OSEAS 14
14
Profeta appayvam
1Aptomjac nic nat profeta apquilanya: Quellhip apquilmolhama Israel, elpaycacpojo, elmiyama apnaclha Dios Apyimtalhnamo. Apquilsilhnanacpec apanco quellhip napato Dios, malha apquiltolhnay quellhip apquillhingam.
2Elyanmonquis moc apquilvalhoc quellhip, eltime sat quellhip: Dios Apyimtalhnamo, jingilasicjiclhojo sat mocjam. Ontimjic sat ningilayo lhip, colhojoc sat asoc macmescama lhip — eltime sat elanic quellhip.#Is 55.6-7.
3Jave singmasma nincoo co Asiria, jave singmasma nolhing apcapaoc najan apquilmaycam. Jave Dios Visqui ingac quilaycmasquiscama ningillanay nincoo. Apvamlha lhip Dios Apyimtalhnamo aptomja singasicjayclha mocjam, malha ningiltomja ningilyeyjeycam — sat eltime elanic — nic nat aptomjac profeta.
Amyaa aplhanma Dios Apyimtalhnamo
4Aptomjac alhta Dios Apyimtalhnamo: Tasi, olasicjiclhojoc sat mocjam, sicvita alhta inyicje selinmelhaycam quellhip. Olasicjiclhojoc sat mocjam, sicvita alhta inyicje apquiltemaclha apancaoc. Alvatasquic coo sictemaclha siclom.#Jer 30.15-17.
5Jelasicjiclhojo sat enlhitaoc sictomja malha yalya alhtoo. Ellhojoc sat enlhitaoc ilhnamoc lirios. Ellhojoc sat yamit ayquipmenaoc netin inquilhe Líbano.
6Colpayjiclhac sat actengaoc, malha actengaoc altamila olivo yamit. Ellhojoc sat acpaniyam yamit cedro inquilhe Líbano.
7Otnejic sat mocjam sicmasma nipyesicsa enlhitaoc Israel. Ellhojoc sat apquilictingam trigo apilhquipcoc. Ellhojoc sat ilhnamoc uva avjac. Ellhojoc sat uva ayingmenic ayinyema Líbano.
8Quellhip apquilmolhama Efraín: Comalhquejec sat mocjam quilaycmasquiscama. ¡Sicvamlha coo sictamilquiscama najan sicmasma quellhip! Sicyitsomalhca coo yamit alhnancoc najan actamila. Elvitac sat mataa acyilhna ayinyema coo — alhta aptomjac Dios Apyimtalhnamo — nic nat aptomjac profeta.
Nelha appayvam
9Elyasamcojo sat quellhip apquiltomja apquilyascamco as amyaa: Impeyvoc anco actemaclha singillhicmoscama Visqui ingac. Ongmiyovalhcac sat ningyiplovquisa ningilvisay ningilpeyvomo. Eltanovacpoc sat apquilmapsomcaa, ayinyema apquiltanoncama singanamaclha.#Sal 1.6; Pr 4.7-12,18-19.
Currently Selected:
OSEAS 14: ENHL
Highlight
Copy
Compare
Share
Want to have your highlights saved across all your devices? Sign up or sign in
