Zaburey 126
126
Hẽeni bere ka tee haaray
1Woo ti žigiyanoo dooni foo.
Waatoo kaŋ Abadantaa na Siyoŋ koyraa borey kaa tamtaraa ra kʼi willi kate,
ir tee sanda handirikawyaŋ.
2Woo ga, ir hanse ka haaru,
ir miɲey ga kaati nda ɲaali,
de i ga nee gandawey ra:
«Abadantaa na haya beeriyaŋ tee i se!»
3Abadantaa na haya beeriyaŋ tee ir se,
woo se ir cindi ɲaali ra.
4Abadantaa, ma ir borey kaŋ goo tamtaray ra willandi kate
sanda goorey harey kaŋ nʼgʼi willandi Negew saajoo ra!
5Borey kaŋ ga dumi say nda mundi
ga hegay nda ɲaali kaatiyaŋ.
6Boraa kaŋ ga hẽe waatoo kaŋ a ga koy nda dumiyoo kaŋ ga sayandi,
a ga willi kate nda ɲaali kaatiyaŋ waatoo kaŋ jeeney goo a kone.
Currently Selected:
Zaburey 126: ses
Highlight
Copy
Compare
Share
Want to have your highlights saved across all your devices? Sign up or sign in
© BFP Velberter Mission and Wycliffe Bible Translators, Inc.
