AMÓS 3
3
Aplingascama amyaa profeta
1Aptomjac nic nat profeta: Quip elaylhojo quellhip enlhitaoc Israel. Apyinyovcasquic nanoc nat yoclhilhma Egipto Dios Apyimtalhnamo. Ellaylhojo appayvam:
2Alyacyesquic nanoc nat olmeyvoc quellhip nipyesicsa enlhitaoc apquileyvam as nalhpop.#Dt 7.6. Osavojoc sat sicyanmongsayclha apquiltemaclha apancaoc quellhip najan apquilsilhnanomap apancaoc.
3Aplhalhma aptomjac poc enlhit, ayinyema apquilpamejitsomap siclho.
4Impayvec yamacmeyva nalhma, ayinyema acyitna acyamonquilhma. Impayvec yamacmeyva ayitcoc, ayinyema acyitna acyamonquilhma.
5Aptiyacmec nalhpop valhaay, aptomja apyamonquilhma enlhit. Trampa tava apac acmam asoc navjac, ayinyema actoyam trampa tava apac.
6Pilapcasquic enlhitaoc natingma, apquillinga inlhojo appayvascama trompeta. Apquillingamcoc acmasom enlhit natingma, ayinyema apcapajascama Dios Apyimtalhnamo.#Job 2.10; Is 45.7.
7Aptomjaclha Dios Apyimtalhnamo, aplingascama siclho profeta, yoyam covac sat.#Gn 18.17-19; Jer 7.25; Dn 9.10.
8¿Naso ya acpilhyinamam ingvalhoc, ninlinga inlhojo yamacmeyva acpayvam? Copvanquejec enlhit melngacseje amyaa, aplinga inlhojo apcanama Dios Apyimtalhnamo.#Jer 20.9; 1 Co 9.16.
Enlhit layi apnaycam tingma Samaria
9Ellingas sat amyaa quellhip apnaycam tingma apquiltamila payjoc Asdod. Ellingas sat amyaa apnaycam tingma apquiltamila payjoc Egipto. Eltime sat apquilanya: Ingyaniclha sat netin inquilhe payjoc Samaria. Elanojo sat apquiltemaclha apancaoc enlhitaoc. Elanojo apquillingaycamco acmasom apnaymacoc.
10Aptomjac alhta Dios Apyimtalhnamo: Am elyasamcoc nintemaclha nimpeyvescasquiclha amyaa. Asoc alminyilhamalhca acnaycaoc tingma apancaoc — alhta aptomjac.
11Aptomjac alhta mocjam: Elvocjac sat yoclhilhma cotnaja ingmoc. Enatovacsic sat apjalhtam acyimnatem. Enatovacsic sat tingma apquiltamila, elnatamoc sat apquilnatam.
12Aptomjac alhta mocjam: Colhojoc sat apquilinyem enlhitaoc, acno yamacmeyva actom nipquesic apquitcoc. Inquilaycmec maa anit apilhquipcoc najan navá apaycoc nipquesic, apvitayclha quilancam nipquesic. Melvomsacpejec sat tap enlhitaoc co Samaria, apnaycam tingma apquiltamila netin apquiltajanem altamila — alhta aptomjac Dios Apyimtalhnamo.
13Aptomjac alhta mocjam Dios Visqui Apyimtalhnamo: ¡Quip elaylhojo quellhip! Ellingas sat amyaa nipyesicsa apquilmolhama Jacob (aptovana niptamin).
14Covac sat acnim, yoyam oyanmongsiclhac sat apquiltemaclha apquilsilhnanomap apanco enlhitaoc Israel. Onatovacsic sat tingma acyitnamaclha quilaycmasquiscama payjoc Betel. Olintacsic sat inquipetaoc altar acvomquiscamaclha tap enlhit, copalamoc sat nalhpop.#2 R 23.15.
15Onatovacsic sat tingma apancaoc apquilmaclha enlhit nipyesicsa piyam, najan tingma apquilmaclha naysicsa acmajat. Enatovasacpoc sat tingma nitno apquiltamila apanco — alhta aptomjac Dios — nic nat aptomjac profeta.
Currently Selected:
AMÓS 3: ENHL
Highlight
Copy
Compare
Share
Want to have your highlights saved across all your devices? Sign up or sign in
