1 TƐSƐLONAIKAITIƐ 3
3
1Na ma tei sa gɛ́ lɛ ŋɛni zoosu gɔ́ ziɛ ná wu, gé yii lai ɣɛ ga gá letele gé yɛ na wulu Aatɛ̃ lai zu. 2Gé zɛba do sa gé gé wɔi Temete leve nii é ga nui ta Gala te tii ɣɛɛzu ma Kolai mawoo niinɛ vagɔi‐wo fai zu. Gé teveni ga é wo lo kpãa wa yee‐la‐mai zu é wo lɛnɛ ga kpaanaga, 3kɛɛ ʋaa ma faa ƃoei niitiɛ te mɛ lɛ nu ta yii wu ziɣi. Wa ƃɔɔ wo kwɛ̃ni ga nii ɣa é de luo ga é ɣɛ ga diɛ. 4Ƃɔvɛlaale tei gé ɣɛni wo wɔ vɛ, gé ná yɛni ná luo gé bo wo ma ga faa ƃoei ɣa vaazu zeizu de ma. Tɔwɔ wa ƃɔɔ wo kwɛ̃ni ga é leveni sa ma. 5Nii mazaƃui ma, tei sa nà ƃɔɔ gɛ̀ lɛ ŋɛni zoosu gɔ̀ ziɛ de ɣaa‐wɛɛ ʋai wu, gè nu leveni kɛɛ ʋaa ma gè faa wɛ̃ɛ é vile wa yee‐la‐mai va gìɛ luo ga ɣee ta tɛ‐ga‐wo nui é wo lɛɛ sa gá gá mɔɔlɛi maʋaa wɔ gé ɣɛ sa ga ƃɔɔvɛ ʋaa.
6Kɛ̀ tɔwɔ Temete wuloa sa wo wɔ vɛ é va gé wɔ. É vaa gé wɔ ga woo vagɔ é vile wa yee‐la‐mai va ta wa wõilai. Na ɣa ɣɛɛ na é boga gé ma ga gé laa ɣi pagɔ ɣa wo ɣa ga ɣee nɛpɛ wiɛ ná maa‐wõi‐wõi kulo ga wo wɛlɛ gé va, è ɣɛ velei nɔ gé ná maa‐wõi‐wõi kulozu la ga gé wɛlɛ wo va. 7Nii mazaƃui ma, nà numaa, gé ɣaa nɛkpɛgɛ gá ʋaa ƃoei ɣaazɔ zu ta gá ʋaa ƃaagi ɣaazɔ wa yee‐la‐mai zaala zu. 8Ani wa lo na kpãa wo ɣɛɛ velei ma su ɣilekpu wa de maliɣiini, gá sa gá debigi wo. 9Mama tiigo zɛƃɛ ɣa gá zoo gé fe gá Ɣalagi vɛ kuu‐zu‐nɛi ɣaazɔ ʋaa ma é woga ga gíɛ gáazu wo mazaƃu ma? 10Gá felizu ga kpaanaga kpidi vɛɛ folo va kɛɛ ʋaa ma a da wani de ɣaazu too kii zu. Na ɣa ɣɛɛ na nii balagɛi wa yee‐la‐mai zu gé na maʋaa laa‐zɔ bo wiɛ.
11Tɔwɔ da ɣalagi nii é ga de ɣeeai tɔ ɣagi vɛɛ de maliɣii Ziizɛ va ta pele wulo ga gíɛ ga gé va wo wɔ vɛ fãa. 12Na ɣa ɣɛɛ na de maliɣii ɣa wo wɔɔlɔ wõila zu é wõila zu wɔɔlɔ ma wo ya ɣiini faa má é vɛɛ nu pɛ ba fãa. Wa kɛ è ɣɛ velei nɔ gé kɛɛzu la ga wiɛ. 13Towaa nii ɣɛ kɛɛ ʋaa ma wo yii ƃaa faa nɛpɛ ge mɛ lɛ ɣɛ ba maa wuai da Ɣalagi nii ɣaazu é ga de ɣeeai. Nii ɣa ɣɛ ga ʋoloi de maliɣii Ziizɛ ɣa ɣɛ vaazu la ná dɔ numaitiɛ ɣaazɔ vɛi ba.
Currently Selected:
1 TƐSƐLONAIKAITIƐ 3: DN1971
Highlight
Copy
Compare
Share
Want to have your highlights saved across all your devices? Sign up or sign in
Loma New Testament © British and Foreign Bible Society, 1971.
