PROVERBIOS 18
18
1Ningiltamjoc mataa colhic singaco, acyitna inlhojo ayajamalhco ingvalhoc. Ongilinmelham sat mataa, singiltamesa inlhojo ingmoc asoc actamila.
2Ningiltanovquic singiltamescama ingmoc, acyitna inlhojo acyeyjamelhma ingvalhoc. Ningiltamjoc mataa onlingacsic nintemaclha inganco.
3Nimpenasquic sat ancoc actemaclha acmasom, coyiplovjoc sat ningmancactama. Comascoc sat singayo, acyitna inlhojo ningyimtalhnesomalhco inganco.
4Ningilyataycam acyitsomalhca ayaptovnilha yingmin acvanyam, najan malha yingmin ayinyem vatsam, najan malha yamilquit ayinyemayaclha ningyascamco.
5Mongvanquejec ongmeyvoc ingmoc apsilhnanomap apanco. Mongvanquejec ongilpejescomoc ingmoc mepqui apsilhnanomap apanco.
6Ongilatingmalhcac sat nincoo, ayinyema appayvam ingmoc acyeyjamelhma apvalhoc. Ongilnapalhcac sat nincoo, ningiljalhno inlhojo apayvam apanco.
7Ongiltovasalhcac inganco ayinyema ningilyataycam nintemaclha acyeyjamelhma, colhojoc ningilyataycam singasipquiscama ingyispoc tama.
8Ningilantipquiscama apvisay ingmoc actomja acmam ingilvalhoc. Malha acmasis ningiljalhenmo, jingilvoncamejec sat mataa.#Pr 26.22.
9Jingilyacmoc ongiltamjam (singastingam nintamjaycam) najan nintovascama asoc actamila, alyitsomalhca anit nintemaclha, acno sicaa acpaliyam.
10Visqui ingac apvisay acyitsomalhca tingma nitno, actomja apquilyilhanmomaclha enlhit apquilpeyvomo.
11Ninganayquic nincoo cascama ningilnatam actomja singmasma nincoo, malha mataymong acjalhtam ningyilhanmomaclha.
12Ongnatovasalhcac sat nincoo, acyitna inlhojo ningyimtalhnesomalhco inganco. Colhic sat singaco nipyesicsa ingnaymacoc, acyitna inlhojo conjamalhca ingvalhoc.
13Ningilatingmavoc sat ancoc yicpintama singilmalhnaycam ingmoc, colhojoc sat nintemaclha acyeyjamelhma najan nintemaclha ningmancactama.
14Acmajayoclha ingvalhoc actomja sintamilquisquiyam naysicsa ningmasquem. Inlingamcoc sat ancoc ingvalhoc, soc enlhit apmopvan etamilquiscomoc ingvalhoc.
15Inlhenquic mataa ingvalhoc, yoyam coyangvomoc actemaclha ningyascamco. Ningiljalhnoc mataa singyascasingvoyam, comoc sat ingilvalhoc.
16Jingilmoc sat tacja, acyitna inlhojo ningmescama nasa asoc. Apquilyispaquic najan enlhit apquilyimtalhnamo actema nac jay.
17Colhejec mataa acyascacmo appayvam appeyvescasquiclha apmamyi. Pilapcasquic apvaa poc, epeyvescasiclhac sat moc actemaclha.
18Singyicpilquemo apyimtalhnamo emascocsic nintemaclha ningilatingmomalhca. Aptomja apyicpilquemo enlhit apquilyimtalhnamo, eltimnacsic yavamlha eltimjic.
19Cayjec mataa ingvalhoc ayinyema singvenéycam ingmoc, malha mataymong apjalhtam tingma. Macvenéycam ingvalhoc acyitsomalhca atong mayapayclha tava apac.
20Ningilyatam mataa nincoo acvaycmo singastingam, malha nintom acyilhna.#Pr 12.14; 13.2.
21Ningmiyovmalhca najan ningiltanovmalhca ayinyema ningilyataycam nincoo. Onlingamcojoc mataa acmasom, singilsilhnana inlhojo ningilyataycam acmasom.
22Ningvitac sat ancoc quilvana ontimjic intava, actomja macmescama actamila. Apyispaquic Dios Visqui ingac, apvita inlhojo acma intava.
23Altamila nimpayvam ningilmalhnaycam asoc, ningiltomja inlhojo mepqui asoc. Cayjec mataa nimpayvam ningatingmaycam, acyitna inlhojo cascama ningilnatam.
24Apnam ingnaymacoc apquiltomja singvenéycam najan singiltovascama. Poc ingnaymacoc apquiltomja singasicjayo, malha ingyipma najan ingyalhing.
Currently Selected:
PROVERBIOS 18: ENHL
Highlight
Copy
Compare
Share
Want to have your highlights saved across all your devices? Sign up or sign in
