4. Mosi 1
1
Es 1. Gabiddel.
Di Greeks-Leit Funn Israel Vadda Gezayld
1Un da Hah hott kshvetzt zumm Mosi im Fasamling-Tent in di Vildahnis funn Sinai uf em eahshta dawk fumm zvedda moonet fumm zvedda yoah noch demm es si aus Egypta kumma sinn. Eah hott ksawt:
2“Zayl di gans fasamling funn di Kinnah-Israel bei iahra kshlechtah, families un nayma. Zayl alli manskal kobb bei kobb
3funn zvansich yoah ald un eldah es in da greek gay kann. Du un da Aaron sellet si zayla bei iahra drubba es si ditzu heahra im greek.
4Es soll en mann funn yaydah shtamm eich helfa es da evvahsht is funn sei family.
5Dess sinn di nayma funn di mennah es eich helfa sella:
funn Ruben, em Sedeur sei boo da Elizur;
6funn Simeon, em Zuri-Saddai sei boo da Selumiel;
7funn Juda, em Amminadab sei boo da Nahesson;
8funn Isachar, em Zuar sei boo da Nathanael;
9funn Sebulon, em Helon sei boo da Eliab;
10fumm Joseph sei boova:
funn Ephraim, em Ammihud sei boo da Elisama;
funn Manasse, em Pedazur sei boo da Gamliel;
11funn Benjamin, em Gideoni sei boo da Abidan;
12funn Dan, em Ammi-Saddai sei boo da Ahieser;
13funn Asser, em Ochran sei boo da Pagiel;
14funn Gad, em Deguel sei boo da Eliasaph;
15funn Naphthali, em Enan sei boo da Ahira.”
16Sell voahra di mennah es raus groofa voahra funn di fasamling es di evvahshti voahra funn di shtamma funn iahra foah-feddah, di evvahshti funn di dausends in Israel.
17Da Mosi un da Aaron henn dee mennah gnumma es gnohmd voahra,
18un henn awl di leit fasammeld uf em eahshta dawk fumm zvedda moonet. Iahra freindshaft voah ufkshrivva deich iahra kshlechtah, shtamma un families, awl di mennah funn zvansich yoah on nuff, kobb bei kobb,
19vi da Hah da Mosi gebodda katt hott. So hott eah si gezayld in di Vildahnis funn Sinai.
20Di nohch-kummashaft fumm Ruben, em Israel sei eahsht-geboahranah:
Awl di mennah funn zvansich yoah on nuff es fechta henn kenna im greek voahra nunnah kshrivva bei nohma, kobb bei kobb, noch iahra kshlechtah, shtamma un families.
21Selli im Ruben sei shtamm voahra 46,500 mennah.
22Di nohch-kummashaft fumm Simeon:
Awl di mennah funn zvansich yoah on nuff es fechta henn kenna im greek voahra gezayld un nunnah kshrivva bei nohma, kobb bei kobb, noch iahra shtamm un families.
23Selli im Simeon sei shtamm voahra 59,300 mennah.
24Di nohch-kummashaft fumm Gad:
Awl di mennah funn zvansich yoah on nuff es fechta henn kenna im greek voahra nunnah kshrivva bei nohma noch iahra shtamma un families.
25Selli im Gad sei shtamm voahra 45,650 mennah.
26Di nohch-kummashaft fumm Juda:
Awl di mennah funn zvansich yoah on nuff es fechta henn kenna im greek voahra nunnah kshrivva bei nohma, noch iahra shtamma un families.
27Selli im Juda sei shtamm voahra 74,600 mennah.
28Di nohch-kummashaft fumm Isachar:
Awl di mennah funn zvansich yoah on nuff es fechta henn kenna im greek voahra nunnah kshrivva bei nohma noch iahra shtamma un families.
29Selli im Isachar sei shtamm voahra 54,400 mennah.
30Di nohch-kummashaft fumm Sebulon:
Awl di mennah funn zvansich yoah on nuff es fechta henn kenna im greek voahra nunnah kshrivva bei nohma noch iahra shtamma un families.
31Selli im Sebulon sei shtamm voahra 57,400 mennah.
32Di kinnah fumm Joseph:
Di nohch-kummashaft fumm Ephraim:
Awl di mennah funn zvansich yoah on nuff es fechta henn kenna im greek voahra nunnah kshrivva bei nohma noch iahra shtamma un families.
33Selli im Ephraim sei shtamm voahra 40,500 mennah.
34Di nohch-kummashaft fumm Manasse:
Awl di mennah funn zvansich yoah on nuff es fechta henn kenna im greek voahra nunnah kshrivva bei nohma noch iahra shtamma un families.
35Selli im Manasse sei shtamm voahra 32,200 mennah.
36Di nohch-kummashaft fumm Benjamin:
Awl di mennah funn zvansich yoah on nuff es fechta henn kenna im greek voahra nunnah kshrivva bei nohma noch iahra shtamma un families.
37Selli im Benjamin sei shtamm voahra 35,400 mennah.
38Di nohch-kummashaft funn Dan:
Awl di mennah funn zvansich yoah on nuff es fechta henn kenna im greek voahra nunnah kshrivva bei nohma noch iahra shtamma un families.
39Selli im Dan sei shtamm voahra 62,700 mennah.
40Di nohch-kummashaft fumm Asser:
Awl di mennah funn zvansich yoah on nuff es fechta henn kenna im greek voahra nunnah kshrivva bei nohma noch iahra shtamma un families.
41Selli im Asser sei shtamm voahra 41,500 mennah.
42Di nohch-kummashaft fumm Naphthali:
Awl di mennah funn zvansich yoah on nuff es fechta henn kenna im greek voahra nunnah kshrivva bei nohma noch iahra shtamma un families.
43Selli im Naphthali sei shtamm voahra 53,400 mennah.
44Sell voahra di mennah es gezayld voahra beim Mosi un em Aaron, un di zvelf feddahshti funn Israel, yaydahs es kshtanna hott fa sei ayknah family-shtamm.
45Awl di Kinnah-Israel funn zvansich yoah on nuff es fechta henn kenna im greek voahra gezayld bei iahra families.
46Alles zammah voahra's 603,550 mennah.
47Avvah di families funn di shtamm fumm Levi voahra nett gezayld mitt di ivvahricha.
48Da Hah hott ksawt katt zumm Mosi,
49“Du solsht di shtamm fumm Levi nett zayla adda si nei du mitt di anra Kinnah-Israel.
50Avvah du solsht di Lefiddah ivvah da tempel-tent fumm zeiknis du, mitt sei ksharra un alles es ditzu heaht. Si sella da tempel-tent drawwa, un alles es ditzu heaht, un acht gevva druff, un iahra aykni tents ufhokka drumm rumm.
51Vann da tempel-tent funn seim blatz gnumma sei soll, dann sella di Lefiddah en zammah runnah nemma, un vann ah ufksetzt sei soll, sella di Lefiddah's du. Ennich ebbah shunsht es nayksht an da tempel-tent gayt soll doht gmacht sei.
52Di Kinnah-Israel sella iahra tents ufhokka in family-drubba, yaydah mann mitt sei aykni family es gmeikt is mitt iahra flag.
53Avvah di Lefiddah sella iahra tents ufhokka um da tempel-tent rumm, so es kenn zann uf di fasamling funn Israel kumd. Di Lefiddah sella acht gevva uf da tempel-tent fumm Zeiknis.”
54Di Kinnah-Israel henn gedu grawt vi da Hah da Mosi gebodda hott.
Currently Selected:
4. Mosi 1: pdcB
Highlight
Share
Compare
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved. Pennsylvania Dutch Audio Bible Ⓟ 2022, Jacob Tice.
Learn More About Pennsylvania Dutch Bible