Zôo 23
23
Zôo è Ɛlifa wóo su tòo naa pôlu ma ŋɔ́nɔ
1Zôo è mò ǹyɛɛi,
2“Ŋa môi ŋɔ́nɔ yâ a gɛɛ ŋá sɔŋ-pu-maai káa nîi tɔɔ̂i dɔɔ̂i.
Kpɛ́ni fêi Ɣâla káa nɔ́ nîi mɛni kpɔ̂lu lâai ḿâ, berei máŋ ŋa mɔ̃lɛi lai.
3Eêi kɛ̀ ŋâi kɛ̀ a ƃɛ́i kɔ́lɔŋɔɔ Ɣâla a mɛni-sâa ƃò naai,
ŋâi lì naa a gɛɛ é ŋ̀óli tɔ́ɔ ŋámɛni sâai ma.
4Ŋ́âi pâi gíli-ŋa ponôi a gɛɛ ḿve niî mɛni nyɔ́mɔɔ da kɛ́ ní.
Ŋ́âi pâi ŋ́goi mɛni kélee kpɔ́ ŋá lɛ̂i mà.
5À kɛ̀ tí ŋ́âi pâi m̀ɛnii mɛnîi eêi pà môi ḿâi,
ŋá ŋ̀á káa.
6A pɔ̂ri ńyee mɛi ɣâlei a ŋɔwála-wala-laa kɛ́tɛi?
Kpao! A pâi ŋ̀oli tɔɔ̂i ŋ́oo ma.
7Maa tãi tí a sèri, ŋa pâi ŋá mɛnii ŋá lɛ̂i mà kpɛ́ni fêi ŋ́gaa a teniŋ ƃô-nuu.
Ǹyaŋ Ɣâla nyii gáa a ŋá mɛni-sâa ƃó-nuui, a pâi môi ḿâ a gɛɛ ŋá mɛnii lɛ̂lɛɛi.
Ńzɔŋ fé m̀ɛnii su.
8-9“Ŋá Ɣâla kɔ̀ri vóloi kulâi pere da ǹiî-pere, fé gaa-ni.
Ŋá gɔ́ri yá-ŋua-pere da yá kwára-pere, fé gáa-ni.
Ŋá gɔ̀ri ƃéla kélee ma kɛ́lɛ fé gáa-ni.
10É máŋ kɛ́ tí, Ɣâla è ƃɛ́i kɔ́lɔŋ a pɔ̂ri ŋ́gâai naai.
À kɛ̀ a ńdûa-pere maa kpɛ̂ɛ, a pâi gɔ́lɔnîi a gɛɛ ŋa fôlo kpɔ́ yɛ̂ɛ kɔni wôlo su ya-ɣɛli-loŋ.
11Ŋá sìa ḿɔrɔŋ-pɔɔ su, berei nyii Ɣâla ǹya kpîŋ è nàai.
Ŋa pâi siâi zu a teniŋ ƃô-pere.
12M̀ɛnii nyii kélee è mò ḿâ a gɛɛ ŋá gɛ́i,
ŋá gélee kɛ̀ a teniŋ ƃô-pere.
13“M̀ɛnii nyii Ɣâla a gbɛ̀tɛ gíli-ŋa a gɛɛ é gɛ́i, nya ƃe a gɛ̀.
Sɛŋ da kélee fa pɔ̂ri ǹíi maa fálenîi.
14M̀ɛnii nyii kélee Ɣâla a gbɛ̀tɛ ḿaa mɛni mai a pâi ŋ̀aa-see kɛ̂i.
Ǹyaŋ mɛni kpɛtɛɛ támaa káa ǹyêei ḿaa mɛ̂ni ma.
15Nyíŋi ƃé a gɛ̀ ŋ́gɛ yào mà.
Ǹyaŋ ŋa ŋ́gili-ŋa sìa é pîlaŋ mà, yao a ńaa fɛ̀ɛ.
16-17Ŋ̀wála-wâla kélee Ɣalai a gɛ́ ńii a kpɛ̃lîŋ ŋ́goi.
Ḿve yaôi gbínii ma, kɛ́lɛ ŋ́gaa yaôi Ɣâla ma.
Berei máŋ gbínii a too la ḿa fé pɔ̂rii kwaa kâai, ḿve nîi kpera ní wɔ̂lɔi.
Currently Selected:
Zôo 23: KWB
Highlight
Copy
Compare
Share
Want to have your highlights saved across all your devices? Sign up or sign in
