2 TEMETE 4

1Gà nii leʋezu gè da è ya Gala gaazu ta Ziizɛ Kolai, na ɣa ga Kolai nii é vaazu ʋulu vea ta saa vea ta ʋaa‐wogi ɣaa levezu. Gà nii ɣɛɛzu ná paa ʋai mavele ma ta ná masadai. 2Yíɛ Gala goi wo. Ɣata maʋai va yìɛ kɛ mawui ma, nii wɔnɔ ɛ́ lɛ ga mawuu yìɛ kɛ na ma. Kɛ́ te la ga è woi yìɛ yii ɣaa wãla te ya yìɛ te lɛnɛ ga kpaanaga, è mɛ lɛ ʋɛŋɛ zii‐lɔɔ‐wuloa zu ta kala‐bo‐boga. 3Ƃɔvɛlaale siɛgi ɣa vaazu ziitizu ga numaa tɛ lɛ zii‐lɔɔ wuloa kala‐bogi nii zu maʋai ɣaa wuai. Kɛ̀ te wui zu ƃele pele ma ta kala‐mɔɔ lamaa ɣaa kpɔ ba ƃɔɔ ma ga te zolowo te yii‐ma ʋaitiɛ ma. 4Na ɣa ɣɛɛ na ta wulu ɣaa ʋe te wui‐toga va gaamai ma te ɣaka te vili zɛɛ ʋaa wele‐toa zu. 5Yà dɛi, lo kpãa ga ɣee nɛpɛ yìɛ yii lɔ daa‐nɔwɔ‐wo gá. Yíɛ Gala goo‐wo tii ɣɛ yìɛ yà lii zu ʋai ɣɛ.

6Kɛ̀ɛ ʋai ga zalaɣa gà sa mavele wũ da. Kùlo ʋai ŋeteai nii zu, maziɛgi ziitia. 7Gè ŋapi vagɔ wɔɔ. Gè woloa ŋada maa‐wɔkɔ ƃize‐yɛvɛgai ma. Kɛ̀ɛvɛ nɔ zee‐la‐mai wulu. 8É ziɣi zai ŋɛ ni ma é li ga tuo, tele‐bo tuoi maƃaa‐la‐ma maa‐wuu wɔɔlɔgi ɣa sa laani fàa ma. Na ɣa ga nii de maliɣii é ga tele‐bo faa‐wo‐gaa‐leve nui yá fe ga maa‐wui ga faa‐wo‐gaa‐leve ʋoloi. Ɛ́ lɛ nɔ ga é ɣɛ màʋaa ma, kɛ̀ towaa ɣɛ ƃalaa niitiɛ ɣaazɔ ʋaa ma te wõiyai ga páa ʋài.

Zee wulu leʋei

9Ɣaa ƃaa è leve ga pelei nɛpɛ yà leve da ga è va pɔ̀ vɛ ɣaʋu. 10Ƃɔvɛlaale Dima wõi vele ma ga ŋeteai nii zu ʋai é laa wuloa màʋaa zu é li Tɛsɛlonaika. Kilɛsɛ̃ lia Galeesia yui zu. Taitɔ wɔ ge li Dameesia. 11Luki ɣilekpu nɔ ɣa é bà. Maki ziɣi wa tɔ wo va, ƃɔvɛlaale kɛɛzu ƃakpavɛ na tii‐ɣɛɛ ʋai ma màʋaa ma. 12Gè Tekekɔ levega Ɛfɛsɔ lai zu. 13Yà ɣɛ na vaazu, va ga nà ʋɛɛgi gè zɛni Kapɔ ya Toolɛɛ é vɛɛ kɔlɔitiɛ va, nii é ga kpiti kɔlɔi nà ná dɔ vele ƃɔɔƃɔɔ ma. 14Alezãda nii é ga kapa‐gãi nui é faa ɣɛɛni gàazu é lɔ bà ga gaa wãla. De maliɣii ɣa kɛɛ‐zɔgitiɛ zu loo bɛ́. 15Ƃɔɔ wũ maazu vɛtɛ da yà ɣagi, ƃɔvɛlaale é loni gé la gá ɣeela woi ʋaa ma ga kpaanaga.

16Nà goo‐zu‐wulo maa wũgi wo‐suvɛ nu ta nɛpɛ gɛ lɛ loni bɛ̀. Te pɛ te ziɣini pùlu. É mɛ lɛ ɣɛ te va ga faa kai! 17Kɛ̀ de maliɣii loni bɛ̀ é sù ƃaa ga gè Gala goi wo ga woo maa zeezea gè wolo wulu ma, kɛɛ ʋaa ma zii ƃalaagitiɛ ɣaazɔ te mɛni. Na ma gè wuloni sa zalai la. 18De maliɣii ɣa kùlo faa yowũ ɣaazɔ zu é sèi‐zu ɣɛ ná masadai ʋaa ma é gee‐zuvɛ. Towa daa‐maa‐lɛɛ ɣa wo da wɔlɔ‐wɔlɔ ta wɔlɔ‐wɔlɔ. Nà nɔ yá ɣɛ.

Daali‐ma ɣaa‐ƃelagi

19Gè Peleseka luoni ta Akuila é vɛɛ Oonɛsifɔlɔ wɔ pɛlɛ wu veaitiɛ va. 20Elasitɔ yɛni Kɔlĩ lai zu. Gè Tɔlɔgimɔ yɛni seeƃɛzu Mailitɔ. 21Ɣaa ƃaa pelei nɛpɛ yà leve da ga è va kɔɔlɛ‐vaa ziɛgi ɔ́ teɣa ɣɛ ziitizu. Yubulɔ é è luoni. Vele nɔ na é la ga Pudɛ̃ ƃɔga Lainɔ é vɛɛ Kɔlɔdia va ta de vaitiɛ ɣaazɔ. 22De maliɣii ɣa ɣɛ è yii zu fãa. Maa‐wõi‐ɣaa ƃɔ‐bai ɣa ɣɛ wo ʋaa ma fãa.

Currently Selected:

2 TEMETE 4: DN1971

Highlight

Copy

Compare