Rɔmɛ̀n-anmàn-bɔ̀ 1
1
Ebinyan
1Ebinyan ndɔ lɔ dú Pɔlɛ̀n yri kɛ và, nɛ́n léyi nɛ́n dú Zhezü Krisì ci-bɩ̀tan-wrɔn léyi ye bi, ô kè dú ɔkɔ̀hɔ̀n-wá-wrɔn léyi Ɔwɔ mrɛ́n bɩ, ô kɛ̀ dɔ́ Ɛmɛẅi ankà Ankrankran lɔ nɔn.
2Ɔwɔ-mùanwú-ankà-dɔ́-bɔ̀ mùan mɛ̀n, Ɛmɛẅi ankà Ankrankran ndɔ lɔ, Ɛwrú Prɔnprɔn hɔ̀n lɔ mɛ̀n, Ɔwɔ wá n'ɔmùan ɛnvra sheshe mɛ̀n. 3Ɛmɛẅi ankà ndɔ lɔ kɛ crɛ nyan n'ɛnẅì, bɔ́ Ɛẅɛnwrɔn Zhezü Krisì: anwrɔnẅiemɛ̀n lɔ, nɛ̀n dú Davidɛ̀n-mɛẅi-wrɔn; 4tɛ́n Ɛnhɛ́n Prɔnprɔn mɛ̀n lɔ, yɛ hán nɛ̀n, nɛ̀n srɔ Ɔwɔ Ẅì ɛkɔrɛ̀srɔn mɛ̀n ɛnvra léyi nɛ̀n dú owúemɛ̀n nɛ̀n frɔ́ nɔn. 5N'ɛmɛ̀n lɔ, Ɔwɔ tán mɛ̀n n'ɛcüɛ̀n, ô mɛ̀n dú ɔkɔ̀hɔ̀n-wá-wrɔn Krisì ci-zrɔ mɛ̀n, ô mɛ̀n hán anwrɔn hɔ̀n lɔ fɛn léyi dú ɛnhi wú nɔn kè bú n'ankà kɛ̀ tán ankaẅì, ô kɛ̀ hán n'ɛkɔrɛ̀zì-ci. 6Nyɛ́n mán nyɛ́n dú anwrɔn ndɔ hɔ̀n lɔ, nyɛ́n léyi Ɔwɔ bi nyɛ̀n, ô nyɛ́n dú Zhezü Krisì tɛn nɔn.
7Nyɛ́n léyi nyɛ́n dú Rɔmɛ̀n anmàn nɔn, me merɛ́n nyɛ̀n owrú, nyɛ lɛ fɛn léyi Ɔwɔ kɛ cüɛn nyɛ̀n hɩ bi nyɛ̀n, ô nyɛ́n dú ɛwúvà-kɔrɛ̀ mɛ̀n n'ɛkruhú nɔn. Ke ji le Ɔwɔ bo Zi, mán Ɛẅɛnwrɔn Zhezü Krisì kɛ̀ tán nyɛ̀n nboafɔ̀n mán anwɔwɔ.
Pɔlɛ̀n ke ji kɛ hɔ̀n nyan Krisì-sɛ̀nkɛn-bɔ̀ léyi dú Rɔmɛ̀n anmàn nɔn
8Eci lɔ fɛn mɛ̀n, mɛ tán m'Ɔwɔ ɔkùɛn Zhezü Krisì bɩmɛ̀n, nyɛ́n lɔ fɛn ny'ɛkruhú, ɔmuhi yɛ dɔ́ ny'ankaẅì-bùtan-ẅɛn-ankà ɛnhibù mumù lɔ fɛn wú nɔn. 9Ɔwɔ nyri ɔmu le mɛ dɔ́ ankà annanwɔrɛ, nɛ́n léyi m'ɛnbɔrɛ lɔ fɛn mɛ̀n, mɛ̀n dú n'eci-bɩ̀tan-wrɔn, kɩ mɛ dɔ́ Ɛmɛẅi ankà Ankrankran léyi kɛ dɔ́ n'Ɛnẅì ankà nɔn. Nɛ̀n nyri ɔmu le me tro ny'ankà 10ɛnvra totɔtɔ̀n léyi mɛ sɛ̀n nɔn. Mɛ sán Ɔwɔ le, ke dú kɛ ndɔ lɔ de dú n'ɛkɔrɛ̀-zì-ci nɔn hô, ɛkɔrɛ̀-levri kè dù tán, ô mɛ̀n và nyan nyɛ̀n. 11Annanwɔrɛ mɛ̀n lɔ, mɛ wá kpankpan mɛ̀n kán nyɛ̀n, ô mɛ̀n và sɩ́ nyɛ̀n Ɛnhɛ́n Prɔnprɔn cice tɔ̀n léyi kɛ lɛ tán nyɛ̀n ecüì nɔn. 12Mɛ̀n vru mɛ wá kpankpan mɛ̀n dú nyɛ̀n ɛmɛ̀n, ô bɔ́ lɔ fɛn bɔ̀ cɔ́ edùyì tɔ̀n, mɛ̀n, ny'ankaẅì-bùtan-ẅɛn mɛ̀n, nyɛ́n mán, m'ankaẅì-bùtan-ẅɛn mɛ̀n.
13Anwrɔn-nɛ́n-muan-ẅì hɔ̀n, me ji le nyɛ́n nyrì le, ɛnvra zrizri mɛ wá mɛ̀n vá ɛyri léyi nyɛ́n dù nɔn, tɛ́n ankà kɛ ẅɛn mɛ̀n hɛ́n hàn kɩ cɔ́ zɛtɛ̀ lɔ. Mɛ ẅɛn esɛ́ le m'ɔkɔ̀hɔ̀n lɔ kè shi ɛẅì ny'ɛmɛ̀n mán, kɛ̀ hán ɔmu le nɛ̀n shi ɛẅì ɛnhi wú nyantɛn wú ɛnhibù wú nɔn. 14M'ɔkɔ̀hɔ̀n-hán-kɔhɔ̀n dú hɩ le ke ji le, mɛ̀n hɔ́n nyɛ̀n ɛtɛ̀sɛ̀n, yɔ hɔ̀n léyi ankà-nyrì vá ɛmɛ̀n, yɔ hɔ̀n léyi kɛ vá cɔ́ ankà-nyrì, yɔ hɔ̀n léyi kán owrú mán yɔ hɔ̀n léyi kɛ vá kàn nɔn. 15Hɩ le kruhú de mɛ̀n ẅɛn ankà-tro ndɔ lɔ, mɛ̀n bɩ́ Ɛmɛẅi ankà Ankrankran lɔ, mɛ̀n và sɩ́ nyɛ́n mán, nyɛ́n léyi nyɛ́n dú Rɔmɛ̀n anmàn nɔn.
Ɛmɛẅi ankà Ankrànkràn kɔrɛ̀srɔn lɔ
16Ɛnbɔrɛ shishiemɛ̀n de mɛ dɔ́ Ɛmɛẅi ankà Ankrankran lɔ nɔn: annanwrɔrɛ mɛ̀n lɔ, nɛ̀n dú ecüì léyi Ɔwɔ ke bɩ ke bi ɔwrɔn hɔ̀n léyi ẅɛn ankaẅì-bùtan nɔn ke die, bukru Zhüifɛ̀n-bɔ̀, tɛ́n yɔ hɔ̀n léyi kè sɩ̀ dù Zhüifɛ̀n-bɔ̀ nɔn mán dú ɛmɛ̀n. 17Annanwɔrɛ mɛ̀n lɔ, Ɛmɛẅi ankà Ankrankran lɔ ke yé ɔmu le Ɔwɔ kɛ tán anwrɔnẅì ɛnyrɔnnan n'ezìwú nɔn; ankaẅì-bùtan zriemɛ̀n kɩ, dú ɛnkrubɔmɛ̀n mán ɔtrɔmɛ̀n, hán ɔmu le Owrú Prɔnprɔn kɛ dɔ̀ nɔn hɔ́: “Ɔwrɔn léyi dú ɛnyrɔnnan mɛ̀n ankaẅì-bùtan-ẅɛn mɛ̀n nɔn, nɛ lɛ cɔ́ ɛwúvà.”
Anwrɔnẅì dú ɛgbàn-hán-bɔ̀
18Anhobɩ́ ɛwú, Ɔwɔ ke bɩ́ ɛmɛ̀nhyì ku ɛgbàn mán eci gbangbàn léyi anwrɔnẅì kɛ hán y'eci-hán gbàngbàn mɛ̀n, kɩ kɛ kɛ́n annanwɔrɛ hɛ́n. 19Kɩ ankà léyi yɛ lɛ cɔ́ Ɔwɔ yri ye nyrì nɔn, ɛmɛ̀n nfì tán yɔ lɔ fɛn: Ɔwɔ mumù de yé yɔ ankà lɔ efifiemɛ̀n nɔn. 20Annanwɔrɛ mɛ̀n lɔ, ɛnvra léyi Ɔwɔ hán ɛnhibù bukru nɔn, yɛ kán anvrɛnvrɛn mɛ̀n n'ɛkɔrɛ̀-srɔn léyi kè sɩ̀ ẅɛ̀n ɛnkrutrɔ mán n'Ɔwɔ dù léyi nɛ́n dù nɔn, ɛnvra léyi yɛ nyan n'ɛkɔrɛ̀-ci hɔ̀n lɔ fɛn léyi nɛ́n hán nɔn. Anwrɔnẅì ke sɩ́ hán ɛnhyɔ̀bɔ̀-nyri-ci. 21Yɔ nyri Ɔwɔ, tɛ́n yɔ sɩ̀ ẅɛ̀n n'ɔwa kɩ yɔ sɩ́ tán nɛ̀n ɔkùɛn kɛ hán ɔmu le ke ji le yɛ hán n'ɛtɛ̀sɛ̀n nɔn hɔ́. Tɛ́n y'ankà-tro srɔ eci fe kɩ y'ɔbrɔ̀sà hɛ́n dú ɛyri-yɔwɔ mɛ̀n. 22Yɔ bú y'edomɛ̀n yɔ hán ankà-nyri-bɔ̀, tɛ́n yɔ dú nmù-hán-bɔ̀: 23hɩ le yɔ le cüe Ɔwɔ léyi ke sɩ́ wúɛ n'eci-zrɔ lɔ ankɔrɛ̀ ezìwúɛ nɔn, yɔ sɛ́n antɛ̀buri-Wɔ léyi dú ɔwrɔnẅì léyi ke wù nɔn n'ɛkɔrɛ̀-ci, annrɛn hɔ̀n, annan-anzɔ̀-nɔ̀n mán ɛnhibɩ́-wore-nɔ̀n.
24Hɩ le kruhú de Ɔwɔ teze yɔ ɛnbrá-ci-hán mɛ̀n, hán ɔmu le y'ɛnbɔrɛ ke ji, ô yɔ dú anvɛvrà-ci-hán mɛ̀n yɔ mán yɔ nyran hɔ̀n mɛhi. 25Yɔ bɩ́ ɛyɔ̀n yɔ crɔn annanwɔrɛ, Ɔwɔ ankà-dɔ́ mɛ̀n; Ɔwɔ kɔrɛ̀-ci léyi hán nɔn, de yɔ sɛ̀n kɩ yɔ srɔ n'eci-bɩtan-bɔ̀, kɩ Ɔwɔ léyi ke ji le yɔ cüe ankɔrɛ̀ ezìwú ɛnvra lɔ fɛn nɔn, yɔ bɩ́ n'ankà yɔ yuru esùva! Ke dú ɔmu lɔ.
26Hɩ le kruhú de Ɔwɔ teze yɔ anvɛvrà-ci-hán mɛ̀n. Yɔ wúyɔ̀ dùku mán kɛ crɔn y'eci-hán-ci wúcɔ̀ dɛ́ tɛ̀sɛ̀n. 27Ɔmu zri lɔ, wúcɔ̀ ke teze wúyɔ̀ dɛ́ kɩ ke ji yɔ nyran hɔ̀n wúcɔ̀. Wúcɔ̀ hɔ̀n kɛ hán anvɛvrà-ci, yɔ mán yɔ nyran hɔ̀n wúcɔ̀ mɛhi, kɩ ɔmu lɔ de yɔ cɔ́ ɛgbàn-wɔ̀ɛn-dì léyi vɛ́n y'eci-gbangbàn-hán nɔn.
28Ɔmuhi yɔ krɔ, yɔ sɩ́ ji yɔ nyri Ɔwɔ nɔn, Ɔwɔ teze yɔ, y'ɔbrɔsà ankà-nyrì lɔ mɛ̀n kɩ, ɔmu lɔ de yɔ hán eci léyi ke sɩ́ ji le yɔ hán nɔn. 29Ɛnyrɔn gbàngbàn mɛ̀ntɛ mɛ̀ntɛ yɩ́ y'edomɛ̀n, eci-gbangbàn-hán, ɔwrɔn ci ɛvɛ̀-cüɛ̀n, anbɔrɛ; ecüì-hi-kɔ̀n, ɔwrɔn wri ankà, ɛdrɛ̀-hán, anbrá-dì mán ɛfrɛ́n yɩ́ yɔ ɛnbɔrɛ mɛ̀n. Yɔ dɔ́ ɛyɔ̀n ankà 30kɩ yɔ dɔ́ y'edomɛ̀n ankà gbàngbàn; yɔ dú Ɔwɔ gbri-bɔ̀, wawa-hán-bɔ̀, tutre-di-bɔ̀, evri-di-bɔ̀. Ɛnvra lɔ fɛn yɔ dú eci-gbangbàn wrù hán ankà-tro mɛ̀n, yɔ kɛ́n y'ɛmɛ̀n-bɔ̀ ezì. 31Yɔ dú ɛcrɔn mɛ̀n, yɔ sɩ́ ẅɛn y'ɔmùan-wá hɔ̀n lɔ yɔ hɛ́n hán; yɔ hán ɛnkru shishi ci kɩ yɔ sɩ̀ ẅɛ̀n ɛnhyɔ̀bɔ̀-nyrì yɔ nyran hɔ̀n tɛ̀sɛ̀n. 32Yɔ nyri Ɔwɔ mrɛ̀ncì lɔ anvrɛnvrɛn: anwrɔn hɔ̀n léyi kɛ ẅɛn esùnan ndɔ lɔ nɔn, owù dú yɔ tɛn. Ɔmu tɛ̀kɩ yɔ dú eci-hán ndɔ lɔ mɛ̀n, kɩ ɛnvra lɔ fɛn yɔ dú anwrɔn hɔ̀n léyi kɛ hán eci ndɔ lɔ nɔn ɛmɛẅi.
Currently Selected:
Rɔmɛ̀n-anmàn-bɔ̀ 1: ƐAA03
Highlight
Share
Copy
Want to have your highlights saved across all your devices? Sign up or sign in
Alladian: Ɛmɛẅi ankà ankrànkràn © Alliance Biblique de Cote d'Ivoire, 2003.
Rɔmɛ̀n-anmàn-bɔ̀ 1
1
Ebinyan
1Ebinyan ndɔ lɔ dú Pɔlɛ̀n yri kɛ và, nɛ́n léyi nɛ́n dú Zhezü Krisì ci-bɩ̀tan-wrɔn léyi ye bi, ô kè dú ɔkɔ̀hɔ̀n-wá-wrɔn léyi Ɔwɔ mrɛ́n bɩ, ô kɛ̀ dɔ́ Ɛmɛẅi ankà Ankrankran lɔ nɔn.
2Ɔwɔ-mùanwú-ankà-dɔ́-bɔ̀ mùan mɛ̀n, Ɛmɛẅi ankà Ankrankran ndɔ lɔ, Ɛwrú Prɔnprɔn hɔ̀n lɔ mɛ̀n, Ɔwɔ wá n'ɔmùan ɛnvra sheshe mɛ̀n. 3Ɛmɛẅi ankà ndɔ lɔ kɛ crɛ nyan n'ɛnẅì, bɔ́ Ɛẅɛnwrɔn Zhezü Krisì: anwrɔnẅiemɛ̀n lɔ, nɛ̀n dú Davidɛ̀n-mɛẅi-wrɔn; 4tɛ́n Ɛnhɛ́n Prɔnprɔn mɛ̀n lɔ, yɛ hán nɛ̀n, nɛ̀n srɔ Ɔwɔ Ẅì ɛkɔrɛ̀srɔn mɛ̀n ɛnvra léyi nɛ̀n dú owúemɛ̀n nɛ̀n frɔ́ nɔn. 5N'ɛmɛ̀n lɔ, Ɔwɔ tán mɛ̀n n'ɛcüɛ̀n, ô mɛ̀n dú ɔkɔ̀hɔ̀n-wá-wrɔn Krisì ci-zrɔ mɛ̀n, ô mɛ̀n hán anwrɔn hɔ̀n lɔ fɛn léyi dú ɛnhi wú nɔn kè bú n'ankà kɛ̀ tán ankaẅì, ô kɛ̀ hán n'ɛkɔrɛ̀zì-ci. 6Nyɛ́n mán nyɛ́n dú anwrɔn ndɔ hɔ̀n lɔ, nyɛ́n léyi Ɔwɔ bi nyɛ̀n, ô nyɛ́n dú Zhezü Krisì tɛn nɔn.
7Nyɛ́n léyi nyɛ́n dú Rɔmɛ̀n anmàn nɔn, me merɛ́n nyɛ̀n owrú, nyɛ lɛ fɛn léyi Ɔwɔ kɛ cüɛn nyɛ̀n hɩ bi nyɛ̀n, ô nyɛ́n dú ɛwúvà-kɔrɛ̀ mɛ̀n n'ɛkruhú nɔn. Ke ji le Ɔwɔ bo Zi, mán Ɛẅɛnwrɔn Zhezü Krisì kɛ̀ tán nyɛ̀n nboafɔ̀n mán anwɔwɔ.
Pɔlɛ̀n ke ji kɛ hɔ̀n nyan Krisì-sɛ̀nkɛn-bɔ̀ léyi dú Rɔmɛ̀n anmàn nɔn
8Eci lɔ fɛn mɛ̀n, mɛ tán m'Ɔwɔ ɔkùɛn Zhezü Krisì bɩmɛ̀n, nyɛ́n lɔ fɛn ny'ɛkruhú, ɔmuhi yɛ dɔ́ ny'ankaẅì-bùtan-ẅɛn-ankà ɛnhibù mumù lɔ fɛn wú nɔn. 9Ɔwɔ nyri ɔmu le mɛ dɔ́ ankà annanwɔrɛ, nɛ́n léyi m'ɛnbɔrɛ lɔ fɛn mɛ̀n, mɛ̀n dú n'eci-bɩ̀tan-wrɔn, kɩ mɛ dɔ́ Ɛmɛẅi ankà Ankrankran léyi kɛ dɔ́ n'Ɛnẅì ankà nɔn. Nɛ̀n nyri ɔmu le me tro ny'ankà 10ɛnvra totɔtɔ̀n léyi mɛ sɛ̀n nɔn. Mɛ sán Ɔwɔ le, ke dú kɛ ndɔ lɔ de dú n'ɛkɔrɛ̀-zì-ci nɔn hô, ɛkɔrɛ̀-levri kè dù tán, ô mɛ̀n và nyan nyɛ̀n. 11Annanwɔrɛ mɛ̀n lɔ, mɛ wá kpankpan mɛ̀n kán nyɛ̀n, ô mɛ̀n và sɩ́ nyɛ̀n Ɛnhɛ́n Prɔnprɔn cice tɔ̀n léyi kɛ lɛ tán nyɛ̀n ecüì nɔn. 12Mɛ̀n vru mɛ wá kpankpan mɛ̀n dú nyɛ̀n ɛmɛ̀n, ô bɔ́ lɔ fɛn bɔ̀ cɔ́ edùyì tɔ̀n, mɛ̀n, ny'ankaẅì-bùtan-ẅɛn mɛ̀n, nyɛ́n mán, m'ankaẅì-bùtan-ẅɛn mɛ̀n.
13Anwrɔn-nɛ́n-muan-ẅì hɔ̀n, me ji le nyɛ́n nyrì le, ɛnvra zrizri mɛ wá mɛ̀n vá ɛyri léyi nyɛ́n dù nɔn, tɛ́n ankà kɛ ẅɛn mɛ̀n hɛ́n hàn kɩ cɔ́ zɛtɛ̀ lɔ. Mɛ ẅɛn esɛ́ le m'ɔkɔ̀hɔ̀n lɔ kè shi ɛẅì ny'ɛmɛ̀n mán, kɛ̀ hán ɔmu le nɛ̀n shi ɛẅì ɛnhi wú nyantɛn wú ɛnhibù wú nɔn. 14M'ɔkɔ̀hɔ̀n-hán-kɔhɔ̀n dú hɩ le ke ji le, mɛ̀n hɔ́n nyɛ̀n ɛtɛ̀sɛ̀n, yɔ hɔ̀n léyi ankà-nyrì vá ɛmɛ̀n, yɔ hɔ̀n léyi kɛ vá cɔ́ ankà-nyrì, yɔ hɔ̀n léyi kán owrú mán yɔ hɔ̀n léyi kɛ vá kàn nɔn. 15Hɩ le kruhú de mɛ̀n ẅɛn ankà-tro ndɔ lɔ, mɛ̀n bɩ́ Ɛmɛẅi ankà Ankrankran lɔ, mɛ̀n và sɩ́ nyɛ́n mán, nyɛ́n léyi nyɛ́n dú Rɔmɛ̀n anmàn nɔn.
Ɛmɛẅi ankà Ankrànkràn kɔrɛ̀srɔn lɔ
16Ɛnbɔrɛ shishiemɛ̀n de mɛ dɔ́ Ɛmɛẅi ankà Ankrankran lɔ nɔn: annanwrɔrɛ mɛ̀n lɔ, nɛ̀n dú ecüì léyi Ɔwɔ ke bɩ ke bi ɔwrɔn hɔ̀n léyi ẅɛn ankaẅì-bùtan nɔn ke die, bukru Zhüifɛ̀n-bɔ̀, tɛ́n yɔ hɔ̀n léyi kè sɩ̀ dù Zhüifɛ̀n-bɔ̀ nɔn mán dú ɛmɛ̀n. 17Annanwɔrɛ mɛ̀n lɔ, Ɛmɛẅi ankà Ankrankran lɔ ke yé ɔmu le Ɔwɔ kɛ tán anwrɔnẅì ɛnyrɔnnan n'ezìwú nɔn; ankaẅì-bùtan zriemɛ̀n kɩ, dú ɛnkrubɔmɛ̀n mán ɔtrɔmɛ̀n, hán ɔmu le Owrú Prɔnprɔn kɛ dɔ̀ nɔn hɔ́: “Ɔwrɔn léyi dú ɛnyrɔnnan mɛ̀n ankaẅì-bùtan-ẅɛn mɛ̀n nɔn, nɛ lɛ cɔ́ ɛwúvà.”
Anwrɔnẅì dú ɛgbàn-hán-bɔ̀
18Anhobɩ́ ɛwú, Ɔwɔ ke bɩ́ ɛmɛ̀nhyì ku ɛgbàn mán eci gbangbàn léyi anwrɔnẅì kɛ hán y'eci-hán gbàngbàn mɛ̀n, kɩ kɛ kɛ́n annanwɔrɛ hɛ́n. 19Kɩ ankà léyi yɛ lɛ cɔ́ Ɔwɔ yri ye nyrì nɔn, ɛmɛ̀n nfì tán yɔ lɔ fɛn: Ɔwɔ mumù de yé yɔ ankà lɔ efifiemɛ̀n nɔn. 20Annanwɔrɛ mɛ̀n lɔ, ɛnvra léyi Ɔwɔ hán ɛnhibù bukru nɔn, yɛ kán anvrɛnvrɛn mɛ̀n n'ɛkɔrɛ̀-srɔn léyi kè sɩ̀ ẅɛ̀n ɛnkrutrɔ mán n'Ɔwɔ dù léyi nɛ́n dù nɔn, ɛnvra léyi yɛ nyan n'ɛkɔrɛ̀-ci hɔ̀n lɔ fɛn léyi nɛ́n hán nɔn. Anwrɔnẅì ke sɩ́ hán ɛnhyɔ̀bɔ̀-nyri-ci. 21Yɔ nyri Ɔwɔ, tɛ́n yɔ sɩ̀ ẅɛ̀n n'ɔwa kɩ yɔ sɩ́ tán nɛ̀n ɔkùɛn kɛ hán ɔmu le ke ji le yɛ hán n'ɛtɛ̀sɛ̀n nɔn hɔ́. Tɛ́n y'ankà-tro srɔ eci fe kɩ y'ɔbrɔ̀sà hɛ́n dú ɛyri-yɔwɔ mɛ̀n. 22Yɔ bú y'edomɛ̀n yɔ hán ankà-nyri-bɔ̀, tɛ́n yɔ dú nmù-hán-bɔ̀: 23hɩ le yɔ le cüe Ɔwɔ léyi ke sɩ́ wúɛ n'eci-zrɔ lɔ ankɔrɛ̀ ezìwúɛ nɔn, yɔ sɛ́n antɛ̀buri-Wɔ léyi dú ɔwrɔnẅì léyi ke wù nɔn n'ɛkɔrɛ̀-ci, annrɛn hɔ̀n, annan-anzɔ̀-nɔ̀n mán ɛnhibɩ́-wore-nɔ̀n.
24Hɩ le kruhú de Ɔwɔ teze yɔ ɛnbrá-ci-hán mɛ̀n, hán ɔmu le y'ɛnbɔrɛ ke ji, ô yɔ dú anvɛvrà-ci-hán mɛ̀n yɔ mán yɔ nyran hɔ̀n mɛhi. 25Yɔ bɩ́ ɛyɔ̀n yɔ crɔn annanwɔrɛ, Ɔwɔ ankà-dɔ́ mɛ̀n; Ɔwɔ kɔrɛ̀-ci léyi hán nɔn, de yɔ sɛ̀n kɩ yɔ srɔ n'eci-bɩtan-bɔ̀, kɩ Ɔwɔ léyi ke ji le yɔ cüe ankɔrɛ̀ ezìwú ɛnvra lɔ fɛn nɔn, yɔ bɩ́ n'ankà yɔ yuru esùva! Ke dú ɔmu lɔ.
26Hɩ le kruhú de Ɔwɔ teze yɔ anvɛvrà-ci-hán mɛ̀n. Yɔ wúyɔ̀ dùku mán kɛ crɔn y'eci-hán-ci wúcɔ̀ dɛ́ tɛ̀sɛ̀n. 27Ɔmu zri lɔ, wúcɔ̀ ke teze wúyɔ̀ dɛ́ kɩ ke ji yɔ nyran hɔ̀n wúcɔ̀. Wúcɔ̀ hɔ̀n kɛ hán anvɛvrà-ci, yɔ mán yɔ nyran hɔ̀n wúcɔ̀ mɛhi, kɩ ɔmu lɔ de yɔ cɔ́ ɛgbàn-wɔ̀ɛn-dì léyi vɛ́n y'eci-gbangbàn-hán nɔn.
28Ɔmuhi yɔ krɔ, yɔ sɩ́ ji yɔ nyri Ɔwɔ nɔn, Ɔwɔ teze yɔ, y'ɔbrɔsà ankà-nyrì lɔ mɛ̀n kɩ, ɔmu lɔ de yɔ hán eci léyi ke sɩ́ ji le yɔ hán nɔn. 29Ɛnyrɔn gbàngbàn mɛ̀ntɛ mɛ̀ntɛ yɩ́ y'edomɛ̀n, eci-gbangbàn-hán, ɔwrɔn ci ɛvɛ̀-cüɛ̀n, anbɔrɛ; ecüì-hi-kɔ̀n, ɔwrɔn wri ankà, ɛdrɛ̀-hán, anbrá-dì mán ɛfrɛ́n yɩ́ yɔ ɛnbɔrɛ mɛ̀n. Yɔ dɔ́ ɛyɔ̀n ankà 30kɩ yɔ dɔ́ y'edomɛ̀n ankà gbàngbàn; yɔ dú Ɔwɔ gbri-bɔ̀, wawa-hán-bɔ̀, tutre-di-bɔ̀, evri-di-bɔ̀. Ɛnvra lɔ fɛn yɔ dú eci-gbangbàn wrù hán ankà-tro mɛ̀n, yɔ kɛ́n y'ɛmɛ̀n-bɔ̀ ezì. 31Yɔ dú ɛcrɔn mɛ̀n, yɔ sɩ́ ẅɛn y'ɔmùan-wá hɔ̀n lɔ yɔ hɛ́n hán; yɔ hán ɛnkru shishi ci kɩ yɔ sɩ̀ ẅɛ̀n ɛnhyɔ̀bɔ̀-nyrì yɔ nyran hɔ̀n tɛ̀sɛ̀n. 32Yɔ nyri Ɔwɔ mrɛ̀ncì lɔ anvrɛnvrɛn: anwrɔn hɔ̀n léyi kɛ ẅɛn esùnan ndɔ lɔ nɔn, owù dú yɔ tɛn. Ɔmu tɛ̀kɩ yɔ dú eci-hán ndɔ lɔ mɛ̀n, kɩ ɛnvra lɔ fɛn yɔ dú anwrɔn hɔ̀n léyi kɛ hán eci ndɔ lɔ nɔn ɛmɛẅi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Alladian: Ɛmɛẅi ankà ankrànkràn © Alliance Biblique de Cote d'Ivoire, 2003.