2 João 1
1
Joãonẽ hatukiri xinãnikiaki, na hãtxarã
1Earã, mekenikatũ ẽ matu hãtxa bumai uĩrakãwẽ. Deusũ matu katua hawẽ hãtxa nĩkai mã itxamisbu ẽ matu abuaii, eã bestimarã. Hakia dasibi habũ Deusũ kaka pepa txanima unãkĩ ikũwaĩbũ matu aburiakanikiki. 2Eskawẽ nũ matu abuairã, ha hãtxa txanima nũ hayatũ haska ha txanimatũ nukũ huĩti merã nũ mekea hatũ nuku xinãmakĩ nuku yuimapakeikiki. 3Epa Deus inũ hawẽ bake Jesus Cristõ hatũ pepawẽ hau matuwẽ dabanã ikĩ unãnuma xinãmakĩ hawẽ hãtxa txanimawẽ inũ hawẽ nuiti kayabi matu inãkĩ hau matu hiwemakubainũbũwẽ.
Deusũ hãtxa txibaĩ abunametikiaki, na hãtxarã
4Haska Epa Deusũ nuku yununi matubu hatiritũ txibãhairai matukiria beabu hatuki ẽ nukua txanima haska hãtxa txanimawẽ hiweaibu hatu uĩ ẽ benimahairaimaki. 5Ẽ betsabu inũ ẽ puibuũ, natiã matuwẽ nuikĩ matukiri xinãkĩ matu ea akĩ ẽ matu yunuaii, nukũ betsabube nui nũ abunamekubainũbunã. Na haska ẽ matu keneshunairã, yunuti bena ẽ matu ashũamaki. Hakia habias Jesus Cristõ nuku yusĩ taewani ẽ matu ana xinãmakĩ ashuaiĩ. 6Deusũ hawẽ hãtxa yunukinã: “Nui abunamei besti hiwetiki”, anirã, ha haska yununirã, ma bebũkiri mã nĩkaniki. Haskawẽ taea nuikipai hiwekubaĩkãwẽ.
Yusĩnanaĩ parananaĩbu unãtikiaki, na hãtxarã
7Yusĩnã itxapabu parananaĩ mapushũ: “Jesus Cristo Deus anua tashnitanũ ika nukũ yura bitã kaĩama iniki”, ikĩ habũ ikũwãbumã hatu unãmakatsis ibiakĩ shabakabi hakiri txanikĩ yui pewabumaki. Ha habũ haskakĩ yuiaiburã, ha huni yusĩnãburã, hakiri parananãkanikiki. Haskabu anua hunĩ Jesus Cristo shanẽ ibu mebinũ ika haki sinatai haki beparamei tashniaki. 8Jesus ikũwãkĩ hawẽ daya nũ amiswẽ taeshũ hau matũ pepawẽ Deusũ matu manakushanai mã bishanai benukatsi ikamarã, txĩtuãma ha parananaĩbu hatu uĩrakubaĩkãwẽ.
9Tsuãra Cristõ yusĩa txibãkĩ taewabiatã hawẽ yusĩa hawena meribis ana txitxitã yusĩaĩnã, Deus hayamaki. Hakia tsuãra Cristõ yusĩni ha hãtxa kuxipa betsa wama habias txibaĩnã, Epa Deus inũ hawẽ bakebe dasia habe hiweaki. 10Ẽ matu yuiai keskabu Jesusũ hãtxa kayabi matu pe yusĩabuma habũ matu yusĩnũ ika buaiburã, habe hãtxanameama inũ matũ hiwe anu hatu ikĩ mapemayamashãkãwẽ. 11Tsuãra ha parananaĩbu hatube hãtxanamekĩ beyawakinã, hawẽ txakabu habetã abaĩshãkanikiki. Uĩrashãkãwẽ.
12Hãtxa itxapa ẽ matu yuikatsis ibiakĩ ẽ hati matu keneshũkatsi ikamaki. Hakia matuki bai ka ẽ matube hãtxanamekatsis ikaii, beisinaĩ nũ benimanameshanũbunã.
13Nukubetã Jesus ikũwaĩbu Deusũ hatu katuabu ẽ hatube itxamisbũ hatũ hãtxa matu bumariakanikiki, hau mã unãnuma hiwenũbunã.
Hatiski, ẽ hãtxarã.
João
Currently Selected:
2 João 1: cbsBR
Highlight
Copy
Compare
Share
Want to have your highlights saved across all your devices? Sign up or sign in
NT © 1980-2006, Wycliffe Bible Translators, Inc.
OT portions © 2006, Wycliffe Bible Translators, Inc.
