OSEAS 8
8
Apquilayo quilaycmasquiscama
1Aptomjac alhta Dios Apyimtalhnamo: Elpayvas sat trompeta, malha enlhit aptamilquiscama Dios enlhit apancaoc. Apquiltovasquic pacto ningmiyovmalhca siyanamaclha coo. Apquiltomja apquilinmelhaycam siyanamaclha.
2Apquilyavectac sicnaclha naysicsa apquilpalhamaycam: ¡Dios Visqui ingac, ningyicpilcoc nincoo lhip! — alhta apquiltomjac.
3Apnatovasquic asoc altamila enlhitaoc Israel. Apquilminlhinquic mataa cotnaja ingmoc.
4Apquiltimescasquic apvisqui rey, mepqui selmalhnaycam coo. Apquiltimescasquic yatapquilviscaa, mepqui sicyascamco coo. Apquillanac quilaycmasquiscama ayinyema plata najan oro apancaoc, enatovasacpoc sat.
5¡Actanovquic coo quilaycmasquiscama vayqui apquilayo quellhip co Samaria!#1 R 12.28-32. Avanjec coo siltanoncama quellhip, ayinyema siclom coo.
6¡Elalhnasacpojo apanco quellhip enlhitaoc Israel! ¡Am cotnajac Visqui ingac quilaycmasquiscama vayqui co Samaria! Enlhit alhta apquillanay, cotvasalhcac sat acyovoclhojo quilaycmasquiscama.
7Apquilquinaclhec alhta alhcajayam, elvitac sat yatepiyam,#Pr 22.8; Gá 6.7. mepqui acyilhna intomjac amyip. Mepqui motajap, ayinyema mepqui apactic acyilhna. Yitnec sat ancoc apyilhna, eltovamcoc sat metnaja apquiltemolhama.
8Apnasipacpec apyovoclhojo Israel. Apquilvennacpec nipyesicsa enlhitaoc nipyava.
9Apquilanayquic alhta elpasingvota co Asiria, malha yamelyeyjaycoc navjac alhta apquiltomjac, mepqui apquilyascamco. Apquilhaquic mataa asoc altamila, yoyam elvita apnaymacoc.
10Naso, apquilmescama nasa asoc altamila nipyesicsa enlhit metnaja apquiltemolhama. Ongvansiclhac sat mocjam, elvatsamcoc sat eltimesquisic apquilviscaa najan yatapquilviscaa.
11Apquillhamaseclhec acyitnamaclha quilaycmasquiscama apquilmolhama Efraín, yoyam coyangvomoc apquilsilhnanomap apanco.
12Apquilvenneycam mataa sicnatalhesquiscama aclhamoclhojo siyanamaclha.
13Apquilnapquic mataa apnatoscama macmescama acyanmongam melyascalhma. Apquiltovcamquic mataa apnatoscama acticyovam. Am colcac evalhoc sicvisay Dios. Jelvoncamejec sat mataa apquiltemaclha acmasom. Oyanmongsiclhac sat apquiltemaclha apancaoc. Otajicsojoc sat mocjam, elhnam yoclhilhma Egipto.
14Apquillanac tingma apquilyivey enlhitaoc Israel. Am colhenac apquilvalhoc Dios apquilantipquiscama aclhamoclhojo asoc. Apquillanac tingma apquilyimnatem apquilmolhama Judá. Coo sat olvitic talha, elmetic sat tingma. Elsovjacpoc sat apquilmeta tingma — alhta aptomja Dios Apyimtalhnamo.#Am 2.5.
Currently Selected:
OSEAS 8: ENHL
Highlight
Copy
Compare
Share
Want to have your highlights saved across all your devices? Sign up or sign in
