Rɔmɛ̀n-anmàn-bɔ̀ 2
2
Ɔwɔ mrɛ̀ncì
1Vɛ́n, ɔwrɔn totɔtɔ̀n léyi dú mɛ́n, kɩ e ci ɛnyran hɔ̀n ɛmrɛ̀n nɔn, e sɩ̀ cɔ́ ɛnhyɔ̀bɔ̀-nyrì. Ɔmuhi, ɛnvra léyi e ci ɛnyran hɔ̀n ɛmrɛ̀n kɩ ɛ hán eci léyi yɔ hán nɔn, vɛ́n dùku ɛ bɔ́ v'edomɛ̀n nwù. 2Bɔ̀ nyri ɔmu le, Ɔwɔ ke ci anwrɔn hɔ̀n léyi kɛ hán eci ndɔ hɔ̀n lɔ nɔn ɛmrɛ̀n annanwɔrɛ mɛ̀n. 3E tro le Ɔwɔ mrɛ̀ncì lɔ kɛ lɛ vɔ́n mɛ́n ɛwú, vɛ́n léyi e ci ɛnyran hɔ̀n ɛmrɛ̀n eci léyi vɛ́n mán ɛ hán nɔn hɩ wú nɛ́n? 4Kale e gbri Ɔwɔ bɔrɛ wɔwɔ lɔ, n'ɛnbɔrɛ-ẅɛ̀n-hɛ́n mán n'ɛnhyɔ̀bɔ̀-nyrì lɔa? È sɩ̀ nyrì ɔmu le Ɔwɔ ɛnbɔrɛ wɔwɔ lɔ de kɛ lɛ hán mɛ́n ɛ̀ crɔn vɛ́n eci-hán-ci lɔ nɛ́n? 5Tɛ́n ɛ̀ ẅɛn ɛnbɔrɛ shishi, e sɩ́ ji ɛ̀ crɔn. Hɩ le kruhú de, ɛ lɛ wán ɛgbàn-wɔ̀ɛn-dì vri è sɩ́ v'ɛwú ɛnbì léyi Ɔwɔ ke le yé n'ɛmɛ̀nhyì mán n'ɛnyrɔnnan mrɛ̀ncì, 6kɩ ɛnbì lɔ, nɛ lɛ tán ɔwrɔnwrɔn eci léyi dú nɛ tɛn nɔn. 7Ne le bɩ́ ɛwúvà léyi ke sɩ́ trɔa nɔn nɛ̀n tán anwrɔn hɔ̀n léyi y'eci-hán-ciemɛ̀n lɔ, kɛ hán anvrɛn kɩ ke ji eci-zrɔ, ɛmrɛ́n mán ɛwúvà-kɔrɛ̀ nɔn. 8Tɛ́n, ne le bɩ́ n'ɛmɛ̀nhyì mán nɛ́n gbɔ̀kɔ̀ nɛ̀n yé anwrɔn hɔ̀n léyi kɛ kɛ́n nɛ̀n ezì, ke sɩ́ ji annanwɔrɛ ankà kɩ ke bɩ́ eci-gbàngbàn-hán ankà nɔn. 9Gbɔ̀gbɔ̀ mán ɛnjansù vri ke le dù tán anwrɔn hɔ̀n léyi kɛ hán eci gbàngbàn, bukru Zhüifɛ̀n-bɔ̀, tɛ́n anwrɔn hɔ̀n léyi kè sɩ̀ dù Zhüifɛ̀n-bɔ̀ nɔn mán dú ɛmɛ̀n. 10Zɛtɛn, Ɔwɔ kɛ lɛ tán eci-zrɔ, ɛmrɛ́n mán anwɔwɔ ke le dú anwrɔn hɔ̀n léyi kɛ hán anvrɛn nɔn tɛn, bukru Zhüifɛ̀n-bɔ̀, tɛ́n anwrɔn hɔ̀n léyi kè sɩ̀ dù Zhüifɛ̀n-bɔ̀ mán, 11ɔmuhi Ɔwɔ ke sɩ́ mrɛ́n ɔwrɔn zriɛmɛ́n ke teze hɛ̀ nɔn.
12Anwrɔn hɔ̀n lɔ fɛn léyi kè sɩ̀ nyrì Mohizì nynànmàn lɔ, hɩ kɛ hán ɛgbàn nɔn, yɔ sɩ̀ ci yɔ ɛmrɛ̀n ɛnyànmàn ndɔ lɔ wú ɛnvra léyi yɔ le wù nɔn; tɛ́n anwrɔn hɔ̀n léyi nyri ɛnyànmàn lɔ hɩ kɛ hán ɛgbàn ɛnyànmàn wú nɔn, ye le ci yɔ ɛmrɛ̀n ɛnyànmàn ndɔ lɔ wú. 13Ɔmuhi, anwrɔn hɔ̀n léyi kɛ cüɛn Ɔwɔ ɛvɛ̀ nɔn, kè sɩ̀ dù yɔ léyi yɔ die ɛnyànmàn nukù kɩ, tɛ́n yɔ léyi yɔ hán ɛnyànmàn kɔrɛ̀-zì-ci nɔn. 14Ɛnvra léyi nɛ̀nnyàn-bɔ̀ léyi kè sɩ̀ nyrì Ɔwɔ nyànmàn, kɩ yɔ dùku yɔ ẅɛn nɛ̀n yɔ hɛ́n, ndù hán ɔmu le yɔ bɩ́ nɛ̀n, dú y'ɛnbɔrɛ mɛ̀n, tɛ́n annanwɔrɛ mɛ̀n lɔ, yɔ sɩ̀ nyrì ɛnyànmàn lɔ. 15Ɔmu lɔ de yɔ yé tán le, ɛnyànmàn anvrɛnvrɛn ẅɛ̀n lɔ, merɛ́n dú y'ɛnbɔrɛ lɔ mɛ̀n. Yɔ wàwúyɛ mán y'ankà-tro hɔ̀n lɔ ke yé tán le ɛnyànmàn merɛ́n dú y'ɛmɛ̀n, kɩ ɛnvra tɔ̀n hô, ke fe yɔ, kɩ ɛnvra tɔ̀n hô, ke ci yɔ ɛmɛẅi. 16Nyàn eci léyi kɛ lɛ wɔɛn ɛnbì léyi Ɔwɔ kɛ lɛ hán Zhezü Krisì kè ci eci-bán-ci lɔ fɛn léyi dú anwrɔnẅì wúvà lɔ mɛ̀n nɔn ɛmrɛ̀n, hán ɔmu le Ɛmɛẅi ankà Ankrànkràn lɔ kɛ dɔ̀ nɔn.
Zhüifɛ̀n-bɔ̀ mán ɛnyànmàn
17Tɛ́n vɛ́n, ɛ̀ di Zhüifɛ̀n bɩ́, ɛ nan esù ɛnyànmàn wú kɩ ɛ ẅɛn v'Ɔwɔ lɔ n'esɛ́; 18e nyri n'ɛkɔrɛ̀-zì-ci kɩ ɛnyànmàn yé mɛ́n eci anvrɛnvrɛn ɛ̀ mrɛ́n e bɩ, 19e tro le è dú anvɛ̀-bɔyɛ-bɔ̀ kpamàn, anwrɔn hɔ̀n léyi dú ɛyri-yɔwɔ mɛ̀n nɔn y'eyri-kàn, 20anwrɔn hɔ̀n léyi kè sɩ̀ ẅɛn ankà-nyrì nɔn, y'ankà-dɔ́-wrɔn mán ɛẅì hɔ̀n ankà-yé-wrɔn, ɔmuhi ɛ̀ ẅɛn esɛ́ le ɛnyànmàn wú lɔ è dú ankà-dɔ́-wrɔn anvrɛnvrɛn kɩ è nyri ankaẅì annanwɔrɛ ankà. 21Zɛtɛn, vɛ́n léyi ɛ kran ankà e yé ɛnyran hɔ̀n, cɛci kruhú kɛ e sɩ́ yé v'edòmɛ̀n ankà hà? Vɛ́n léyi ɛ dɔ̀ le ke sɩ́ ji le ye yerɛ ɛci, cɛci kruhú kɛ́ vɛtɛn e yerɛ ɛci hɛ́? 22Vɛ́n léyi e sî ɛnnyɔnwrɔn-bi-gbàn-hán, cɛci kruhú kɛ ɛ hán ɛgbàn ndɔ lɔa? Vɛ́n léyi e sɩ́ cüɛn antɛ̀-buri-ci-hán nɔn, cɛci kruhú kɛ e yerɛ ɛci y'ɛcice-wɔn mɛ̀n hàn? 23Ɛ hán ɔmùan-gbu ci ɛnyànmàn wú, tɛ́n e sɩ́ wá Ɔwɔ ɛnvra léyi ɛ hán ɛnyànmàn tá-mɛẅi-ci nɔn! 24Annanwɔrɛ mɛ̀n lɔ, Ɛwrú Prɔnprɔn hɔ̀n kɛ dɔ́ ankà lɔ: “Ny'ɛkruhú fɛcüè nyantɛn hɔ̀n kɛ hán Ɔwɔ ɛnhyürɛ̀.”
25Ke dú kɛ ɛ wá ɛnyànmàn hô, wúcɔ̀-domɛ̀n-ẅì dú ankrankran tán mɛ́n; tɛ́n ke dú kɛ e sɩ́ wá ɛnnyànmàn, ndù hán le ye sɩ̀ wì mɛ́n wúcɔ̀-domɛ̀n. 26Kɩ ke dú kɛ ɔwrɔn léyi ye sɩ̀ wì wúcɔ̀-domɛ̀n nɔn, kɛ hán ɛnyànmàn-ci, Ɔwɔ ke sɩ̀ bɩ́ nɛ̀n kɛ̀ srɔ ɔwrɔn léyi ye wi wúcɔ̀-domɛ̀n nɛ́n? 27Ɔwrɔn léyi ye sɩ̀ wì wúcɔ̀-domɛ̀n n'anẅia lɔ mɛ̀n, tɛ́n kɛ hán ɛnyànmàn-ci nɔn, ke le ci mɛ́n ɛmrɛ̀n, vɛ́n léyi e sɩ́ hán ɛnyànmàn ci, kɩ ɛnyànmàn merɛ́n dú mɛ́n ɛmɛ̀n, kɩ ye wi mɛ́n wúcɔ̀-domɛ̀n mán nɔn. 28Annanwɔrɛ mɛ̀n lɔ, Zhüifɛ̀n-wrɔn annanwɔrɛ lɔ, kè sɩ̀ dù nɛ́n léyi nɛ̀n dú Zhüifɛ̀n-wrɔn antà dùwruemɛ̀n, kɩ ye wi nɛ̀n wúcɔ̀-domɛ̀n n'anẅia lɔ mɛ̀n nɔn. 29Tɛ́n Zhüifɛ̀n-wrɔn annanwɔrɛ lɔ, dú nɛ́n léyi n'ɛnbɔrɛ lɔ mɛ̀n, nɛ̀n dú Zhüifɛ̀n-wrɔn, kɩ ye wi nɛ̀n wúcɔ̀-domɛ̀n n'ɛnbɔrɛ lɔ mɛ̀n, kɩ nɛ́n wúcɔ̀-domɛ̀n-wì lɔ dú Ɔwɔ Hɛ́n Prɔnprɔn mɛ̀n srɔ, kɩ kè sɩ̀ dù ɛnyànmàn léyi ye merɛ́n nɔn mɛ̀n. Zhüifɛ̀n-wrɔn annanwɔrɛ ndɔ lɔ, kɛ cɔ́ n'ɛmrɛ́n Ɔwɔ yri, tɛ́n ke sɩ̀ dù anwrɔnẅì yri.
Currently Selected:
Rɔmɛ̀n-anmàn-bɔ̀ 2: ƐAA03
Highlight
Share
Copy
Want to have your highlights saved across all your devices? Sign up or sign in
Alladian: Ɛmɛẅi ankà ankrànkràn © Alliance Biblique de Cote d'Ivoire, 2003.
Rɔmɛ̀n-anmàn-bɔ̀ 2
2
Ɔwɔ mrɛ̀ncì
1Vɛ́n, ɔwrɔn totɔtɔ̀n léyi dú mɛ́n, kɩ e ci ɛnyran hɔ̀n ɛmrɛ̀n nɔn, e sɩ̀ cɔ́ ɛnhyɔ̀bɔ̀-nyrì. Ɔmuhi, ɛnvra léyi e ci ɛnyran hɔ̀n ɛmrɛ̀n kɩ ɛ hán eci léyi yɔ hán nɔn, vɛ́n dùku ɛ bɔ́ v'edomɛ̀n nwù. 2Bɔ̀ nyri ɔmu le, Ɔwɔ ke ci anwrɔn hɔ̀n léyi kɛ hán eci ndɔ hɔ̀n lɔ nɔn ɛmrɛ̀n annanwɔrɛ mɛ̀n. 3E tro le Ɔwɔ mrɛ̀ncì lɔ kɛ lɛ vɔ́n mɛ́n ɛwú, vɛ́n léyi e ci ɛnyran hɔ̀n ɛmrɛ̀n eci léyi vɛ́n mán ɛ hán nɔn hɩ wú nɛ́n? 4Kale e gbri Ɔwɔ bɔrɛ wɔwɔ lɔ, n'ɛnbɔrɛ-ẅɛ̀n-hɛ́n mán n'ɛnhyɔ̀bɔ̀-nyrì lɔa? È sɩ̀ nyrì ɔmu le Ɔwɔ ɛnbɔrɛ wɔwɔ lɔ de kɛ lɛ hán mɛ́n ɛ̀ crɔn vɛ́n eci-hán-ci lɔ nɛ́n? 5Tɛ́n ɛ̀ ẅɛn ɛnbɔrɛ shishi, e sɩ́ ji ɛ̀ crɔn. Hɩ le kruhú de, ɛ lɛ wán ɛgbàn-wɔ̀ɛn-dì vri è sɩ́ v'ɛwú ɛnbì léyi Ɔwɔ ke le yé n'ɛmɛ̀nhyì mán n'ɛnyrɔnnan mrɛ̀ncì, 6kɩ ɛnbì lɔ, nɛ lɛ tán ɔwrɔnwrɔn eci léyi dú nɛ tɛn nɔn. 7Ne le bɩ́ ɛwúvà léyi ke sɩ́ trɔa nɔn nɛ̀n tán anwrɔn hɔ̀n léyi y'eci-hán-ciemɛ̀n lɔ, kɛ hán anvrɛn kɩ ke ji eci-zrɔ, ɛmrɛ́n mán ɛwúvà-kɔrɛ̀ nɔn. 8Tɛ́n, ne le bɩ́ n'ɛmɛ̀nhyì mán nɛ́n gbɔ̀kɔ̀ nɛ̀n yé anwrɔn hɔ̀n léyi kɛ kɛ́n nɛ̀n ezì, ke sɩ́ ji annanwɔrɛ ankà kɩ ke bɩ́ eci-gbàngbàn-hán ankà nɔn. 9Gbɔ̀gbɔ̀ mán ɛnjansù vri ke le dù tán anwrɔn hɔ̀n léyi kɛ hán eci gbàngbàn, bukru Zhüifɛ̀n-bɔ̀, tɛ́n anwrɔn hɔ̀n léyi kè sɩ̀ dù Zhüifɛ̀n-bɔ̀ nɔn mán dú ɛmɛ̀n. 10Zɛtɛn, Ɔwɔ kɛ lɛ tán eci-zrɔ, ɛmrɛ́n mán anwɔwɔ ke le dú anwrɔn hɔ̀n léyi kɛ hán anvrɛn nɔn tɛn, bukru Zhüifɛ̀n-bɔ̀, tɛ́n anwrɔn hɔ̀n léyi kè sɩ̀ dù Zhüifɛ̀n-bɔ̀ mán, 11ɔmuhi Ɔwɔ ke sɩ́ mrɛ́n ɔwrɔn zriɛmɛ́n ke teze hɛ̀ nɔn.
12Anwrɔn hɔ̀n lɔ fɛn léyi kè sɩ̀ nyrì Mohizì nynànmàn lɔ, hɩ kɛ hán ɛgbàn nɔn, yɔ sɩ̀ ci yɔ ɛmrɛ̀n ɛnyànmàn ndɔ lɔ wú ɛnvra léyi yɔ le wù nɔn; tɛ́n anwrɔn hɔ̀n léyi nyri ɛnyànmàn lɔ hɩ kɛ hán ɛgbàn ɛnyànmàn wú nɔn, ye le ci yɔ ɛmrɛ̀n ɛnyànmàn ndɔ lɔ wú. 13Ɔmuhi, anwrɔn hɔ̀n léyi kɛ cüɛn Ɔwɔ ɛvɛ̀ nɔn, kè sɩ̀ dù yɔ léyi yɔ die ɛnyànmàn nukù kɩ, tɛ́n yɔ léyi yɔ hán ɛnyànmàn kɔrɛ̀-zì-ci nɔn. 14Ɛnvra léyi nɛ̀nnyàn-bɔ̀ léyi kè sɩ̀ nyrì Ɔwɔ nyànmàn, kɩ yɔ dùku yɔ ẅɛn nɛ̀n yɔ hɛ́n, ndù hán ɔmu le yɔ bɩ́ nɛ̀n, dú y'ɛnbɔrɛ mɛ̀n, tɛ́n annanwɔrɛ mɛ̀n lɔ, yɔ sɩ̀ nyrì ɛnyànmàn lɔ. 15Ɔmu lɔ de yɔ yé tán le, ɛnyànmàn anvrɛnvrɛn ẅɛ̀n lɔ, merɛ́n dú y'ɛnbɔrɛ lɔ mɛ̀n. Yɔ wàwúyɛ mán y'ankà-tro hɔ̀n lɔ ke yé tán le ɛnyànmàn merɛ́n dú y'ɛmɛ̀n, kɩ ɛnvra tɔ̀n hô, ke fe yɔ, kɩ ɛnvra tɔ̀n hô, ke ci yɔ ɛmɛẅi. 16Nyàn eci léyi kɛ lɛ wɔɛn ɛnbì léyi Ɔwɔ kɛ lɛ hán Zhezü Krisì kè ci eci-bán-ci lɔ fɛn léyi dú anwrɔnẅì wúvà lɔ mɛ̀n nɔn ɛmrɛ̀n, hán ɔmu le Ɛmɛẅi ankà Ankrànkràn lɔ kɛ dɔ̀ nɔn.
Zhüifɛ̀n-bɔ̀ mán ɛnyànmàn
17Tɛ́n vɛ́n, ɛ̀ di Zhüifɛ̀n bɩ́, ɛ nan esù ɛnyànmàn wú kɩ ɛ ẅɛn v'Ɔwɔ lɔ n'esɛ́; 18e nyri n'ɛkɔrɛ̀-zì-ci kɩ ɛnyànmàn yé mɛ́n eci anvrɛnvrɛn ɛ̀ mrɛ́n e bɩ, 19e tro le è dú anvɛ̀-bɔyɛ-bɔ̀ kpamàn, anwrɔn hɔ̀n léyi dú ɛyri-yɔwɔ mɛ̀n nɔn y'eyri-kàn, 20anwrɔn hɔ̀n léyi kè sɩ̀ ẅɛn ankà-nyrì nɔn, y'ankà-dɔ́-wrɔn mán ɛẅì hɔ̀n ankà-yé-wrɔn, ɔmuhi ɛ̀ ẅɛn esɛ́ le ɛnyànmàn wú lɔ è dú ankà-dɔ́-wrɔn anvrɛnvrɛn kɩ è nyri ankaẅì annanwɔrɛ ankà. 21Zɛtɛn, vɛ́n léyi ɛ kran ankà e yé ɛnyran hɔ̀n, cɛci kruhú kɛ e sɩ́ yé v'edòmɛ̀n ankà hà? Vɛ́n léyi ɛ dɔ̀ le ke sɩ́ ji le ye yerɛ ɛci, cɛci kruhú kɛ́ vɛtɛn e yerɛ ɛci hɛ́? 22Vɛ́n léyi e sî ɛnnyɔnwrɔn-bi-gbàn-hán, cɛci kruhú kɛ ɛ hán ɛgbàn ndɔ lɔa? Vɛ́n léyi e sɩ́ cüɛn antɛ̀-buri-ci-hán nɔn, cɛci kruhú kɛ e yerɛ ɛci y'ɛcice-wɔn mɛ̀n hàn? 23Ɛ hán ɔmùan-gbu ci ɛnyànmàn wú, tɛ́n e sɩ́ wá Ɔwɔ ɛnvra léyi ɛ hán ɛnyànmàn tá-mɛẅi-ci nɔn! 24Annanwɔrɛ mɛ̀n lɔ, Ɛwrú Prɔnprɔn hɔ̀n kɛ dɔ́ ankà lɔ: “Ny'ɛkruhú fɛcüè nyantɛn hɔ̀n kɛ hán Ɔwɔ ɛnhyürɛ̀.”
25Ke dú kɛ ɛ wá ɛnyànmàn hô, wúcɔ̀-domɛ̀n-ẅì dú ankrankran tán mɛ́n; tɛ́n ke dú kɛ e sɩ́ wá ɛnnyànmàn, ndù hán le ye sɩ̀ wì mɛ́n wúcɔ̀-domɛ̀n. 26Kɩ ke dú kɛ ɔwrɔn léyi ye sɩ̀ wì wúcɔ̀-domɛ̀n nɔn, kɛ hán ɛnyànmàn-ci, Ɔwɔ ke sɩ̀ bɩ́ nɛ̀n kɛ̀ srɔ ɔwrɔn léyi ye wi wúcɔ̀-domɛ̀n nɛ́n? 27Ɔwrɔn léyi ye sɩ̀ wì wúcɔ̀-domɛ̀n n'anẅia lɔ mɛ̀n, tɛ́n kɛ hán ɛnyànmàn-ci nɔn, ke le ci mɛ́n ɛmrɛ̀n, vɛ́n léyi e sɩ́ hán ɛnyànmàn ci, kɩ ɛnyànmàn merɛ́n dú mɛ́n ɛmɛ̀n, kɩ ye wi mɛ́n wúcɔ̀-domɛ̀n mán nɔn. 28Annanwɔrɛ mɛ̀n lɔ, Zhüifɛ̀n-wrɔn annanwɔrɛ lɔ, kè sɩ̀ dù nɛ́n léyi nɛ̀n dú Zhüifɛ̀n-wrɔn antà dùwruemɛ̀n, kɩ ye wi nɛ̀n wúcɔ̀-domɛ̀n n'anẅia lɔ mɛ̀n nɔn. 29Tɛ́n Zhüifɛ̀n-wrɔn annanwɔrɛ lɔ, dú nɛ́n léyi n'ɛnbɔrɛ lɔ mɛ̀n, nɛ̀n dú Zhüifɛ̀n-wrɔn, kɩ ye wi nɛ̀n wúcɔ̀-domɛ̀n n'ɛnbɔrɛ lɔ mɛ̀n, kɩ nɛ́n wúcɔ̀-domɛ̀n-wì lɔ dú Ɔwɔ Hɛ́n Prɔnprɔn mɛ̀n srɔ, kɩ kè sɩ̀ dù ɛnyànmàn léyi ye merɛ́n nɔn mɛ̀n. Zhüifɛ̀n-wrɔn annanwɔrɛ ndɔ lɔ, kɛ cɔ́ n'ɛmrɛ́n Ɔwɔ yri, tɛ́n ke sɩ̀ dù anwrɔnẅì yri.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Alladian: Ɛmɛẅi ankà ankrànkràn © Alliance Biblique de Cote d'Ivoire, 2003.