ECLESIASTÉS 3

Moclhama actemaclha as nalhpop

1Dios Visqui ingac ayinyema moclhama actemaclha as nalhpop:

2Actemaclha nintiyam najan actemaclha ningitsepma. Actemaclha ninganma actic najan actemaclha ningaptama (ninliclama) acyilhna.

3Actemaclha ningajem najan actemaclha nintamilquisquiyam meyimnatem. Actemaclha nintovascama asoc najan actemaclha ningillanayclha asoc (ningillanay).

4Actemaclha ningvinama najan actemaclha ningitsovascama. Actemaclha acmayovsa ingvalhoc najan actemaclha ningitsovascama fiesta.

5Actemaclha ningilhpanquiscama mataymong najan actemaclha ningansayclha mocjam. Actemaclha ningmam tacja najan actemaclha nintajayclha mocjam.

6Actemaclha ningvitay asoc najan actemaclha nintimquiscama asoc. Actemaclha nintamilquiscama asoc najan actemaclha ningilhacjam asoc.

7Actemaclha ningyaptama asoc najan actemaclha ningyipnatem asoc. Actemaclha ningilvanmeycam najan actemaclha ningilyataycam.

8Actemaclha ningasicjayo najan actemaclha nintanoncama asoc. Actemaclha ningilimpocjay cotnaja ingmoc najan actemaclha actamilaycam ingvalhoc.

9Avanjec mataa ningilvascapma nintamjaycam, ¿so actomja yi? 10Dios ayinyema, yoyam ongyiplovcasojo najan onlingamcojo naysicsa ningileyvam. 11Dios nic nat apquillanay asoc altamila anco. Aptimescasquic Dios, yoyam comoc ingilvalhoc. Mongvanquejec onsavojo ningyasingvoyam aptomjaclha Dios, ongilyasingvomoc mataa nicja ayitcoc.#Sal 139.17; Is 55.8-9; Ro 11.33.

12Acyasingvocmec alhta coo: Sictemaclha actamila actomja acpayjayclha evalhoc naysicsa sictingyey asoc altamila as nalhpop. 13Nintemaclha nintoycaoc najan ningyinaycaoc naysicsa ningiltamjaycam, eycaso ayinyema singmescama Dios. 14Acyasingvocmec coo mocjam: Cotningvomejec sat nelha aptemaclha Dios as nalhpop. Mongvanquejec ongilpalhacsic asoc, mongvanquejec ongiljalhyovacsic asoc.#Sal 33.11. Dios Visqui ingac alinyema aclhamoclhojo asoc, yoyam ontimjic ningilayo. 15Actemaclha nanoc nat ningvita quilhvo nac jay. Nanoc sat ongvita actemaclha ayinyema nanoc nat. Cotniclhac sat mataa actemaclha actajovsayclha, ayenmoclha acvaycmo nelha.

Mepqui acpeyvomo nintemaclha

16Acyasingvocmec alhta mocjam: Mepqui actemaclha acpeyvomo naysicsa apquilyicpilquemo enlhit mayayo. Yitnec apquilmopvan amyaa najan apquilyinimquiscama. 17Inlhenquic alhta evalhoc: Elyicpilcacpoc sat enlhit apquilpeyvomo najan apquilmapsomcaa ayinyema Dios. Actemaclha singyicpilquemo ayinyema mataa Dios.

18Inlhenquic alhta evalhoc: Dios ayinyema singyicpilquemo, monginatsejec nintemaclha ningileyvam nincoo, acno aleyvam ninatoscama. 19Ningno nincoo ninatoscama, ongitsapoc sat nincoo, colitsapoc sat najan ninatoscama.#Sal 49.12,20. Acno moc ninginamam, mepqui moc actemaclha ninatoscama. Alhto inyicje nintingyey moc actemaclha. 20Ongiltajojoc sat ningilinyemayaclha, acvisay lhopactic ningillanomalhca nincoo, ongiltimiclhac sat mocjam lhopactic.#Gn 3.19; Job 34.15. 21¿Soc enlhit apyasamcoc actomjaclha nelha, naso ya netin acyascama ingjangaoc nincoo? ¿Naso ya congne malhic acyascama ajangaoc nintoscama?#Ec 12.7. 22Acyasingvocmec coo: Incaymalhquic copayjiclhac ingilvalhoc ningvita asoc altamila ayinyema ningiltamjaycam. Eycaso ayinyema Dios. ¿Apvanqui ya enlhit eyasamcojo actemaclha niptamin, yavamlha cotnejic?

Currently Selected:

ECLESIASTÉS 3: ENHL

Highlight

Copy

Compare