yo. 17Na kɔpi emana oho Diko bo, Iyo adi Mwana’mbi ongɛnjɔ. Nadi na sepi a mojɔ monde.

Currently Selected:

Matayo 3: NTNG61

Highlight

Share

Copy

None

Want to have your highlights saved across all your devices? Sign up or sign in

YouVersion uses cookies to personalize your experience. By using our website, you accept our use of cookies as described in our Privacy Policy