OSEAS 6
6
Actemaclha apquilvalhoc Israel
1Inlhenquic alhta apquilvalhoc apquilmolhama Israel: Noc, ontingyac sat Dios Visqui ingac. Jingiltamilquiscomoc sat, aptomja alhta singilyicpilhquetem. Jingiltamilquiscomoc sat, aptomja alhta singilyimsascama.#Job 5.18.
2Jingiltamilquiscomoc quilhvoc anco, jingilmecsic mocjam ningyimnatem, ongileyo apnaclha.
3Pac ongilvascapoc, yoyam ongilyasamcojo apmayjayoclha Dios. Ingyilhyemoc sat Dios Visqui ingac jingilpalhavota. Nasoc anco as amyaa, acno actiyapma mataa acnim, acno acmamayaclha ayenmo año najan nelha año — alhta apquiltomjac co Israel.
Amyaa ayinyema Dios Apyimtalhnamo
4Aptomjac alhta apquilanya Dios Apyimtalhnamo: ¿Jalhco sat oltimesquisic quellhip apquilmolhama Efraín? ¿Jalhco sat oltimesquisic quellhip apquilmolhama Judá? Acvitac coo selasicjayo quellhip, malha tiyam etin alhtoo, najan malha acyesalhma alhtoo, quilhvoc mataa yoyam comascoc.
5Eycaso ayinyema sictovascama mataa quellhip, ayinyema profeta aplingascama. Alnapquic alhta ayinyema sicpayvam siyanamaclha. Intictipquic nintemaclha acpeyvomo, acno actiyapma acnim.
6Aljalhnec coo mataa nintemaclha ningilasicjalhca, jave asoc selmescama quellhip.#Mt 9.13; 12.7. Jelyicpilcojo sicvisay Dios Visqui apancaoc. Nojelmesaoc nasa asoc acticyovam acyanmongam melyascalhma.#1 S 15.22; Pr 21.3; Am 5.22-24; Mi 6.6-8.
7Apnatovasquic alhta mataa pacto ningmiyovmalhca. Apquilvatsamquic enlhit ajancaoc, apno ilhnic nat Adán (natingma Adán).
8Apquilmapsomcaa apyovoclhojo tingma Galaad, acvitamalhca ema lhalhma anco.
9Apquiltemaclha sacerdotes ticyovam yapmayc, apquiljalhneycam elmoc enlhitaoc. Apquilnapquic mataa enlhitaoc amay acyascama tingma Siquem. Somcoc apquiltemaclha.
10Pilapcasquic mataa sicvita apquiltemaclha apancaoc apquilmapsomcaa nipyesicsa enlhitaoc Israel. Apquiltemaclha apquilanatama apquilmolhama Efraín, najan comasis apyimpeoc enlhitaoc Israel.
11Najan quellhip apquilmolhama Judá, ellingamcojoc sat apyanmongsayclha apquiltemaclha apancaoc.
Covac sat acnim, eltimiclha moc apquiltemaclha apquilmolhama Israel.
Currently Selected:
OSEAS 6: ENHL
Highlight
Copy
Compare
Share
Want to have your highlights saved across all your devices? Sign up or sign in
