Yona 2
2
Yona Wana Awanun
1Yona iyoho moti tinena gamwanaa, inoke i awanun wana Yabowaine Yehoba elana, 2i ba:
O Yehoba, no minanakina elana ya yoga elam,
inoke anau u lahe.
Yaomal hot elana ya awanun labe kaiwena,
inoke anau u hago.
3U alipalowau hogaa
ya lau limwan gamwanaa hot,
hoga i mipainagau.
Wam bagol bwabwatal hi bini pwatawa.
4Ya ba, “Iyaka u patuna owaowa-agau matamwa,
yaa matau na lihin al elam wam Limi Bwabwalena elana.”
5Hoga i yabomwau kelaubwa na unun,
limwan i mipainagau,
lumun#2:5 Ta ba “lumun” o ebo ta ba “molumolu.” kaunu i avan.
6Ya lobek ya na paiya hot o siga oya wali siun i telipunaa,
ya lau ya na Tuma, iya nige bosowaina gamagal naha tagila.
Yaa owa, Yehoba no Yabowaine, yawaliu u momol heyanem panuwa milalauina o elana.
7Sauga yawaliu kelaubwa ni mowasi,
Yehoba ya nuwahikagiwa.
No awanun i ha elam
i na wam Limi Bwabwalena elana.
8Bolo hi kukululuek yabowaine kakawel elal,
iyaka hi towaagiwa, nige hi nunuwana-agiwa.
9Yaa alou no ba mulolu bwasumu na powonan eliyam,
ge na ginol ni ola no bateli eliyam.
Pwamwal i noem Yehoba eliyam.
10Inoke Yehoba i ba moti i na Yona i mamanuvi-an datuwa.
Currently Selected:
Yona 2: mpx
Highlight
Share
Compare
Copy
Want to have your highlights saved across all your devices? Sign up or sign in
Copyright © 2018, Wycliffe Bible Translators, Inc. All rights reserved.
