2 Tessalonicenses 1
1
Paulõ hatukiri xinãnikiaki, na hãtxarã
1-2Ẽ Paulõ, ẽ merabewanika Silvano inũ Timóteobetã ẽ ana matu kene bumai uĩrakãwẽ. Tessalônica mae ewapa anushũ mã ikũwaĩbu nukũ Epa Deus inũ nukũ Shanẽ Ibu Jesus Cristobe mã dasikẽ Deusũ matu duawakĩ hawama unãnuma hau matu hiwemakubainũwẽ.
Jesus Cristo ikũwaĩbu Paulõ hatu xinãkĩ kẽwãkĩ Deus hatu yukashũkubainikiaki, na hãtxarã
3Ẽ betsabu inũ ẽ puibuũ, txanima matũ xinãnẽ Jesus ikũhairawai mã ma yumei kuxipai ẽ matu unaiĩ. Haskakĩ ana heneama ikũwaĩ betsabube kuxipai nui henenameyamakubaĩshãkãwẽ. Mã haskaya matukiri xinãkĩ Deus matu yukashũkĩ matuwẽ nũ Deus kẽwãkubainaii, haska nuku yunuayarã. 4Hanua matu itxakawakĩ yumãwãbiaibũ ikũwaĩ kuxipai mã hawa txĩtuãma ikũkainaya haska xinãkĩ hanu ikũwaĩ itxamisbu tibi anushũ benimai nũ matukiri txani nũ hãtxakũkainaii. 5Bika tenei mã haskaya Deus kaneismatũ yura dasibibu unãkĩ matũ pepawẽ matu unãti watã matukiri pe xinãyã hanu Deus shanẽ ibumis anu habe mã hiwenũ matu hikimashanai nũ unaiĩ.
6-8Hamẽ habũ Deusũ hãtxa tapĩkĩ Deuskiri xinãkatsi ikama inũ Shanẽ Ibu Jesusũ hãtxa txibãkatsi ikabuma hatu manakukĩ kupinũ ika hui nai anua txi here nakua Jesus hawẽ nai tsuma kuxipabuya habube tashnikirã hatu kupi hushanikiki. Na haska bika tenemakĩ nuku nuitapawaiburã, haska Deusũ matu hatu bika tenemairã, hawẽ dateyamakãwẽ. Haska wakĩ habũ matu nuitapawamisbu hatu beshtetã matu inũ nuku itxakawamisbu binumakĩ nuku huĩrũkũmakĩ unãnuma nuku hiwemashanikiki. 9Hamẽ nuku haska wamisbuwẽ taeshũ habu kupikĩ nuitapawariakĩ ikibi imakĩ hawẽ kuxipa paewẽ benukĩ inũ hawẽ txasha pepa hawẽrua hatu uĩmakatsi ikama ha bebunua txaihaira hatu putashanikiki. 10Haskakẽ hawara nukũ Shanẽ Ibukiri nũ matu yusĩ txanitanima mã ikũwaĩwẽ taeshũ hatiãra nukũ Shanẽ Ibu hanu huaitiã dasibi mai hirabi anushũ nũ ikũwãbaunaibũ txanima uĩtã duawakĩ nũ kẽwãshãkanaii.
11Haskawẽ taea Deusbe hãtxakĩ matukiri yukakĩ nũ heneismaki. Deusũ matu kenakĩ katunishũ pepabu matu wakatsis ikaikiri matu yukashũkinã, mã ikũwaĩwẽ taeshũ hawẽ kuxipawẽ hamapai pepa akĩ betsabube merabenamei mã hiwekubainũbũ ẽ matu ea ashũkubainaii. 12Haska ẽ matukiri Deus yukashũmiswẽ taeshũ matu uĩkĩ nukũ Shanẽ Ibu Jesus dasibibũ kẽwãshãkanikiki. Mã haska waibu Jesusũ matu duawakĩ matu kẽwãriashanikiki, haska nukũ Epa Deus inũ nukũ Shanẽ Ibu Jesus Cristõ nuku abukĩ haska xinãkubaĩmisrã.
Currently Selected:
2 Tessalonicenses 1: cbsBR
Highlight
Copy
Compare
Share
Want to have your highlights saved across all your devices? Sign up or sign in
NT © 1980-2006, Wycliffe Bible Translators, Inc.
OT portions © 2006, Wycliffe Bible Translators, Inc.