भजनसंग्रह 57
57
परमेश्वरबाट रक्षाको निम्ति विश्वासपूर्ण प्रार्थना
सङ्गीत-निर्देशकको निम्ति “विनाश नहोस्” को रागअनुसार दाऊदको मिक्ताम
1ममाथि कृपा गर्नुहोस्, हे परमेश्वर, ममाथि कृपा गर्नुहोस्,#१ शमू २२:१; २४:३ किनकि मेरो प्राणले तपाईंमा शरण लिन्छ। यो आपत् नहटुञ्जेल,
तपाईंकै पखेटाको छायामुनि म शरण लिनेछु।
2सर्वोच्च परमेश्वरमा म पुकारा गर्छु, परमेश्वरमा, जसले मेरो निम्ति आफ्नो अभिप्राय पूर्ण गर्नुहुन्छ।
3स्वर्गबाट उहाँले पठाउनुहुन्छ र मलाई बचाउनुहुन्छ,
र मलाई क्रूरतासँग पिछा गर्नेहरूलाई हप्काउनुहुन्छ। परमेश्वर आफ्नो करुणा र विश्वसनीयता प्रकट गर्नुहुन्छ। सेला
4म सिंहहरूका बीचमा छु, म भक्षक जनावरहरूका बीचमा सुत्दछु। मानिसहरू जसका दाँत बर्छा र बाण हुन्,
जसका जिब्रा धारिला तरवारझैँ छन्।
5हे परमेश्वर, तपाईं स्वर्गभन्दा पनि उच्च हुनुहोस्, तपाईंको महिमा सारा पृथ्वीभरि व्याप्त होस्।
6तिनीहरूले मेरा गोडाका निम्ति जाल बिछाएका छन्, म सङ्कष्टले तल नुहेको छु। तिनीहरूले मेरो सामुन्ने एउटा खाड़ल खनेका छन्, तर तिनीहरू आफै त्यसमा परेका छन्। सेला
7मेरो हृदय स्थिर छ, हे परमेश्वर,#भज १०८:१-५ मेरो हृदय स्थिर छ, म गाउनेछु, म राग बजाउनेछु।
8हे मेरो प्राण, जाग्, हे वीणा र सारङ्गी, जाग, म प्रभातलाई जगाउनेछु।
9हे परमप्रभु, जातिहरूका बीचमा म तपाईंको प्रशंसा गाउनेछु। मानिसहरूका बीचमा म तपाईंको विषयमा गाउनेछु।
10किनकि तपाईंको करुणा स्वर्गसम्म महान् छ,
र तपाईंको विश्वसनीयताले आकाशै छुन्छ।
11हे परमेश्वर, तपाईं स्वर्गभन्दा पनि उच्च हुनुहोस्, तपाईंको महिमा सारा पृथ्वीभरि व्याप्त होस्!
Currently Selected:
भजनसंग्रह 57: NNRV
Highlight
Share
Copy
Want to have your highlights saved across all your devices? Sign up or sign in
Nepali New Revised Version © Nepal Bible Society 1997, 2006, 2009, 2012