OSEAS 12
12
1Malha aptoycaoc mataa alhcajayam apquiltomjac apquilmolhama Efraín. Malha apquilyiplayclha alhcajayam apquiltomjac mataa. Apquillhamaseclhec mataa apquilyinimquiscama najan apquilmopvancaa amyaa. Apquillanay monquinatquiscama ningmiyovmalhca nipyesicsa co Asiria. Apquilapajasquic alhta olivo ayingmenic apquilmescama nasa yoclhilhma Egipto — alhta aptomjac Dios — nic nat aptomjac profeta.
2Yitnec apquilatingmomap apquilmolhama Israel napato Dios Apyimtalhnamo. Eyanmongsiclhac sat Dios apquiltemaclha apancaoc apquilmolhama Jacob. Ellingamcojoc sat apyanmongsayclha apquiltemaclha apancaoc.
3Aptemaclha apanco siclhoc nic nat metyaycamlha mocjam Jacob, apyinimquisa apipma.#Gn 25.26. Apvanamyic nic nat Jacob apuilnapacpo Dios.
4Apquilnapacpec nic nat ángel Dios apcasinancama, apyimnatem apanco ilhnic nat Jacob. Apvinec nic nat Jacob, apquilmalhna yoyam ingyasicjiclhojo mocjam ángel. Apvitac nic nat Dios payjoc tingma Betel, acyiplomo apquilpamejitsomap maa.#Gn 32.24-26.,#Gn 28.10-22.
5Apvisay Dios Visqui apyimtalhnamo, apmopvan innac maa.
6Aptomjac alhta Dios Apyimtalhnamo: Elpaycacpojo quellhip, elmiyanta sicnaclha coo. Elyiplovcasojo actemaclha ningasicjamalhca najan actemaclha acpeyvomo. Nojelyasquim nasa coo sicvisay Dios — alhta aptomjac.
7Aptomjac alhta mocjam: Apquilyinimcasquic mataa apquilmolhama Canaán naysicsa apquiljanma asoc apquilyamasma.
8Apquiltomjac mataa apquilmolhama Efraín: Naso, cascama nincoo ningilnatam, ayinyema ningilvascapma. Mepqui nincoo ningilsilhnanomalhca inganco, nintingyey ningilnatam mepqui ningilyinimquiscama poc — alhta apquiltomjac.
9Coo sicvisay Dios Visqui apancaoc, sicyinyovquiscama nat yoclhilhma Egipto. Olhnecsic sat mocjam quellhip carpa tingma, acno apquilyeyjamcaa apquileyvam nic nat yoclhilhma actamopeycaoc.
10Acpamejitcasquic alhta profetas, acvitay mataa apquilvanmoncama aclhamoclhojo asoc. Altimnasquic nat actemaclha sicyitquiscama.
11Yitnec quilaycmasquiscama acyitsomalhca dios tingma Galaad, jave Dios Apyimtalhnamo, eyca quilaycmasquiscama anco. Yitnec macmescama quilaycmasquiscama tingma Gilgal, apnalayclha vayqui inquilinava. Avanjec mataa mayicjescama mataymong apquilmalhnancamaclha, acnaycaoc maa amyip — alhta aptomjac Dios.
12Apquinyec nic nat Jacob, apvocmo amyip payjoc Aram. Aptingyac nic nat quilvana etnejic aptava acyanmongam aptamilquiscama nipquesic.#Gn 29.1-20. 13Apcapajasquic nic nat Dios Apyimtalhnamo lhama profeta, apyinyovquiscama yoclhilhma Egipto apquilmolhama Israel. Apcapajasquic nic nat Dios Apyimtalhnamo profeta, colhic altamilquisa apquilmolhama Israel.#Ex 12.50-51.
14Aplovquic alhta Dios Apyimtalhnamo, apvita apquiltemaclha apancaoc apquilmolhama Israel. Eyanmongsiclhac sat apquiltemaclha apancaoc. Ellingamcojoc sat acyanmongayclha apquiltemaclha apancaoc, ayinyema alhta apquilsilhnanomap apanco napato Dios Apyimtalhnamo— nic nat aptomjac profeta.
Currently Selected:
OSEAS 12: ENHL
Highlight
Copy
Compare
Share
Want to have your highlights saved across all your devices? Sign up or sign in
