Efɛzɛ̀n anmàn-bɔ̀ 4
4
Edùwrú-ẅia bɔ̀sɔ̀
1Mɛ sɛ́n nyɛ̀n, mɛ̀n léyi mɛ̀n dú anwɔn-mɛ̀n-wá-wrɔn ɔmuhi mɛ̀n dú Ɛẅɛnwrɔn ci-bɩ̀tan-wrɔn nɔn: nyɛ́n léyi Ɔwɔ bi nyɛ̀n, ny'esùnàn kè dú ɛnyrɔnnan mɛ̀n kɛ tán ebi ndɔ lɔ. 2Nyɛ́n dú ɛnvra lɔ fɛn edomɛ̀n ɛnhi-sɩemɛ̀n, nyɛ́n ẅɛn ɛnbɔrɛ-wɔ̀ mán ɛnbɔrɛ-ẅɛ̀n-hɛ́n. Nyɛ́n shri ny'edomɛ̀n nyɛ́n bɩ́ ɛcüɛn mɛ̀n. 3Nyɛ́n hán kèkrèmɛ̀n nyɛ́n ẅɛn ɔbɔ̀sɔ̀ léyi Ɛnhɛ́n Prɔnprɔn tán nyɛ̀n anwɔwɔ mɛ̀n, hɩ kɛ bɔsɔ́ nyɛ̀n eci zriemɛ̀n nɔn. 4Edùwrú-ẅia zri mán Ɛnhɛ́n Prɔnprɔn zri kɩ ndù, ɔmu zri lɔ de esɛ́ léyi Ɔwɔ bi nyɛ̀n n'ɛmɛ̀n nɔn, nɛ́n zri kɩ nɛ́n dù. 5Ɛẅɛnwrɔn zri kɩ ndù, ankaẅì-bùtan zri kɩ dù, ɛnshikru-wá zri kɩ dù; 6Ɔwɔ zri kɩ ndù, anwrɔnẅì lɔ fɛn yɔ Zi, n'ɛyri-ẅɛ̀n dú eci lɔ fɛn wú, nɛ hán eci anwrɔn lɔ fɛn mɛ̀n kɩ nɛ̀n dú anwrɔn lɔ fɛn mɛ̀n.
7Tɛ́n, bɔ́ ɛmɛ̀n lɔ ɔwrɔnwrɔn yɛ tán n'eci, eci tɔ̀n léyi Krisì kɛ tán ankora nɔn. 8Owrú Prɔnprɔn mɛ̀n yɛ dɔ̀ le:
“Ɛnvra léyi nɛ́n kà nɛ̀n hɔ́n ɛwú nɔn,
nɛ̀n ẅɛn anwɔn-mɛ̀n-wá-bɔ̀;
nɛ̀n ce anwrɔnẅì ɛci.”
9Zɛtɛn “Nɛ́n kà nɛ̀n hɔ́n ɛwú” hɩ mɛ̀n kɛ dɔ̀ le anwɔntan? Ndɔ lɔ ke yé tán le nɛ́n kàkɛ ɛnhibɩ́ ɛnvrɛ̀n mɛ̀n. 10Ɔwrɔn léyi kakɛ nɔn, nɛ̀n dú ɔwrɔn zri léyi nkà hɔ́n anhobɩ́ ɛwúɛ hɛ́n, ô nɛ̀n yɩ́ ɛnhibù mumù lɔ fɛn. 11Nɛ́n de nɛ̀n ce ɔwrɔnwrɔn eci: ndɔ hɔ̀n nɛ̀n srɔ ɔkɔhɔ̀n-wá-bɔ̀, ɛnjanbɔ̀ srɔ Ɔwɔ-mùanwú-ankà-dɔ́-bɔ̀, kɩ ndɔ hɔ̀n vru srɔ Ɛmɛẅi ankà Ankrankran dɔ́-bɔ̀, Ɔwɔ-bɔ̀, ankà-yé-bɔ̀. 12Ɔmu lɔ de nɛ̀n hán Ɔwɔ-fɛcüè lɔ krɔn kpehɛ́n kè dú n'eci-bɩ̀tan-kɔ̀hɔ́n mɛ̀n, ô kɛ̀ hán Krisì dùwrú-ẅia lɔ kè dú evrisɩemɛ̀n nɔn. 13Ɔmu lɔ de, bɔ́ lɔ fɛn bɔ́ lɛ cɔ́ ankaẅì-bùtan bɔ̀sɔ̀ Ɔwɔ Ẅì nyriemɛ̀n; bɔ́ lɛ srɔ anwrɔn fán hɔ̀n léyi y'ɔsɔ́ mán Krisì tɛn lɔ ke le dú eci zri léyi sɛ́n nmù nɔn. 14Zɛtɛn, bɔ́ sɩ̀ vru dú ɛẅì hɔ̀n léyi Ɔwɔ ankà-dɔ̀ nyàntɛn hɔ̀n dɔ̀nwrɔ̀n kɛ kɛ́n sɩ́ ɛzɛnmɛ̀n, kɩ ɛfrɛ́n-bɔ̀ kɛ wán sɩ́ ɛzrɛ́n levri wú nɔn. 15Tɛ́n, annanwɔrɛ ankà-dɔ́ mɛ̀n mán ɛcüɛn mɛ̀n, bɔ́ lɛ sɔ́ eci lɔ fɛn mɛ̀n, Krisì léyi dú ɛnkru nɔn n'ɛtɛ̀sɛ̀n hɔ́n mɛ̀n. 16N'ɛkɔrɛ̀-levriemɛ̀n de edùwrú-ẅia dú eci léyi edù sɔ́, hɩ dú ɔbɔ̀sɔmɛ̀n anvrɛnvrɛn nɛ́n mán edùwrú mumù lɔ fɛn mɛhi. Ɔmu lɔ de, ɛnvra léyi edùwrú ci-hɔ̀n lɔ fɛn ke dú esùnanmɛ̀n anvrɛnvrɛn kɛ hán ɔmu le ke ji nɔn, edùwrú-ẅia lɔ fɛn ke dú ɛsɔ́ mɛ̀n kɩ kɛ cɔ́ ecüì ɛcüɛn mɛ̀n.
Krisì-sɛ̀nkɛn-bɔ̀ wúvà wrù lɔ
17Nyàn eci léyi mɛ sán nyɛ̀n ɛshishiemɛ̀n Ɛẅɛnwrɔn bɩmɛ̀n nɔn: nyɛ́n bɩ́ hán eci kɛ cá anwrɔn hɔ̀n léyi kè sɩ̀ nyrì Ɔwɔ, hɩ y'ankà-tro ke sɩ́ ezrɛ́nmɛ̀n nɔn. 18Y'ɛnkruemɛ̀n-ẅɛ̀n dú ɛyri-yɔwɔ mɛ̀n; yɔ sɩ̀ ẅɛ̀n ɛwúvà léyi dú Ɔwɔ yri kɛ và nɔn ɛnzri mán, ɔmuhi y'ɔbrɔ̀sà lɔ sɛ́n nmù, kɩ ɛbɔrɛ sɔ́ yɔ hán obù hɔ́ nɔn. 19Yɔ sɩ̀ vrù ẅɛ̀n anvɛvrà ezìwúɛ; yɔ dú eci-gbangbàn-hán mɛ̀n, kɩ yɔ hán ɛnbrá mɛ̀n ci mɛ̀ntɛ mɛ̀ntɛ, yɔ sɩ́ ẅɛn y'edomɛ̀n yɔ hɛ́n rɔ́a.
20Kè sɩ̀ dù ndɔ lɔ de, kè dù ankà-yé léyi nyɛ́n cɔ́ Krisì wú nɔn! 21Annanwɔrɛ mɛ̀n lɔ, nyɛ́n yá ankà lɔ fɛn léyi dú Krisì tɛn nɔn, kɩ ɔmuhi, nyɛ́n dú Krisì-sɛ̀nkɛn-bɔ̀ nɔn, ye yé nyɛ̀n annanwɔrɛ ankà léyi dú Zhezü mɛ̀n nɔn. 22Zɛtɛn ke ji le ny'esùnan gbànvri teze lɔ, nyɛ́n tecüe ny'eci-gbànvri-gbàngbàn-hán léyi y'ɛfrɛ́n-ankà-tro hɔ̀n ke sɩ́ ezrɛ́n mɛ̀n nɔn. 23Ke ji le nyɛ́n teze ny'edomɛ̀n kokroho yɛ crɔn nyɛ̀n owrù, ɛnbɔrɛ mɛ̀n mán ɛnhɛ́n mɛ̀n. 24Nyɛ́n cɔ́ ɛwúvà wrù ceci léyi yɛ hán cá Ɔwɔ picɛ̀, hɩ ke yé n'edomɛ̀n ɛnyrɔnnan mán prɔnprɔn wúvà mɛ̀n, ɛwúvà léyi dú annanwɔrɛ ci nɔn.
25Hɩ kruhú, nyɛ́n kɔ́n ɛyɔ̀n-ankà nyɛ́n cüe! Ke ji le ɔwrɔnwrɔn kɛ̀ dɔ́ nɛ́n nyran ankà annanwɔrɛ, ɔmuhi bɔ́ lɛ fɛn bɔ̀ dú edùwrú zri mɛ̀n-bɔ̀ nɔn. 26Ke dú kɛ nye bɩ́ ɛmɛ̀nhyì hô, nyɛ́n bɩ́ hán ɛgbàn; ny'ɛmɛ̀nhyì-bɩ̀ lɔ kɛ̀ vá ɛnhi yakɛ́ ɛnbri kè bore. 27Nyɛ́n bɩ́ tán anwa-wrɔn ɛkɔrɛ̀-levri kɛ ká nyɔn nyɛ̀n ɛwúɛ. 28Ɔwrɔn léyi ke yerɛ ɛci nɔn, kɛ̀ kɛ́n eci-yerɛ kɛ̀ hɛ́n; ke ji le nɛ̀n bɩ́ n'ɛmàn anhyrɛ̀ lɔ nɛ̀n hán ɔkɔ̀hɔ̀n, ô nɛ̀n cɔ́ ɛci nɛ̀n zî, kɩ ɔmu lɔ de, nɛ lɛ cɔ́ ɛci nɛ̀n wá ɛmian-bɔ̀ ɛkɔrɛ̀ nɔn. 29Ankà-dɔ̀ gbàngbàn zriɛmɛ́n ke bɩ́ dú ny'ɔmùan lɔ mɛ̀n kɛ srɔa; nyɛ́n dɔ́ ankà ankrànkràn léyi kɛ wá ɛkɔrɛ̀ hɩ ke yɩ́ ɔwrɔn edù, ô ɔmu lɔ anwrɔn hɔ̀n léyi ke die nyɛ̀n nukùɛ nɔn, nyɛ́n hán yɔ anvrɛn. 30Nyɛ́n bɩ́ hán Ɛnhɛ́n Prɔnprɔn léyi Ɔwɔ tán nyɛ̀n nɔn ɛnhyɔ̀bɔ̀ kɛ cɔ̀a; nɛ̀n dú dalɛfùɛ-di-wrɔn léyi ke yé le ɛnbì kɛ lɛ và, Ɔwɔ kɛ lɛ mrɛ́n nyɛ̀n ɛgbàn mɛ̀n kokroho kɛ̀ sɔhɔ́. 31Nyɛ́n wrɔ́ esù she ny'ɛtɛ̀sɛ̀n, ankà-tro drɔ lɔ fɛn, edòmɛ̀n-wú-ci lɔ fɛn, ɛmɛ̀nhyì-bɩ lɔ fɛn, bobo-dì mán ɔwɔra hɔ̀n lɔ fɛn. Nyɛ́n cɔhɔ́ anbɔrɛ-ci-hán mɛ̀ntɛ mɛ̀ntɛ lɔ fɛn mɛ̀n. 32Nyɛ́n ẅɛn ɛnbɔrɛ-wɔ̀, ô ny'edomɛ̀n cüɛ̀n kè yɩ́ nyɛ̀n ɛmɛ̀n; nyɛ́n bɩ́ ɛgbàn nyɛ́n ce ny'edomɛ̀n, hán ɔmu le Ɔwɔ bɩ́ ny'ɛgbàn lɔ ce nyɛ̀n Krisì bɩmɛ̀n nɔn.
Currently Selected:
Efɛzɛ̀n anmàn-bɔ̀ 4: ƐAA03
Highlight
Share
Copy
Want to have your highlights saved across all your devices? Sign up or sign in
Alladian: Ɛmɛẅi ankà ankrànkràn © Alliance Biblique de Cote d'Ivoire, 2003.
Efɛzɛ̀n anmàn-bɔ̀ 4
4
Edùwrú-ẅia bɔ̀sɔ̀
1Mɛ sɛ́n nyɛ̀n, mɛ̀n léyi mɛ̀n dú anwɔn-mɛ̀n-wá-wrɔn ɔmuhi mɛ̀n dú Ɛẅɛnwrɔn ci-bɩ̀tan-wrɔn nɔn: nyɛ́n léyi Ɔwɔ bi nyɛ̀n, ny'esùnàn kè dú ɛnyrɔnnan mɛ̀n kɛ tán ebi ndɔ lɔ. 2Nyɛ́n dú ɛnvra lɔ fɛn edomɛ̀n ɛnhi-sɩemɛ̀n, nyɛ́n ẅɛn ɛnbɔrɛ-wɔ̀ mán ɛnbɔrɛ-ẅɛ̀n-hɛ́n. Nyɛ́n shri ny'edomɛ̀n nyɛ́n bɩ́ ɛcüɛn mɛ̀n. 3Nyɛ́n hán kèkrèmɛ̀n nyɛ́n ẅɛn ɔbɔ̀sɔ̀ léyi Ɛnhɛ́n Prɔnprɔn tán nyɛ̀n anwɔwɔ mɛ̀n, hɩ kɛ bɔsɔ́ nyɛ̀n eci zriemɛ̀n nɔn. 4Edùwrú-ẅia zri mán Ɛnhɛ́n Prɔnprɔn zri kɩ ndù, ɔmu zri lɔ de esɛ́ léyi Ɔwɔ bi nyɛ̀n n'ɛmɛ̀n nɔn, nɛ́n zri kɩ nɛ́n dù. 5Ɛẅɛnwrɔn zri kɩ ndù, ankaẅì-bùtan zri kɩ dù, ɛnshikru-wá zri kɩ dù; 6Ɔwɔ zri kɩ ndù, anwrɔnẅì lɔ fɛn yɔ Zi, n'ɛyri-ẅɛ̀n dú eci lɔ fɛn wú, nɛ hán eci anwrɔn lɔ fɛn mɛ̀n kɩ nɛ̀n dú anwrɔn lɔ fɛn mɛ̀n.
7Tɛ́n, bɔ́ ɛmɛ̀n lɔ ɔwrɔnwrɔn yɛ tán n'eci, eci tɔ̀n léyi Krisì kɛ tán ankora nɔn. 8Owrú Prɔnprɔn mɛ̀n yɛ dɔ̀ le:
“Ɛnvra léyi nɛ́n kà nɛ̀n hɔ́n ɛwú nɔn,
nɛ̀n ẅɛn anwɔn-mɛ̀n-wá-bɔ̀;
nɛ̀n ce anwrɔnẅì ɛci.”
9Zɛtɛn “Nɛ́n kà nɛ̀n hɔ́n ɛwú” hɩ mɛ̀n kɛ dɔ̀ le anwɔntan? Ndɔ lɔ ke yé tán le nɛ́n kàkɛ ɛnhibɩ́ ɛnvrɛ̀n mɛ̀n. 10Ɔwrɔn léyi kakɛ nɔn, nɛ̀n dú ɔwrɔn zri léyi nkà hɔ́n anhobɩ́ ɛwúɛ hɛ́n, ô nɛ̀n yɩ́ ɛnhibù mumù lɔ fɛn. 11Nɛ́n de nɛ̀n ce ɔwrɔnwrɔn eci: ndɔ hɔ̀n nɛ̀n srɔ ɔkɔhɔ̀n-wá-bɔ̀, ɛnjanbɔ̀ srɔ Ɔwɔ-mùanwú-ankà-dɔ́-bɔ̀, kɩ ndɔ hɔ̀n vru srɔ Ɛmɛẅi ankà Ankrankran dɔ́-bɔ̀, Ɔwɔ-bɔ̀, ankà-yé-bɔ̀. 12Ɔmu lɔ de nɛ̀n hán Ɔwɔ-fɛcüè lɔ krɔn kpehɛ́n kè dú n'eci-bɩ̀tan-kɔ̀hɔ́n mɛ̀n, ô kɛ̀ hán Krisì dùwrú-ẅia lɔ kè dú evrisɩemɛ̀n nɔn. 13Ɔmu lɔ de, bɔ́ lɔ fɛn bɔ́ lɛ cɔ́ ankaẅì-bùtan bɔ̀sɔ̀ Ɔwɔ Ẅì nyriemɛ̀n; bɔ́ lɛ srɔ anwrɔn fán hɔ̀n léyi y'ɔsɔ́ mán Krisì tɛn lɔ ke le dú eci zri léyi sɛ́n nmù nɔn. 14Zɛtɛn, bɔ́ sɩ̀ vru dú ɛẅì hɔ̀n léyi Ɔwɔ ankà-dɔ̀ nyàntɛn hɔ̀n dɔ̀nwrɔ̀n kɛ kɛ́n sɩ́ ɛzɛnmɛ̀n, kɩ ɛfrɛ́n-bɔ̀ kɛ wán sɩ́ ɛzrɛ́n levri wú nɔn. 15Tɛ́n, annanwɔrɛ ankà-dɔ́ mɛ̀n mán ɛcüɛn mɛ̀n, bɔ́ lɛ sɔ́ eci lɔ fɛn mɛ̀n, Krisì léyi dú ɛnkru nɔn n'ɛtɛ̀sɛ̀n hɔ́n mɛ̀n. 16N'ɛkɔrɛ̀-levriemɛ̀n de edùwrú-ẅia dú eci léyi edù sɔ́, hɩ dú ɔbɔ̀sɔmɛ̀n anvrɛnvrɛn nɛ́n mán edùwrú mumù lɔ fɛn mɛhi. Ɔmu lɔ de, ɛnvra léyi edùwrú ci-hɔ̀n lɔ fɛn ke dú esùnanmɛ̀n anvrɛnvrɛn kɛ hán ɔmu le ke ji nɔn, edùwrú-ẅia lɔ fɛn ke dú ɛsɔ́ mɛ̀n kɩ kɛ cɔ́ ecüì ɛcüɛn mɛ̀n.
Krisì-sɛ̀nkɛn-bɔ̀ wúvà wrù lɔ
17Nyàn eci léyi mɛ sán nyɛ̀n ɛshishiemɛ̀n Ɛẅɛnwrɔn bɩmɛ̀n nɔn: nyɛ́n bɩ́ hán eci kɛ cá anwrɔn hɔ̀n léyi kè sɩ̀ nyrì Ɔwɔ, hɩ y'ankà-tro ke sɩ́ ezrɛ́nmɛ̀n nɔn. 18Y'ɛnkruemɛ̀n-ẅɛ̀n dú ɛyri-yɔwɔ mɛ̀n; yɔ sɩ̀ ẅɛ̀n ɛwúvà léyi dú Ɔwɔ yri kɛ và nɔn ɛnzri mán, ɔmuhi y'ɔbrɔ̀sà lɔ sɛ́n nmù, kɩ ɛbɔrɛ sɔ́ yɔ hán obù hɔ́ nɔn. 19Yɔ sɩ̀ vrù ẅɛ̀n anvɛvrà ezìwúɛ; yɔ dú eci-gbangbàn-hán mɛ̀n, kɩ yɔ hán ɛnbrá mɛ̀n ci mɛ̀ntɛ mɛ̀ntɛ, yɔ sɩ́ ẅɛn y'edomɛ̀n yɔ hɛ́n rɔ́a.
20Kè sɩ̀ dù ndɔ lɔ de, kè dù ankà-yé léyi nyɛ́n cɔ́ Krisì wú nɔn! 21Annanwɔrɛ mɛ̀n lɔ, nyɛ́n yá ankà lɔ fɛn léyi dú Krisì tɛn nɔn, kɩ ɔmuhi, nyɛ́n dú Krisì-sɛ̀nkɛn-bɔ̀ nɔn, ye yé nyɛ̀n annanwɔrɛ ankà léyi dú Zhezü mɛ̀n nɔn. 22Zɛtɛn ke ji le ny'esùnan gbànvri teze lɔ, nyɛ́n tecüe ny'eci-gbànvri-gbàngbàn-hán léyi y'ɛfrɛ́n-ankà-tro hɔ̀n ke sɩ́ ezrɛ́n mɛ̀n nɔn. 23Ke ji le nyɛ́n teze ny'edomɛ̀n kokroho yɛ crɔn nyɛ̀n owrù, ɛnbɔrɛ mɛ̀n mán ɛnhɛ́n mɛ̀n. 24Nyɛ́n cɔ́ ɛwúvà wrù ceci léyi yɛ hán cá Ɔwɔ picɛ̀, hɩ ke yé n'edomɛ̀n ɛnyrɔnnan mán prɔnprɔn wúvà mɛ̀n, ɛwúvà léyi dú annanwɔrɛ ci nɔn.
25Hɩ kruhú, nyɛ́n kɔ́n ɛyɔ̀n-ankà nyɛ́n cüe! Ke ji le ɔwrɔnwrɔn kɛ̀ dɔ́ nɛ́n nyran ankà annanwɔrɛ, ɔmuhi bɔ́ lɛ fɛn bɔ̀ dú edùwrú zri mɛ̀n-bɔ̀ nɔn. 26Ke dú kɛ nye bɩ́ ɛmɛ̀nhyì hô, nyɛ́n bɩ́ hán ɛgbàn; ny'ɛmɛ̀nhyì-bɩ̀ lɔ kɛ̀ vá ɛnhi yakɛ́ ɛnbri kè bore. 27Nyɛ́n bɩ́ tán anwa-wrɔn ɛkɔrɛ̀-levri kɛ ká nyɔn nyɛ̀n ɛwúɛ. 28Ɔwrɔn léyi ke yerɛ ɛci nɔn, kɛ̀ kɛ́n eci-yerɛ kɛ̀ hɛ́n; ke ji le nɛ̀n bɩ́ n'ɛmàn anhyrɛ̀ lɔ nɛ̀n hán ɔkɔ̀hɔ̀n, ô nɛ̀n cɔ́ ɛci nɛ̀n zî, kɩ ɔmu lɔ de, nɛ lɛ cɔ́ ɛci nɛ̀n wá ɛmian-bɔ̀ ɛkɔrɛ̀ nɔn. 29Ankà-dɔ̀ gbàngbàn zriɛmɛ́n ke bɩ́ dú ny'ɔmùan lɔ mɛ̀n kɛ srɔa; nyɛ́n dɔ́ ankà ankrànkràn léyi kɛ wá ɛkɔrɛ̀ hɩ ke yɩ́ ɔwrɔn edù, ô ɔmu lɔ anwrɔn hɔ̀n léyi ke die nyɛ̀n nukùɛ nɔn, nyɛ́n hán yɔ anvrɛn. 30Nyɛ́n bɩ́ hán Ɛnhɛ́n Prɔnprɔn léyi Ɔwɔ tán nyɛ̀n nɔn ɛnhyɔ̀bɔ̀ kɛ cɔ̀a; nɛ̀n dú dalɛfùɛ-di-wrɔn léyi ke yé le ɛnbì kɛ lɛ và, Ɔwɔ kɛ lɛ mrɛ́n nyɛ̀n ɛgbàn mɛ̀n kokroho kɛ̀ sɔhɔ́. 31Nyɛ́n wrɔ́ esù she ny'ɛtɛ̀sɛ̀n, ankà-tro drɔ lɔ fɛn, edòmɛ̀n-wú-ci lɔ fɛn, ɛmɛ̀nhyì-bɩ lɔ fɛn, bobo-dì mán ɔwɔra hɔ̀n lɔ fɛn. Nyɛ́n cɔhɔ́ anbɔrɛ-ci-hán mɛ̀ntɛ mɛ̀ntɛ lɔ fɛn mɛ̀n. 32Nyɛ́n ẅɛn ɛnbɔrɛ-wɔ̀, ô ny'edomɛ̀n cüɛ̀n kè yɩ́ nyɛ̀n ɛmɛ̀n; nyɛ́n bɩ́ ɛgbàn nyɛ́n ce ny'edomɛ̀n, hán ɔmu le Ɔwɔ bɩ́ ny'ɛgbàn lɔ ce nyɛ̀n Krisì bɩmɛ̀n nɔn.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Alladian: Ɛmɛẅi ankà ankrànkràn © Alliance Biblique de Cote d'Ivoire, 2003.