Yaasawey 12
12
1Boro kaŋ ga baa hoyrayyan ga baa bayray,
boro kaŋ ga konna tejeyan ga saama.
2Boro henna ga duu alhormo Abadantaa do,
Abadantaa ga dabari futukoyney zukandi.
3Ifutu si boro tabatandi,
boro šerrantey linjoo si ɲuuti.
4Woy alkadarante ti nga kurɲoo kokoy fuulaa,
woy kaŋ ga boro haawandi ga hima nda dori kaŋ goo kurɲoo birey ra.
5Boro šerrantey miilewey si koy kala šerretaray here,
boro laaley miilewey manʼti kala zanbayan.
6Boro futawey šenney manʼti kala kumsay kaŋ ga kuri mun,
boro šerrantey miɲey gʼi hallasi.
7Boro futawey ga halaci, i sii no koyne,
boro šerrantey hugey ga cindi ngi boŋ ga.
8Boro lakkaloo no ma kate i mʼa šifa,
boro bine futu ga kayna.
9Boro kaŋ i gʼa kaynandi ka gar a goo nda tam,
baa boro kaŋ ga fooma ka koy kani haway.
10Boro šerrante ga adabbawey dii henna,
boro futu hinnaroo ti laalay.
11Boro kaŋ ga nga laboo beeri ga kungu ŋaayan ra,
boro kaŋ ga hanga haya yaadayaŋ sii nda lakkal.
12Boro futu mma boro laala kumsaa boonay,
boro šerrantey linjoo ga nafaw noo.
13Kumsay laala goo boro futu miɲoo ga,
boro šerrante ga hun gurzugay ra.
14Haya hennaa kaŋ ga hun mee ra
no ma boro kungandi nda haya henna.
Boro ga duu ni teegoyey banaa.
15Saama ga hongu nga fondaa ga šerre,
boro kaŋ ga maa hoyray se goo nda lakkal.
16Saama ga nga dooraa cebe dogoo din da,
boro carma ga haawi daabu.
17Cimi harkaw ga šerretaray faaba,
seedezooru mma darga.
18Šenni kaŋ sii nda addalil harkaw ga boro maray sanda takuba,
amma lakkalkoyney šenney ga boro noo baani.
19Mee kaŋ ga cimi har ga tabati waati kul,
amma deene taariharkaa si gay a ga bara.
20Borey kaŋ ga ifutu dabari, zanbayan goo biney ra,
ɲaali goo borey se kaŋ ga hoyray alaafiya ma tee.
21Ifutu kul si duu boro šerrante,
boro futu si fay nda torro.
22Mee kaŋ ga taari manʼti kala almuhal Abadantaa se,
borey kaŋ ga dira laadirtaray ra ga kan a se.
23Boro carma mma nga bayraa tugu,
saama mma nga lakkal jaŋantetaraa fee.
24Borey kaŋ ga gaabandi goy ra ga juwal,
borey kaŋ si baa goyyan ga baɲɲataray goy tee.
25Alhuzun kaŋ goo bine ra ga boro haŋ,
šenni henna ga boro ɲaalandi.
26Boro šerrante ga fondo hennaa cebe nga cinaa se,
fondaa kaŋ boro futawey gʼa zaa no mʼi derandi.
27Boro kaŋ ga hoo nda gaaham buunay si duu ham kʼa ton,
boro kaŋ ga goy nda gaabandiyan ga duu nafaw kayante#12.27 boro kaŋ ga goy nda gaabandiyan ga duu nafaw kayante, Ebere šenni ra, almaganaa faa ti ka goy nda gaabandiyan, haya kayante no boro se..
28Hunayan sii kala šerretaray fondaa ra,
buuyan sii fondaa din ga#12.28 buuyan sii fondaa din ga, Ebere šenni ra, almaganaa faa ti amma fondo goo no kaŋ hansandi kaŋ ga koy buuyan here..
Currently Selected:
Yaasawey 12: ses
Highlight
Copy
Compare
Share
Want to have your highlights saved across all your devices? Sign up or sign in
© BFP Velberter Mission and Wycliffe Bible Translators, Inc.
