PROVERBIOS 7
7
Quilvana cotnaja intava
1Lhip sictamongvoyam, ingyeylhojo sicpayvam comoc sat apvalhoc siltamescama.
2Iyiplovcasojo sat mataa siyanamaclha najan siltamescama, colhojoc sat lhip aptamilquiscama apataoc, etyisam sat acvoncaclhojo.
3Coma sat apvalhoc lhip sicpayvam, malha apmaycam apmic sat cotnejic.
4Itne sat lhip malha apyalhing nintemaclha acyascamco ingvalhoc. Itne sat lhip malha actimem moc acyascamco ingvalhoc.
5Emyovacpoc sat lhip acnaclha quilvana alanatama, ayinyema acyascamco apvalhoc. Emyovacpoc sat lhip, acsilhnana inlhojo as quilvana actemaclha anco acpayvam.#Pr 2.16.
6Nalhit acnim alhta intomjac. Acnec alhta tingma ajac, payjoc atong ayitcoc.
7Acvitac alhta napocja apquilyimnanic mepqui apquilsilhnanomap apanco. Acvitac alhta lhama apquitcoc mepqui acyascamco apvalhoc.
8Apyiplaclhec alhta amay acvaycmo tingma ac lhama quilvana.
9Intalhnacmec alhta aplhinga, alhtaa alhta intomjac.
10Pilapcasquic alhta actepa tingma ac quilvana alamyilhamco apquitcoc. Actemaclha anco quilvana alanatama, najan alantalhnama anco as quilvana.
11Actemaclha anco coyascalhma, actepa mataa tingma ac, colanojoc mataa enlhit.
12Inyiplaclhec mataa amay apvalhoc tingma, payjoc acyivey olhma, payjoc poc tingma. Inquiljalhnec mataa napocja tingma epatjetic lhama apquitcoc.
13Impatjetquic alhta as quilvana, acpitsisa apatong apquitcoc, actomja ayanya:
14Acpenasquic lhac sicmescama asoc macmescama Dios, siclhanma alhta mepqui sicyeycajascaoc.
15Inlhenquic evalhoc olamyilhamcoc lhip, ayinyema aljalhneycam evalhoc lhip. Payjeclhec evalhoc sicvita lhip.
16Yitnec coo sicyitnamaclha netin ningalomalhca, apvisay apava apquinyema Egipto.
17Ayatsiscasquic coo asoc acmasis mirra, najan áloe, najan canela.
18Noc, onsavojoc sat ningilasicjamalhca alhtaa nac jay. Ongyitnamojoc sat lhama acvaycmo secaseclha.
19Paj elhnac tingma etava coo, ajolhec aplhingam, mevotayc sat quilhvo.
20Apsaclhec alhta solyayem pac, evotac sat mocjam, ningvita inlhojo piltin apyovoclhojo — alhta intomjac quilvana alanatama.
21Acmasis alhta acpayvam as quilvana, cosilhnana apquitcoc, yoyam esilhnanacpoc.
22Apyiplaclhec alhta apquitcoc, malha vayqui macyantamaycam yoyam comatong. Malha asoc navjac, yoyam comalhcac trampa tava ápac, sat cotnejic.
23Cotlapsic sat actalhna yanca apicjic, malha nata acmomalhca yamyamayin. Paj eyasamcoc apquitcoc, yoyam ematong, yoyam ingyitsapoc.
24Lhip sictamongvoyam, ingyeylhojo sicpayvam, coma sat apvalhoc coo sicpayvam.
25Nongyane nasa cosilhnanalhca apvalhoc, noyiplaclha nasa as quilvana.
26Aplhamoc alhta apticyovam enlhit apquilsilhnanomap ayinyema as quilvana. Malha alyamonquilhma (apquilyamonquilhma) appintalhnama enlhit, ayinyema acsilhnanoncama as quilvana.
27Amay ningyiplayclha tingma ac as quilvana, acvisay amay ningitsepmaclha — alhta intomjac appayvam tata ingac apyascamco.
Currently Selected:
PROVERBIOS 7: ENHL
Highlight
Copy
Compare
Share
Want to have your highlights saved across all your devices? Sign up or sign in
