Zɛkɛrâya 4
4
Laŋpo-see-teƃelei maa zĩ̂ai
1Ŋ̀âla-taa-kelai nyii kɛ̀ lônoi ḿbɔi, è pà ŋɔ́nɔ é ŋ́ɛi lá ƃó yɛ̂ɛ ǹyaa ƃé ŋá kɛ̀ nyîi. 2È ḿarê kɛ̀ ǹyɛɛi, “Lé ƃé ƃa gâai?”
Ŋá ŋ̀óo su too ńyɛɛi, “Laŋpo-see teƃelei nyii gbɛtɛɛ̂i a gôoi. Kawúlu káa seêni dôŋ-su-pere ƃɛ́i da ŋ̀úlɔi pù naai: Laŋpo lɔ́ɔlu mɛi-feerɛ káa seêni laŋpo-see teƃelei ŋá. Ǹyaŋ ŋɔŋ-pûi lɔ́ɔlu mɛi-feerɛ kɛ́ ƃò m̀éla tɛi-tɛi ma. 3Wúlɔ-wuru feerɛ káa tɔɔ̂ni laŋpo see teƃelei m̀éla veerɛ ma.” 4Nya ƃe ŋá Ŋ̀âla-taa-kelai marê kɛ̀ ńyɛ̂ɛi, “Ŋánuu-namui, zãâi ŋí díkaa lé mɛni ma?”
5È ḿarê kɛ̀ ǹyɛɛi, “Ífe gɔ́lɔŋ?”
Ŋá ŋ̀óo su tòo ńyɛ̂ɛi, “Fé díkɔlɔŋ, Ŋánuu-namui.”
6Ŋ̀óoi Yâwɛɛ è mò Zɛrubabɛɛ mai ǹyaa ká ŋí: “Kɔ́kɔ-sãa díwala-wâla-laai kpaa máŋ íwala-wâla-laai fêi, kɛ́lɛ ŋá-mɔ̂leŋ sârai ƃé ƃa pâi nyee-tɛɛ-maai sɔlɔ ƃôi la. 7Lé ƃa yá, óo ǹyee kɛ́tɛi? Ya pâi kɛ̂i a tiŋ-tiŋ kwaa ma Zɛrubabɛɛ ŋɛ́i. A pâi pâi a ǹyéei tí tôŋ-su kɔni, laɣi-woo kɛ́ ƃò bôlu ǹyɛɛ, ‘Ƃɛlɛ-sêe, ƃɛlɛ-sêe káa ma!’ ”
8Nàa pôlu ma, Yâwɛɛ ŋɔwóoi è pa ḿbɔ ǹyɛɛi, 9Zɛrubabɛɛ yée ƃé bɛ́rɛi ŋí kɔ́ɔ pìlaŋ. Ǹyaŋ ǹyée nɔ́ ƃé pâi gbɛɛ̂i. À kɛ̀ tí ƃa pâi gɔ́lɔnîi a gɛɛ Yâwɛɛ ƃé ńdɛ̀ɛ kápɔ naa.
10Ǹúui a ŋ̀ɛi nàɣiŋ sɛŋ-lôŋ mɛi, a pâi máŋ lii-nɛ̃̂ɛ kulâi, ǹyaŋ a pâi sɛŋ-kɔ̂ɔŋ-sɛŋ kâai Zɛrubabɛɛ yêei.
“Yâwɛɛ ŋɔŋɛ́i-gao lɔ́ɔlu mɛi feerɛi ŋí ƃé ǹɔii kélee su kâai.”
11Nya ƃe ŋá m̀arê kɛ̀ ńyɛɛi, “Ŋ̀úlɔ-wûru feerɛi ŋí dɔnɔ káa laŋpo see-teƃelei laa-mii-yee mɛi da kɔɔ-yee mɛi, díkaa lé mɛni ma?” 12Nya ƃe ŋá m̀arê kɛ̀ a veerɛ ɣelei ńyɛɛ mai. “Ŋ̀úlɔ-wûru woŋo feerɛi ŋí tɔɔ̂ni gôo kɔli feerɛi kɔlɛ nyii ǹóai kúlai zu ƃɛ́i ŋ̀úlɔi a pû naai, díkaa lé mɛni ma?”
13È mò ḿâ ǹyɛɛi, “Ífe m̀ɛnii kɔ́lɔŋ zãâi ŋí díkaa m̀ɛni mai?”
Ŋá ŋ̀óo su tòo ńyɛɛ mai, “Kpao, ŋánuu-namui, fé gɔ́lɔŋ.”
14Nya ƃe è mò ḿâ ǹyɛɛ, “Dia ƃa gbakolo feerɛi Kúnuu-namui nyii gáa ǹɔii kélee mɛi a dísiɣe zu é wúlɔ pú díŋûa a gɛɛ dí tíi kɛ́ mì.”
Currently Selected:
Zɛkɛrâya 4: KWB
Highlight
Copy
Compare
Share
Want to have your highlights saved across all your devices? Sign up or sign in
