Zaburey 110
110
Kokoy sargari juwalkaw
1Woo ti Dawda zabur foo.
Abadantaa ka šelaŋ ay Koyoo se ka nee:
«Goro ay kabe gumaa here,
hala waati kaŋ ra ay na ni iberey tee ni cee-jisidogoo.»
2Abadantaa ga ni hinoo gaaboo tonton,
kʼa dii za Siyoŋ koyraa ra.
Ma ni hinoo gorandi ni iberey game!
3Han kaŋ ni tun ka ni iberey wongu,
de ni jamaa soolu hanoo din se,
wongu-ize soogey ga kaa ni do henanyan ra
sanda subbaahi biyaa harandaŋoo.
4Abadantaa nka žee, a si nimsi.
Sargari juwalkaw ti ni hala abada,
sanda Melšizedek takaa.
5Ay Koyoo kaŋ goo ni kaŋ ti Abadantaa kabe gumaa ga,
ga kokoyyaŋ motti nga futuroo hane.
6A ga ciiti tunandi gandawey ra,
nongoo kul ti bukawyaŋ,
a ga ganda beeri boŋkoynoo motti.
7Kaŋ a ga koy, a ga haŋ gooroo haroo ra,
woo se a ga nga boŋoo jer.
Currently Selected:
Zaburey 110: ses
Highlight
Copy
Compare
Share
Want to have your highlights saved across all your devices? Sign up or sign in
© BFP Velberter Mission and Wycliffe Bible Translators, Inc.
