Zɛkɛrâya 5
5
Zĩ̂ai bîlaŋɔɔi gɔlɔi ma a kôoŋ
1Ŋá nàa kàa ŋɔ́nɔ ŋá kɔlɔ káa gɛ́ kôoŋ ŋ̀elei su. 2Ŋ̀âla-taa-kelai è ḿarê kɛ̀ ǹyɛɛi, “Lé ƃé ƃa gâai?” Ŋá ŋ̀óo su tòo ńyɛ̂ɛi, “Ŋá kɔlɔ kàa gɛ́ kôoŋ ŋ̀elei su, ŋɔkôyaa kɛ́ ƃò a ŋwãaŋ lɔ́ɔlu mɛi náaŋ. Ŋɔsu-kɛ̂tɛ è ƃò a ŋwãaŋ náaŋ da gbûra.”
3È mò ḿâ ǹyɛɛi, “Foo-wôo pɔ̃yɛ̂ɛi ma gɛ́ lì ǹɔii gwaa kélee. Gɔlɔi m̀éla tɔnɔ a môi a gɛɛ ǹúui a ŋúma kɛi, da pâi gulâi ǹɔii ma. M̀éla gbélii kɛ́ mò a gɛɛ ǹúui a vòo a lɛ́ɛi, da pâi gulâi ǹɔii ma máŋ. 4Ŋ̀wála-wâla kélee Yâwɛɛ è mò a gɛɛ foo-wôo káa gwaa kélee, a pâi ŋúma-nuu ŋɔpɛ́rɛi mu da ǹúui a vòo a lɛ́ɛi ŋɔpɛ́rɛi mu. A pâi lɛɛ̂i dípɛrɛ-ŋai mu é lɛ́ɛ la zu é gélee wólo.”
Ǹɛnîi kɛ̀ gbɔ̂lɔi sui maa zĩ̂ai
5Ŋ̀âla-taa-kelai è pà ŋɔ́nɔ ǹyɛɛi, “Ƃɛ́ káa! Sɛŋ da kpɛ́ni káa pâi.”
6Ŋá m̀arê kɛ̀ ńyɛɛi, “Lé ƃé tí?”
È zu tòo ǹyɛɛi, “Kpɔ̂lɔ ká tí, dɔɔ̂i ǹɔii kélee ŋɔsɔnyɔ̂ŋ mɛni ma.”
7Gbɔ̂lɔi lá-tɛ-sɛŋ è kɛ̀ a fomâ. Tãi ŋá kɛ̀ nàa kâai lai, gbɔ̂lɔi lá-tɛ sɛŋ è mù sìɣe, ǹyaŋ nɛnî tɔnɔ è kɛ̀ seêni zu!
8Ŋ̀âla-taa-kelai è mò ǹyɛɛi, “Ǹɛnii ŋí tɔɔ̂i ŋwana-lɔ̂ɔ pɔ́ɔ ŋá.” È kɛ̀ tí, è ǹɛnîi tùaŋ pôlu gbɔ̂lɔi su é ǹáa tɛ́. 9Ŋá ŋ́uŋ mu sìɣe ŋá nɛnî feerɛ káa díkɛ kòoŋ díkɛ pà ḿbɔ naa-pere díkoôŋ su kpanaŋɔɔ yɛ̂ɛ kuɛ. Dí gbɔ̂lɔi sîɣe dí tɛ́ la ŋ̀elei su.
10Ŋá Ŋ̀âla-taa-kelai marê kɛ ńyɛ̂ɛi, “Mí ƃé da liî la naai?”
11È ŋ́oo su tòo ǹyɛɛ, “Da liî la Babelɔŋ lɔii su ƃɛ́i da pâi pɛ́rɛ tɔɔ̂i naa mɛni mai. Tãi bɛ́rɛi a kpɛ̂ɛ lai, da pâi gbɔ̂lɔi seêi naa díkɛ vɛ̀li.”
Currently Selected:
Zɛkɛrâya 5: KWB
Highlight
Copy
Compare
Share
Want to have your highlights saved across all your devices? Sign up or sign in
Zɛkɛrâya 5
5
Zĩ̂ai bîlaŋɔɔi gɔlɔi ma a kôoŋ
1Ŋá nàa kàa ŋɔ́nɔ ŋá kɔlɔ káa gɛ́ kôoŋ ŋ̀elei su. 2Ŋ̀âla-taa-kelai è ḿarê kɛ̀ ǹyɛɛi, “Lé ƃé ƃa gâai?” Ŋá ŋ̀óo su tòo ńyɛ̂ɛi, “Ŋá kɔlɔ kàa gɛ́ kôoŋ ŋ̀elei su, ŋɔkôyaa kɛ́ ƃò a ŋwãaŋ lɔ́ɔlu mɛi náaŋ. Ŋɔsu-kɛ̂tɛ è ƃò a ŋwãaŋ náaŋ da gbûra.”
3È mò ḿâ ǹyɛɛi, “Foo-wôo pɔ̃yɛ̂ɛi ma gɛ́ lì ǹɔii gwaa kélee. Gɔlɔi m̀éla tɔnɔ a môi a gɛɛ ǹúui a ŋúma kɛi, da pâi gulâi ǹɔii ma. M̀éla gbélii kɛ́ mò a gɛɛ ǹúui a vòo a lɛ́ɛi, da pâi gulâi ǹɔii ma máŋ. 4Ŋ̀wála-wâla kélee Yâwɛɛ è mò a gɛɛ foo-wôo káa gwaa kélee, a pâi ŋúma-nuu ŋɔpɛ́rɛi mu da ǹúui a vòo a lɛ́ɛi ŋɔpɛ́rɛi mu. A pâi lɛɛ̂i dípɛrɛ-ŋai mu é lɛ́ɛ la zu é gélee wólo.”
Ǹɛnîi kɛ̀ gbɔ̂lɔi sui maa zĩ̂ai
5Ŋ̀âla-taa-kelai è pà ŋɔ́nɔ ǹyɛɛi, “Ƃɛ́ káa! Sɛŋ da kpɛ́ni káa pâi.”
6Ŋá m̀arê kɛ̀ ńyɛɛi, “Lé ƃé tí?”
È zu tòo ǹyɛɛi, “Kpɔ̂lɔ ká tí, dɔɔ̂i ǹɔii kélee ŋɔsɔnyɔ̂ŋ mɛni ma.”
7Gbɔ̂lɔi lá-tɛ-sɛŋ è kɛ̀ a fomâ. Tãi ŋá kɛ̀ nàa kâai lai, gbɔ̂lɔi lá-tɛ sɛŋ è mù sìɣe, ǹyaŋ nɛnî tɔnɔ è kɛ̀ seêni zu!
8Ŋ̀âla-taa-kelai è mò ǹyɛɛi, “Ǹɛnii ŋí tɔɔ̂i ŋwana-lɔ̂ɔ pɔ́ɔ ŋá.” È kɛ̀ tí, è ǹɛnîi tùaŋ pôlu gbɔ̂lɔi su é ǹáa tɛ́. 9Ŋá ŋ́uŋ mu sìɣe ŋá nɛnî feerɛ káa díkɛ kòoŋ díkɛ pà ḿbɔ naa-pere díkoôŋ su kpanaŋɔɔ yɛ̂ɛ kuɛ. Dí gbɔ̂lɔi sîɣe dí tɛ́ la ŋ̀elei su.
10Ŋá Ŋ̀âla-taa-kelai marê kɛ ńyɛ̂ɛi, “Mí ƃé da liî la naai?”
11È ŋ́oo su tòo ǹyɛɛ, “Da liî la Babelɔŋ lɔii su ƃɛ́i da pâi pɛ́rɛ tɔɔ̂i naa mɛni mai. Tãi bɛ́rɛi a kpɛ̂ɛ lai, da pâi gbɔ̂lɔi seêi naa díkɛ vɛ̀li.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in