Maafîu 23
23
Zîsɛ è gɔlɔ-pɔ̃yɛ-ƃelai da Faresii-ŋai dísɔnyɔ̂ŋ maa-mɛni ƃò
(Mâki 12:38, 39; Lûu 11:43, 46; 20:45, 46)
1Nya ƃe Zîsɛ è lòno gbɔŋ-su-ƃelai da ŋɔpôlu-ƃelai pɔ, ǹyɛɛi, 2“Gɔlɔ-pɔ̃yɛ-ƃelai da Faresii-ŋai da see Mose ŋɔsee-sɛŋ ŋá, 3m̀ɛni ma, mɛnii kélee da mò kâai, ka gɛ̀ ká mɛi káa. Kɛ́lɛ, káfe pîlaŋ dítii-ŋai pôlu, kpɛ́ni fêi, mɛnii da mòi dífa gɛ̀. 4Da kpîri wuyɛ-ŋa ɣìri gîe ma dí ǹáa núu-kpune kâraŋ ŋá. Kɛ́lɛ, dia kpîŋ dífa ŋ̀wɛli dí díyee-gbua kpîŋ lɛɣɛ ma. 5Da dítii-ŋai kélee kɛ̀ a gɛɛ nûa dí díkaa. Da Díɣâla-fɛli ɣɛli-ŋai kɛ́ a ḿela-ŋa kɛ́tɛ díŋiri díŋuŋ-mâ da díyee-mâ a tɛ̀ɛ ŋàa. Dí díyokpo-ŋai maa ɣiri-sãai kɛ́ a gbaya-kpaya. 6Da ƃaa-kɛ-maa see-sɛŋ-ŋa wɛ̀li gúu-ŋai su, da Ŋ̀âla-fɛli-kêre-ŋai mu. 7Da kɛ́ ŋ̀wɛ̂lii a gɛɛ ǹûai díkɛ dí láa-ti-dîa ǹɔ́ɔ-kpalaŋ-ŋai ŋá. Díkɛ ŋ̀wɛli a gɛɛ nûa dí dítoli a kaamɔ̂ɔ-ŋa. 8Kɛ́lɛ, maa fé nɛ̃ɛ ní a gɛɛ dí kátoli a kaamɔ̂ɔ-ŋa. Kpɛ́ni fêi, kásɛŋ-lɛ-nuui káa nɔ́ tɔnɔɔ, kákelee kákɛ ƃò a káa-laa tɔnɔ su-ƃela Ɣâla ŋɛ́i. 9Káfe núu da tòli a kánâŋ ǹɔii ma ƃɛ, kpɛ́ni fêi, Kánâŋ káa nɔ́ tɔnɔ nyii gáa Ɣâla-taai. 10Maa fé nɛ̃ɛ ní dí kátoli a núu-mɛi-ƃela, kpɛ́ni fêi, kámɛi-nûui káa nɔ́ tɔnɔ, nyii gáa a Kôrai. 11Kɛ́lɛ, ǹúui nyii gɛ́tɛ̂i kásamâi a pâi kɛ̂i a káyee-mu-nuu. 12Ǹúui kélee a gbîŋ kɛ̀tɛi da pâi maa yenîi. Ǹúui kélee a gbîŋ maa yêŋ, da pâi gɛ̂i a núu kɛ́tɛ.
Zîsɛ è lòno é pîlaŋ ǹûai dí kíri tuai ma
(Mâki 12:40; Lûu 11:39-42, 52; 20:47)
[ 13“Kpalo ƃêlai kâa gɔlɔ-pɔ̃yɛ-ƃelai da Faresii-ŋai, kákaa a kíri-ƃela! Kpɛ́ni fêi, ka Ŋ̀âla-taa kâloŋ-laai lá tɛ́ núu-kpune perêi. Kpɛ́ni fêi, káfa lɔ̂ naa káa kpîŋ. Káfa têla ǹɛɛ naa a gɛɛ diai ŋ̀wɛ̂lii dí lɔ́ naai dí lɔ́.] 14Kpalo ƃélaâi kâa, káai a gɔlɔ-pɔ̃yɛ-ƃelai da Faresii-ŋai, kákaa a kíri-ƃela! Kpɛ́ni fêi, ka pɔɔ-nɛyaa fìli díkɔ̃liŋ su. Ka Ɣâla fɛli a zu kôyaa a gɛɛ ka kámɛni nyɔ́mɔɔi mɛi pɛlɛ. M̀ɛni ma ka pâi dɔ̂ŋ-pu-maai gɛ́tɛ sɔlɔ ƃôi. 15Kpalo ƃélaâi kâa, gɔlɔ-pɔ̃yɛ-ƃelai da Faresii-ŋai kákaa a kíri-ƃela! Kpɛ́ni fêi, ka sîa-sia ǹyái ŋá da ǹɔii ma a gɛɛ ka núu líi pene kápɔ-pere, à kɛ̀ nâa a kata, ka maa-nuui kɛ̀ a Dɛ̂ƃele-taa lóŋ, nyii ŋɔsɔnyɔ̂ŋ a pâi tɛɛ̂i káwɔ̂i ma seêi féerɛi.
16“Kpalo ƃélaâi kâa káai a ǹúu-tuɛ-ƃela ŋɛi-puɔɔ̂i. Ka mò kâa, ‘Núu à vòo Ŋ̀âla-pɛrɛ kɛ̂tɛi ma, gáa nɔ kpɛni-kpɛni. Kɛ́lɛ, núu a vòo a Ŋ̀âla-pɛrɛ kɛ̂tɛi ŋɔgôoi fɛ̂ɛ é maa-mɛnii kɛ́.’ 17Ka ƃoɔɔ̂i, káŋɛi puɔɔ! Nênɛ ƃe gbanaŋɔɔ̂i, Ŋ̀âla-pɛrɛ kɛ̂tɛi ŋɔgôo, kpaa Ŋ̀âla-pɛrɛ kɛ̂tɛi nyii a gôoi maa waai? 18Ka mò ŋɔnɔ kâa, ‘Núu à vòo Ŋ̀âla-pɛrɛi ŋɔteƃelei ma, gáa nɔ́ kpɛni-kpɛni. Kɛ́lɛ, núu à vòo a zama-sɛŋ gáa teƃelei ŋái, fɛ̂ɛ é maa-mɛnii kɛ́.’ 19Káŋɛi puɔɔ̂i! Nênɛ ƃe gbanaŋɔɔ̂i, zama-sɛŋ, kpaa teƃelei a zama-sɛŋ maa waai? 20Mɛni ma, ǹúui a vòo Ŋ̀âla-pɛrɛ kɛ̂tɛi ŋɔteƃelei mai, a vòo ma da ŋá-sãa kélee. 21Ǹúui a vòo a Ŋ̀âla-pɛrɛ kɛ̂tɛi, a vòo la da ǹúui gáa m̀ui. 22Ǹúui a vòo a Ɣâla-taai, a vòo a Ɣâla ŋɔkâloŋ-see-sɛŋ da Ɣâla, nyii gáa seêni ŋái.
23“Kpalo ƃélaâi kâa, káai a gɔlɔ-pɔ̃yɛ-ƃelai da Faresii-ŋai. Kákaa a kiri-ƃelai! Ka Ɣâla ŋɔbôloi, ŋɔkuŋ-ŋurui da ŋɔkpoŋ-kiyɛ̂ŋ tɛ̂ɛ bɔ́, kɛ́lɛ, ka dɔ̂ŋ nyii maa-mɛni gbanaŋɔɔ̂i lɛ́ɛ. M̀ɛni-ŋai ŋí ƃa, tɔ̃yâ-mɛni ŋá-teɛɛ, maloŋ-kaa da laa-la. Maa nɛ̃ɛ̂i ka mɛni-ŋai ŋí kɛ́ da gbéli-ŋai máŋ. 24Káai a núu-tuɛ-ƃela ŋɛ́i-puɔɔ̂i, ka yá maa lɛ̀lu a gɛɛ koôŋ-kolo da fâa lâ lɛ̀ɛ lá zu ká gbele, kɛ́lɛ, ká kɛ́ soo-fáleŋ kpèle!
25“Kpalo ƃélaâi kâa, káai a gɔlɔ-pɔ̃yɛ-ƃelai da Faresii-ŋai, Kákaa a kiri-ƃelai! Kpɛ́ni fêi, ka kɔ̂pui da banei pôlu-pere wàa, kɛ́lɛ, dísu-pere láa fɛɛ a ŋuma-sãa da sɛŋ-wɛliɛɛ. 26Faresii-nuu ŋɛ́i-puɔɔ̂i, kɔ̂pui da banei su-pere wàa fulɔi, gɛ̀ ní, dípôlu-pere a pâi kɛ̂i a ŋwaa máŋ.
27“Kpalo ƃélaâi kâa, káai a gɔlɔ-pɔ̃yɛ-ƃelai da Faresii-ŋai. Kákaa a kiri-ƃelai! Kpɛ́ni fêi, kákaa nɔ yɛ̂ɛ ƃolôŋ kole-ŋa, nyii-ŋai díŋini-ŋa-pere lɛ́lɛɛ̂i, kɛ́lɛ, dísu-pere láa fɛ́ɛ a núu-kao-ŋa da sãa liƃiɛɛ-ŋa. 28Káa máŋ káŋini-ŋa-pere káa yɛ̂ɛ tɔ̃yâ-ƃela núu-kpune ŋɛ́i, kɛ́lɛ, kákponôi-pere láa fɛɛ̂i a kiri-tua da mɛni-nyɔ́mɔɔ-kɛ́ɛ.
Zîsɛ è díkula-maa kɛ́ pere maa mɛni ƃo ǹaa-tuɛ
(Lûu 11:47-51)
29“Kpalo ƃélaâi kâa, káai a gɔlɔ-pɔ̃yɛ-ƃelai da Faresii-ŋai. Kákaa a kiri-ƃelai! Kpɛ́ni fêi, ka Ɣâla ŋɔlóno-kɛ-ƃelai ƃolôŋ-ŋai tɔɔ a ǹɛ́lɛɛ, ka dɔ̃yâ-ƃelai díƃolôŋ-kɔni-ŋai maa ɣíri a ǹɛ́lɛɛ, 30kákɛ m̀o kâai, ‘Kûii kɛ̀ ɣele ḿâ a kúnâŋ-pɔlɔ-ŋai dítãi, kûii fêi kúyee pu Ɣâla ŋɔlóno-kɛ-ƃelai paa mɛni su kwa dîa-ni ku gɛ.’ 31Mɛni ma, ka kákpîŋ maa-sere-faa kɛ̀ a gɛɛ kákaa a Ɣâla ŋɔlóno-kɛ-ƃelai paa ƃelai ǹônii. 32Ǹyaŋ ka pâi mɛni tɔnɔi kɛ̂i kánâŋ-pɔlɔ-ŋai dí gɛ̀i. 33Káai a kali-ŋai, kákaa a kali nyɔ́mɔɔ koi lônii, ka pâi kula-pere kɛ̂i leŋ Dɛ̂ƃele-taa tɔ̂ŋ-kpɛ-maai su? 34Mɛni ma ka gáa, ŋa pâi Ɣâla ŋɔlóno-kɛ-ƃela tɛɛ̂i da táre-ƃela é pɛ́lɛ kɔlɔ-pɔ̃yɛ-ƃela dîa. Ka pâi da-ni paâi, ka da-ni kpamo saa-wuru ma. Ka pâi da-ni lókwâi Ŋ̀âla-fɛli-kêre-ŋai mu, ka da-ni kpɔara, kakɛ díkɔ̂ri daa-ŋai su, 35a gɛɛ dɔ̃yâ-ƃelai kélee paa-mɛni é lɛ́ɛ kâa ǹɔii ma ƃɛ é síɣe Ebɛɛ paa-mɛni ma, nyii kɛ̀ a tɔ̃yâ-nuu, é tóo Zɛkɛraya, nyii kɛ̀ a Barakai ǹóŋ, paa-mɛni ma, nyii ká bàa Ŋ̀âla-pɛrɛ Kɛ́tɛi da Ŋ̀âla-teƃelei loai. 36Ŋa tɔ̃yâ ƃoi kâa, mɛni-ŋai ŋí kélee da pâi pâi ŋ̀éniɛi ŋí su-ƃelai pɔ.
Zîsɛ è wɔ̀lɔ Zerusâlɛŋ mɛni ma
(Lûu 13:34, 35)
37“Óo Zerusâlɛŋ, Zerusâlɛŋ, yái Ɣâla ŋɔlóno-kɛ-ƃelai pâa, í diai sɔ́ɔ a kɔni dí dítɛ̀ɛ ípɔ-naai! Ŋa ŋ̀wɛ̂lii ŋá ílônii ŋá tɛ́ díkîe ma a tãi támaa, yɛ̂ɛ berei tɛ́ɛ-lêe a ǹônii ŋá tɛ́ la díkîe ma goôŋ mui, kɛ́lɛ, ífa faa m̀a! 38M̀ɛni ma, Káɣâla-pɛ́rɛi a pâi lɛ̀ɛi káyêei a volo. 39Kpɛ́ni fêi, ŋá m̀ó kâa, káfe pâi ŋɔnɔ ŋ́gaâi é síɣe tãi ŋí ḿâ é lɛ́ɛ la zu ka m̀o kâa, ‘Lûwa káa ǹúui ma nyii pâi Kúnuu-namui láai sui.’ ”
Currently Selected:
Maafîu 23: KWB
Highlight
Copy
Compare
Share
Want to have your highlights saved across all your devices? Sign up or sign in
Maafîu 23
23
Zîsɛ è gɔlɔ-pɔ̃yɛ-ƃelai da Faresii-ŋai dísɔnyɔ̂ŋ maa-mɛni ƃò
(Mâki 12:38, 39; Lûu 11:43, 46; 20:45, 46)
1Nya ƃe Zîsɛ è lòno gbɔŋ-su-ƃelai da ŋɔpôlu-ƃelai pɔ, ǹyɛɛi, 2“Gɔlɔ-pɔ̃yɛ-ƃelai da Faresii-ŋai da see Mose ŋɔsee-sɛŋ ŋá, 3m̀ɛni ma, mɛnii kélee da mò kâai, ka gɛ̀ ká mɛi káa. Kɛ́lɛ, káfe pîlaŋ dítii-ŋai pôlu, kpɛ́ni fêi, mɛnii da mòi dífa gɛ̀. 4Da kpîri wuyɛ-ŋa ɣìri gîe ma dí ǹáa núu-kpune kâraŋ ŋá. Kɛ́lɛ, dia kpîŋ dífa ŋ̀wɛli dí díyee-gbua kpîŋ lɛɣɛ ma. 5Da dítii-ŋai kélee kɛ̀ a gɛɛ nûa dí díkaa. Da Díɣâla-fɛli ɣɛli-ŋai kɛ́ a ḿela-ŋa kɛ́tɛ díŋiri díŋuŋ-mâ da díyee-mâ a tɛ̀ɛ ŋàa. Dí díyokpo-ŋai maa ɣiri-sãai kɛ́ a gbaya-kpaya. 6Da ƃaa-kɛ-maa see-sɛŋ-ŋa wɛ̀li gúu-ŋai su, da Ŋ̀âla-fɛli-kêre-ŋai mu. 7Da kɛ́ ŋ̀wɛ̂lii a gɛɛ ǹûai díkɛ dí láa-ti-dîa ǹɔ́ɔ-kpalaŋ-ŋai ŋá. Díkɛ ŋ̀wɛli a gɛɛ nûa dí dítoli a kaamɔ̂ɔ-ŋa. 8Kɛ́lɛ, maa fé nɛ̃ɛ ní a gɛɛ dí kátoli a kaamɔ̂ɔ-ŋa. Kpɛ́ni fêi, kásɛŋ-lɛ-nuui káa nɔ́ tɔnɔɔ, kákelee kákɛ ƃò a káa-laa tɔnɔ su-ƃela Ɣâla ŋɛ́i. 9Káfe núu da tòli a kánâŋ ǹɔii ma ƃɛ, kpɛ́ni fêi, Kánâŋ káa nɔ́ tɔnɔ nyii gáa Ɣâla-taai. 10Maa fé nɛ̃ɛ ní dí kátoli a núu-mɛi-ƃela, kpɛ́ni fêi, kámɛi-nûui káa nɔ́ tɔnɔ, nyii gáa a Kôrai. 11Kɛ́lɛ, ǹúui nyii gɛ́tɛ̂i kásamâi a pâi kɛ̂i a káyee-mu-nuu. 12Ǹúui kélee a gbîŋ kɛ̀tɛi da pâi maa yenîi. Ǹúui kélee a gbîŋ maa yêŋ, da pâi gɛ̂i a núu kɛ́tɛ.
Zîsɛ è lòno é pîlaŋ ǹûai dí kíri tuai ma
(Mâki 12:40; Lûu 11:39-42, 52; 20:47)
[ 13“Kpalo ƃêlai kâa gɔlɔ-pɔ̃yɛ-ƃelai da Faresii-ŋai, kákaa a kíri-ƃela! Kpɛ́ni fêi, ka Ŋ̀âla-taa kâloŋ-laai lá tɛ́ núu-kpune perêi. Kpɛ́ni fêi, káfa lɔ̂ naa káa kpîŋ. Káfa têla ǹɛɛ naa a gɛɛ diai ŋ̀wɛ̂lii dí lɔ́ naai dí lɔ́.] 14Kpalo ƃélaâi kâa, káai a gɔlɔ-pɔ̃yɛ-ƃelai da Faresii-ŋai, kákaa a kíri-ƃela! Kpɛ́ni fêi, ka pɔɔ-nɛyaa fìli díkɔ̃liŋ su. Ka Ɣâla fɛli a zu kôyaa a gɛɛ ka kámɛni nyɔ́mɔɔi mɛi pɛlɛ. M̀ɛni ma ka pâi dɔ̂ŋ-pu-maai gɛ́tɛ sɔlɔ ƃôi. 15Kpalo ƃélaâi kâa, gɔlɔ-pɔ̃yɛ-ƃelai da Faresii-ŋai kákaa a kíri-ƃela! Kpɛ́ni fêi, ka sîa-sia ǹyái ŋá da ǹɔii ma a gɛɛ ka núu líi pene kápɔ-pere, à kɛ̀ nâa a kata, ka maa-nuui kɛ̀ a Dɛ̂ƃele-taa lóŋ, nyii ŋɔsɔnyɔ̂ŋ a pâi tɛɛ̂i káwɔ̂i ma seêi féerɛi.
16“Kpalo ƃélaâi kâa káai a ǹúu-tuɛ-ƃela ŋɛi-puɔɔ̂i. Ka mò kâa, ‘Núu à vòo Ŋ̀âla-pɛrɛ kɛ̂tɛi ma, gáa nɔ kpɛni-kpɛni. Kɛ́lɛ, núu a vòo a Ŋ̀âla-pɛrɛ kɛ̂tɛi ŋɔgôoi fɛ̂ɛ é maa-mɛnii kɛ́.’ 17Ka ƃoɔɔ̂i, káŋɛi puɔɔ! Nênɛ ƃe gbanaŋɔɔ̂i, Ŋ̀âla-pɛrɛ kɛ̂tɛi ŋɔgôo, kpaa Ŋ̀âla-pɛrɛ kɛ̂tɛi nyii a gôoi maa waai? 18Ka mò ŋɔnɔ kâa, ‘Núu à vòo Ŋ̀âla-pɛrɛi ŋɔteƃelei ma, gáa nɔ́ kpɛni-kpɛni. Kɛ́lɛ, núu à vòo a zama-sɛŋ gáa teƃelei ŋái, fɛ̂ɛ é maa-mɛnii kɛ́.’ 19Káŋɛi puɔɔ̂i! Nênɛ ƃe gbanaŋɔɔ̂i, zama-sɛŋ, kpaa teƃelei a zama-sɛŋ maa waai? 20Mɛni ma, ǹúui a vòo Ŋ̀âla-pɛrɛ kɛ̂tɛi ŋɔteƃelei mai, a vòo ma da ŋá-sãa kélee. 21Ǹúui a vòo a Ŋ̀âla-pɛrɛ kɛ̂tɛi, a vòo la da ǹúui gáa m̀ui. 22Ǹúui a vòo a Ɣâla-taai, a vòo a Ɣâla ŋɔkâloŋ-see-sɛŋ da Ɣâla, nyii gáa seêni ŋái.
23“Kpalo ƃélaâi kâa, káai a gɔlɔ-pɔ̃yɛ-ƃelai da Faresii-ŋai. Kákaa a kiri-ƃelai! Ka Ɣâla ŋɔbôloi, ŋɔkuŋ-ŋurui da ŋɔkpoŋ-kiyɛ̂ŋ tɛ̂ɛ bɔ́, kɛ́lɛ, ka dɔ̂ŋ nyii maa-mɛni gbanaŋɔɔ̂i lɛ́ɛ. M̀ɛni-ŋai ŋí ƃa, tɔ̃yâ-mɛni ŋá-teɛɛ, maloŋ-kaa da laa-la. Maa nɛ̃ɛ̂i ka mɛni-ŋai ŋí kɛ́ da gbéli-ŋai máŋ. 24Káai a núu-tuɛ-ƃela ŋɛ́i-puɔɔ̂i, ka yá maa lɛ̀lu a gɛɛ koôŋ-kolo da fâa lâ lɛ̀ɛ lá zu ká gbele, kɛ́lɛ, ká kɛ́ soo-fáleŋ kpèle!
25“Kpalo ƃélaâi kâa, káai a gɔlɔ-pɔ̃yɛ-ƃelai da Faresii-ŋai, Kákaa a kiri-ƃelai! Kpɛ́ni fêi, ka kɔ̂pui da banei pôlu-pere wàa, kɛ́lɛ, dísu-pere láa fɛɛ a ŋuma-sãa da sɛŋ-wɛliɛɛ. 26Faresii-nuu ŋɛ́i-puɔɔ̂i, kɔ̂pui da banei su-pere wàa fulɔi, gɛ̀ ní, dípôlu-pere a pâi kɛ̂i a ŋwaa máŋ.
27“Kpalo ƃélaâi kâa, káai a gɔlɔ-pɔ̃yɛ-ƃelai da Faresii-ŋai. Kákaa a kiri-ƃelai! Kpɛ́ni fêi, kákaa nɔ yɛ̂ɛ ƃolôŋ kole-ŋa, nyii-ŋai díŋini-ŋa-pere lɛ́lɛɛ̂i, kɛ́lɛ, dísu-pere láa fɛ́ɛ a núu-kao-ŋa da sãa liƃiɛɛ-ŋa. 28Káa máŋ káŋini-ŋa-pere káa yɛ̂ɛ tɔ̃yâ-ƃela núu-kpune ŋɛ́i, kɛ́lɛ, kákponôi-pere láa fɛɛ̂i a kiri-tua da mɛni-nyɔ́mɔɔ-kɛ́ɛ.
Zîsɛ è díkula-maa kɛ́ pere maa mɛni ƃo ǹaa-tuɛ
(Lûu 11:47-51)
29“Kpalo ƃélaâi kâa, káai a gɔlɔ-pɔ̃yɛ-ƃelai da Faresii-ŋai. Kákaa a kiri-ƃelai! Kpɛ́ni fêi, ka Ɣâla ŋɔlóno-kɛ-ƃelai ƃolôŋ-ŋai tɔɔ a ǹɛ́lɛɛ, ka dɔ̃yâ-ƃelai díƃolôŋ-kɔni-ŋai maa ɣíri a ǹɛ́lɛɛ, 30kákɛ m̀o kâai, ‘Kûii kɛ̀ ɣele ḿâ a kúnâŋ-pɔlɔ-ŋai dítãi, kûii fêi kúyee pu Ɣâla ŋɔlóno-kɛ-ƃelai paa mɛni su kwa dîa-ni ku gɛ.’ 31Mɛni ma, ka kákpîŋ maa-sere-faa kɛ̀ a gɛɛ kákaa a Ɣâla ŋɔlóno-kɛ-ƃelai paa ƃelai ǹônii. 32Ǹyaŋ ka pâi mɛni tɔnɔi kɛ̂i kánâŋ-pɔlɔ-ŋai dí gɛ̀i. 33Káai a kali-ŋai, kákaa a kali nyɔ́mɔɔ koi lônii, ka pâi kula-pere kɛ̂i leŋ Dɛ̂ƃele-taa tɔ̂ŋ-kpɛ-maai su? 34Mɛni ma ka gáa, ŋa pâi Ɣâla ŋɔlóno-kɛ-ƃela tɛɛ̂i da táre-ƃela é pɛ́lɛ kɔlɔ-pɔ̃yɛ-ƃela dîa. Ka pâi da-ni paâi, ka da-ni kpamo saa-wuru ma. Ka pâi da-ni lókwâi Ŋ̀âla-fɛli-kêre-ŋai mu, ka da-ni kpɔara, kakɛ díkɔ̂ri daa-ŋai su, 35a gɛɛ dɔ̃yâ-ƃelai kélee paa-mɛni é lɛ́ɛ kâa ǹɔii ma ƃɛ é síɣe Ebɛɛ paa-mɛni ma, nyii kɛ̀ a tɔ̃yâ-nuu, é tóo Zɛkɛraya, nyii kɛ̀ a Barakai ǹóŋ, paa-mɛni ma, nyii ká bàa Ŋ̀âla-pɛrɛ Kɛ́tɛi da Ŋ̀âla-teƃelei loai. 36Ŋa tɔ̃yâ ƃoi kâa, mɛni-ŋai ŋí kélee da pâi pâi ŋ̀éniɛi ŋí su-ƃelai pɔ.
Zîsɛ è wɔ̀lɔ Zerusâlɛŋ mɛni ma
(Lûu 13:34, 35)
37“Óo Zerusâlɛŋ, Zerusâlɛŋ, yái Ɣâla ŋɔlóno-kɛ-ƃelai pâa, í diai sɔ́ɔ a kɔni dí dítɛ̀ɛ ípɔ-naai! Ŋa ŋ̀wɛ̂lii ŋá ílônii ŋá tɛ́ díkîe ma a tãi támaa, yɛ̂ɛ berei tɛ́ɛ-lêe a ǹônii ŋá tɛ́ la díkîe ma goôŋ mui, kɛ́lɛ, ífa faa m̀a! 38M̀ɛni ma, Káɣâla-pɛ́rɛi a pâi lɛ̀ɛi káyêei a volo. 39Kpɛ́ni fêi, ŋá m̀ó kâa, káfe pâi ŋɔnɔ ŋ́gaâi é síɣe tãi ŋí ḿâ é lɛ́ɛ la zu ka m̀o kâa, ‘Lûwa káa ǹúui ma nyii pâi Kúnuu-namui láai sui.’ ”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in