SALMOS 149
149
Acpayjayclha ingilvalhoc
1Innec ayaco Visqui ingac.
Elminaycmas sat ningminaycmascama alhnancoc.
Elminaycmas sat apcaneyquiclhilha apquilpeyvomo (templo).
2Colpayjiclha apquilvalhoc quellhip apnaycam tingma Sión.
Dios aptomja Visqui ingac.
Aptomja apquilantipquiscama aclhamoclhojo asoc.
3Eltime apquilayo apvisay apanco naysicsa apquiljalhyincayam.
Elminaycmas sat acyiplomo apquilpayvascama arpa najan panderas.
4Visqui ingac aptomja apquilasicjayo apnaymacoc.
Aptimec apquilayo melyimtalhnamo.
5Colpayjiclha apquilvalhoc quellhip apquilpeyvomo, ayinyema malayo quellhip.
Elitsovacsojo sat quellhip apquilminaycmascama alhtaa.
6Eltime sat apquilayo Dios Visqui ingac.
Elma sat sovo alvinatem apquilmaycam quellhip.
7Elyanmongsiclha sat apquiltemaclha apancaoc cotnaja ingmoc.
Cotnejic sat acyanmongayclha apquiltemaclha maa.
8Elmacpoc sat apquilviscaa najan apquilyimtalhnamo.
Elpilhtetacpoc sat cadenas.
9Comoc sat nelha aclhanmaclha Dios appayvam actalhesamalhca.
Malayo sat eltimjic apyovoclhojo apquilpeyvomo.
Innec ayaco Visqui ingac.
Currently Selected:
SALMOS 149: ENHL
Highlight
Copy
Compare
Share
Want to have your highlights saved across all your devices? Sign up or sign in
