Efɛzɛ̀n anmàn-bɔ̀ 3
3
Ɔkɔhɔ̀n léyi yɛ tán Pɔlɛ̀n, ô kè dú anwrɔn hɔ̀n léyi kè sɩ̀ dù Zhüifɛ̀n-bɔ̀ nɔn, yɔ vɔ̀nshɛ́
1Hɩ le kruhú de, mɛ̀n Pɔlɛ̀n, mɛ sɛ́n Ɔwɔ. Mɛ̀n dú anwɔn-mɛ̀n-wá-wrɔn Zhezü Krisì ci-bɩ̀tan kɔ̀hɔ́n mɛ̀n, nyɛ́n léyi nyɛ́n sɩ̀ dù Zhüifɛ̀n-bɔ̀ nɔn ny'ɛkruhú. 2Nyɛ́n yá annanwɔrɛ mɛ̀n yɛ dɔ́ ɔkɔhɔ̀n léyi Ɔwɔ tán mɛ̀n n'ɛzrɔ lɔ mɛ̀n, kè dú nyɛ́n vɔ̀nshɛ́-ci nɔn. 3Ɔwɔ tán mɛ̀n ɛyri-kàn tɔ̀n, ô mɛ̀n nyri n'ankɔ́nda ankà-bán-ankà lɔ. Mɛ̀n merɛ́n ɛnkrubɔmɛ̀n lɔ, ɛwrú ankà ndɔ lɔ 4kɩ owrú krɛmɛ̀n lɔ, nye le nyri ɔmu le mɛ̀n hán mɛ̀n cɔ́ Krisì ankà-bán-ankà lɔ mɛ́n nyrì nɔn. 5Ɛnbiɛhɛ́n vra lɔ, ankà-bán-ankà ndɔ lɔ kè sɩ̀ hàn tán anwrɔnẅì kè nyriɛn, tɛ́n zɛtɛ̀ lɔ, Ɔwɔ hán tán n'ɔkɔ̀hɔ̀n-wá-bɔ̀ prɔnprɔn hɔ̀n mán n'ɔmùanwú-ankà-dɔ́-bɔ̀ ncɔ́ nyri n'Ɛnhɛ́n cüìemɛ̀n. 6Nyàn ankà-bán-ankà ndɔ lɔ: Ɛmɛẅi ankà Ankrankran lɔ n'ɛmɛ̀n de, anwrɔn hɔ̀n léyi kè sɩ̀ dù Zhüifɛ̀n-bɔ̀ nɔn, kɛ cɔ́, yɔ mán Zhüifɛ̀n-bɔ̀ mɛhi anvrɛn hɔ̀n léyi Ɔwɔ kɛ tán nɛ́n fɛcüè, yɔ dú edùwrú-ẅia zri mɛ̀n mɛ̀n-bɔ̀, kɩ yɔ mán yɔ cɔ́ ɔmùan-wá-ci léyi Ɔwɔ kɛ tán Zhezü Krisì bɩ́mɛ̀n nɔn.
7Mɛ̀n srɔ Ɛmɛẅi ankà Ankrankran dɔ̀ ci-bɩ̀tan-wrɔn, ecice tɔ̀n léyi Ɔwɔ kɔrɛ̀-levriemɛ̀n, mán n'ɛzrɔ mɛ̀n tán mɛ̀n, n'ɛkɔrɛ̀-srɔn ci-hán mɛ̀n. 8Ankaẅì-bùtan-ẅɛn-bɔ̀ lɔ fɛn, mɛ̀n dú y'ɛcɛ; ɔmu tɛ̀kɩ, Ɔwɔ tán mɛ̀n anvrɛn ndɔ lɔ, ô mɛ̀n dɔ́ anwrɔn hɔ̀n léyi kè sɩ̀ dù Zhüifɛ̀n-bɔ̀ nɔn, Krisì nɛ̀ncüì-dì léyi kè sɩ̀ ẅɛ̀n ɛnkrutrɔ nɔn yi ankà. 9Ke ji le mɛ̀n sɩ́ ɛyri-kán mɛ̀n, kè dú anwrɔnẅì lɔ fɛn tɛn, Ɔwɔ ankɔ́nda ankà-bán-ankà ci-hán lɔ. Nɛ́n léyi nɛ̀n dú ɛci hɔ̀n lɔ fɛn hán-wrɔn, nɛ́n tɛ̀hɛ́n ɛbán mɛ̀n ankɔ́nda ci-hán ndɔ lɔ ɛnvra lɔ fɛn mɛ̀n, 10ô zɛtɛ̀ lɔ, Ɔwɔ-fɛcüè kɔrɛ̀-levriemɛ̀n, ɛkɔrɛ̀-levri-bɔ̀ mán ɛwú anmàn kɔrɛ̀-srɔn-bɔ̀ kè nyri Ɔwɔ ankà-nyrì mɛ̀ntɛ mɛ̀ntɛ léyi dù nɔn. 11Eci ndɔ lɔ fɛn dú n'ezì, Ɔwɔ-ci-hán-ci léyi kè sɩ̀ ẅɛ̀n ɛnkrutrɔ, hɩ nɛ̀n hán bɔ́ Ɛẅɛnwrɔn Zhezü Krisì bɩmɛ̀n nɔn. 12Bɔ́ mán Krisì mɛhi b'ɔbɔ̀sɔ̀ lɔ mɛ̀n mán bɔ́ ankaẅì-bùtan-ẅɛ̀n n'ɛwú, bɔ̀ ẅɛn ɛkɔrɛ̀-levri bɔ́ lɛ srɔ Ɔwɔ zìwú esɛ́ vriemɛ̀n. 13Hɩ kruhú de mɛ dɔ́ nyɛ̀n le, nyɛ́n bɩ́ teze ny'edomɛ̀n edùwúemɛ̀n ɛgbàn léyi mɛ kán ny'ɛkruhú: ɛgbànkàn ndɔ hɔ̀n lɔ kɛ tán nyɛ̀n vɔ̀nshɛ́ ci-zrɔ tɔ̀n.
Krisì cüɛ̀n
14Hɩ le kruhú de mɛ shɛ́n annankruemɛ̀n Ɔwɔ Zi zìwú, 15nɛ́n léyi ɛmɛ̀n lɔ fɛn, ɛwú mán ɛnhi dú nɛ̀n antamɛ̀n nɔn. 16Mɛ sán nɛ̀n, ô n'ɛnnɛ̀ncüì-dì ci-zrɔ lɔ mɛ̀n, nɛ̀n tán nyɛ̀n ecüì ɛnhɛ́n mɛ̀n, n'ɛkɔrɛ̀-srɔn Hɛ́n cüì lɔ mɛ̀n, 17ô Krisì kɛ̀ sɔ́n ebɩ́ ny'ɛnbɔrɛ hɔ̀n lɔ mɛ̀n ankaẅì-bùtan-ẅɛn mɛ̀n. Me ji le annyràn kɛ̀ ẅɛn nyɛ̀n ɛnhi, ô nyɛ́n dú ɛcüɛ̀n dùsɔ mɛ̀n, 18ô nyɛ́n cɔ̀ nyɛ́n yá, nyɛ́n mán Ɔwɔ-fɛcüè mumù lɔ fɛn ɔmu le, Krisì cüɛ̀n lɔ, ɛntrɛ̀ kɩ gbɔ́, ci ɛwú, kɩ vrɛ́n nɔn. 19Hɛ̀ɛ̀, nyɛ́n cɔ́ n'ɛcüɛ̀n lɔ nyɛ́n nyrì (ke dú kɛ nɛ̀n ká eci-nyrì lɔ fɛn mán) kɩ ɔmu lɔ, Ɔwɔ nɛ̀ncüì-dì lɔ fɛn kè yɩ́ nyɛ̀n ɛmɛ̀n.
20Ɔwɔ léyi ẅɛn ɛkɔrɛ̀srɔn ci-hán léyi kè sɩ̀ ẅɛ̀n ɛnkrutrɔ, hɩ vrán eci lɔ fɛn léyi bɔ́ sán hɩ bɔ́ tro mán, n'ɛkɔrɛ̀-srɔn léyi dú bɔ̀ ɛmɛ̀n nɔn, hɩ cüìemɛ̀n, 21eci-zrɔ kè dú nɛ tɛn Ɔwɔ-fɛcüè mɛ̀n mán Zhezü Krisì mɛ̀n, ɛnvravra lɔ fɛn mán ɛnbì lɔ fɛn mɛ̀n! Kè dú ɔmu lɔ.
Currently Selected:
Efɛzɛ̀n anmàn-bɔ̀ 3: ƐAA03
Highlight
Share
Copy
Want to have your highlights saved across all your devices? Sign up or sign in
Alladian: Ɛmɛẅi ankà ankrànkràn © Alliance Biblique de Cote d'Ivoire, 2003.
Efɛzɛ̀n anmàn-bɔ̀ 3
3
Ɔkɔhɔ̀n léyi yɛ tán Pɔlɛ̀n, ô kè dú anwrɔn hɔ̀n léyi kè sɩ̀ dù Zhüifɛ̀n-bɔ̀ nɔn, yɔ vɔ̀nshɛ́
1Hɩ le kruhú de, mɛ̀n Pɔlɛ̀n, mɛ sɛ́n Ɔwɔ. Mɛ̀n dú anwɔn-mɛ̀n-wá-wrɔn Zhezü Krisì ci-bɩ̀tan kɔ̀hɔ́n mɛ̀n, nyɛ́n léyi nyɛ́n sɩ̀ dù Zhüifɛ̀n-bɔ̀ nɔn ny'ɛkruhú. 2Nyɛ́n yá annanwɔrɛ mɛ̀n yɛ dɔ́ ɔkɔhɔ̀n léyi Ɔwɔ tán mɛ̀n n'ɛzrɔ lɔ mɛ̀n, kè dú nyɛ́n vɔ̀nshɛ́-ci nɔn. 3Ɔwɔ tán mɛ̀n ɛyri-kàn tɔ̀n, ô mɛ̀n nyri n'ankɔ́nda ankà-bán-ankà lɔ. Mɛ̀n merɛ́n ɛnkrubɔmɛ̀n lɔ, ɛwrú ankà ndɔ lɔ 4kɩ owrú krɛmɛ̀n lɔ, nye le nyri ɔmu le mɛ̀n hán mɛ̀n cɔ́ Krisì ankà-bán-ankà lɔ mɛ́n nyrì nɔn. 5Ɛnbiɛhɛ́n vra lɔ, ankà-bán-ankà ndɔ lɔ kè sɩ̀ hàn tán anwrɔnẅì kè nyriɛn, tɛ́n zɛtɛ̀ lɔ, Ɔwɔ hán tán n'ɔkɔ̀hɔ̀n-wá-bɔ̀ prɔnprɔn hɔ̀n mán n'ɔmùanwú-ankà-dɔ́-bɔ̀ ncɔ́ nyri n'Ɛnhɛ́n cüìemɛ̀n. 6Nyàn ankà-bán-ankà ndɔ lɔ: Ɛmɛẅi ankà Ankrankran lɔ n'ɛmɛ̀n de, anwrɔn hɔ̀n léyi kè sɩ̀ dù Zhüifɛ̀n-bɔ̀ nɔn, kɛ cɔ́, yɔ mán Zhüifɛ̀n-bɔ̀ mɛhi anvrɛn hɔ̀n léyi Ɔwɔ kɛ tán nɛ́n fɛcüè, yɔ dú edùwrú-ẅia zri mɛ̀n mɛ̀n-bɔ̀, kɩ yɔ mán yɔ cɔ́ ɔmùan-wá-ci léyi Ɔwɔ kɛ tán Zhezü Krisì bɩ́mɛ̀n nɔn.
7Mɛ̀n srɔ Ɛmɛẅi ankà Ankrankran dɔ̀ ci-bɩ̀tan-wrɔn, ecice tɔ̀n léyi Ɔwɔ kɔrɛ̀-levriemɛ̀n, mán n'ɛzrɔ mɛ̀n tán mɛ̀n, n'ɛkɔrɛ̀-srɔn ci-hán mɛ̀n. 8Ankaẅì-bùtan-ẅɛn-bɔ̀ lɔ fɛn, mɛ̀n dú y'ɛcɛ; ɔmu tɛ̀kɩ, Ɔwɔ tán mɛ̀n anvrɛn ndɔ lɔ, ô mɛ̀n dɔ́ anwrɔn hɔ̀n léyi kè sɩ̀ dù Zhüifɛ̀n-bɔ̀ nɔn, Krisì nɛ̀ncüì-dì léyi kè sɩ̀ ẅɛ̀n ɛnkrutrɔ nɔn yi ankà. 9Ke ji le mɛ̀n sɩ́ ɛyri-kán mɛ̀n, kè dú anwrɔnẅì lɔ fɛn tɛn, Ɔwɔ ankɔ́nda ankà-bán-ankà ci-hán lɔ. Nɛ́n léyi nɛ̀n dú ɛci hɔ̀n lɔ fɛn hán-wrɔn, nɛ́n tɛ̀hɛ́n ɛbán mɛ̀n ankɔ́nda ci-hán ndɔ lɔ ɛnvra lɔ fɛn mɛ̀n, 10ô zɛtɛ̀ lɔ, Ɔwɔ-fɛcüè kɔrɛ̀-levriemɛ̀n, ɛkɔrɛ̀-levri-bɔ̀ mán ɛwú anmàn kɔrɛ̀-srɔn-bɔ̀ kè nyri Ɔwɔ ankà-nyrì mɛ̀ntɛ mɛ̀ntɛ léyi dù nɔn. 11Eci ndɔ lɔ fɛn dú n'ezì, Ɔwɔ-ci-hán-ci léyi kè sɩ̀ ẅɛ̀n ɛnkrutrɔ, hɩ nɛ̀n hán bɔ́ Ɛẅɛnwrɔn Zhezü Krisì bɩmɛ̀n nɔn. 12Bɔ́ mán Krisì mɛhi b'ɔbɔ̀sɔ̀ lɔ mɛ̀n mán bɔ́ ankaẅì-bùtan-ẅɛ̀n n'ɛwú, bɔ̀ ẅɛn ɛkɔrɛ̀-levri bɔ́ lɛ srɔ Ɔwɔ zìwú esɛ́ vriemɛ̀n. 13Hɩ kruhú de mɛ dɔ́ nyɛ̀n le, nyɛ́n bɩ́ teze ny'edomɛ̀n edùwúemɛ̀n ɛgbàn léyi mɛ kán ny'ɛkruhú: ɛgbànkàn ndɔ hɔ̀n lɔ kɛ tán nyɛ̀n vɔ̀nshɛ́ ci-zrɔ tɔ̀n.
Krisì cüɛ̀n
14Hɩ le kruhú de mɛ shɛ́n annankruemɛ̀n Ɔwɔ Zi zìwú, 15nɛ́n léyi ɛmɛ̀n lɔ fɛn, ɛwú mán ɛnhi dú nɛ̀n antamɛ̀n nɔn. 16Mɛ sán nɛ̀n, ô n'ɛnnɛ̀ncüì-dì ci-zrɔ lɔ mɛ̀n, nɛ̀n tán nyɛ̀n ecüì ɛnhɛ́n mɛ̀n, n'ɛkɔrɛ̀-srɔn Hɛ́n cüì lɔ mɛ̀n, 17ô Krisì kɛ̀ sɔ́n ebɩ́ ny'ɛnbɔrɛ hɔ̀n lɔ mɛ̀n ankaẅì-bùtan-ẅɛn mɛ̀n. Me ji le annyràn kɛ̀ ẅɛn nyɛ̀n ɛnhi, ô nyɛ́n dú ɛcüɛ̀n dùsɔ mɛ̀n, 18ô nyɛ́n cɔ̀ nyɛ́n yá, nyɛ́n mán Ɔwɔ-fɛcüè mumù lɔ fɛn ɔmu le, Krisì cüɛ̀n lɔ, ɛntrɛ̀ kɩ gbɔ́, ci ɛwú, kɩ vrɛ́n nɔn. 19Hɛ̀ɛ̀, nyɛ́n cɔ́ n'ɛcüɛ̀n lɔ nyɛ́n nyrì (ke dú kɛ nɛ̀n ká eci-nyrì lɔ fɛn mán) kɩ ɔmu lɔ, Ɔwɔ nɛ̀ncüì-dì lɔ fɛn kè yɩ́ nyɛ̀n ɛmɛ̀n.
20Ɔwɔ léyi ẅɛn ɛkɔrɛ̀srɔn ci-hán léyi kè sɩ̀ ẅɛ̀n ɛnkrutrɔ, hɩ vrán eci lɔ fɛn léyi bɔ́ sán hɩ bɔ́ tro mán, n'ɛkɔrɛ̀-srɔn léyi dú bɔ̀ ɛmɛ̀n nɔn, hɩ cüìemɛ̀n, 21eci-zrɔ kè dú nɛ tɛn Ɔwɔ-fɛcüè mɛ̀n mán Zhezü Krisì mɛ̀n, ɛnvravra lɔ fɛn mán ɛnbì lɔ fɛn mɛ̀n! Kè dú ɔmu lɔ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Alladian: Ɛmɛẅi ankà ankrànkràn © Alliance Biblique de Cote d'Ivoire, 2003.