OSEAS 3
3
Quilvana alanatama
1Aptomjac alhta Dios Apyimtalhnamo seyanya coo: Ilhing maa, itne sat aptava quilvana alanatama, actomja alaneyo poc. Acno Dios Apyimtalhnamo apcasicjayo enlhitaoc Israel, naysicsa apquilasicjayo quilaycmasquiscama eltimjic apquilayo. Apquilyispaquic mataa aptoycaoc ningilpayescama uva acyilhna — alhta aptomjac Dios Apyimtalhnamo.
2Acyinyovquic alhta acyanmongam sicmam quilvana, quince solyayem acyivey plata najan trescientos treinta litros cebada actic.
3Actomjac alhta siyanya: Otnejic sat etava lhiya acvoncaclhojo. Noncotne nasa alanatama, noncoyipitcojo nasa poc enlhit. Mopatjetamquejec sat coo lha — alhta actomjac coo.
4Acvoncaclhojo sat cotnejic mepqui apvisqui nipyesicsa enlhitaoc Israel, mepqui apvisqui rey, mepqui asoc macmescama Dios, mepqui mataymong apquilmalhnancamaclha, mepqui apquilantalhnama sacerdotes, mepqui quilaycmasquiscama congne aplhancoc.
5Elpayquingvomoc sat enlhitaoc Israel, elquitmoc sat Dios Visqui apancaoc najan apvisqui David. Elyoclhojoc sat maa, eltimjic sat apquilayo Dios, ellhocac sat altamila asoc ayinyema Dios Apyimtalhnamo. Sat cotnejic actamongvomlha nelha acnim.
Currently Selected:
OSEAS 3: ENHL
Highlight
Copy
Compare
Share
Want to have your highlights saved across all your devices? Sign up or sign in
