Zaburey 125
125
Irkoy ga nga ganakey hawgay
1Woo ti žigiyanoo dooni foo.
Borey kaŋ ga ngi naanaa daŋ Abadantaa ra
ga hima nda Siyoŋ tondi hondoo kaŋ si ɲuuti,
a goo no abada.
2Tondi honduyaŋ no ma Žerizalem kuubi kʼa bere,
takaa din da nda Abadantaa ga nga jamaa kuubi kʼa bere
za sohõ da hala abada.
3Zama boro laaley kokoy goboo si duu boro šerrantey tuboo,
hala boro šerrantey masi kabe šerre haya se kaŋ si šerre.
4Abadantaa, gomni tee boro henney
nda borey kaŋ biney ga šerre se.
5Amma borey kaŋ ga šiiri ka koy fondo golbantey here,
yala Abadantaa ma kate nda ey, ngi nda goy futu teekey!
Yala alaafiya ma kaa Izirayel ga!
Currently Selected:
Zaburey 125: ses
Highlight
Copy
Compare
Share
Want to have your highlights saved across all your devices? Sign up or sign in
© BFP Velberter Mission and Wycliffe Bible Translators, Inc.
