Jesoiya 31
31
Es 31. Gabiddel.
Hilf Funn Gott, Nett Funn Leit
1Vay zu selli es nunnah gayn zu Egypta fa hilf,
selli es sich falossa uf geil,
selli es sich falossa uf iahra feel greeks-veyya,
un uf di graft funn iahra fuah-dreivah,
avvah si falossa sich nett uf Sellah funn Israel es Heilich is,
un gukka nett fa hilf fumm Hah.
2Avvah eah aw hott veisheit, un shikt shreklichi sacha uf leit;
eah gayt nett zrikk uf sei vadda.
Eah shtayt uf geyyich selli es evil doon,
un geyyich selli es evil-shaffah helfa.
3Di Egyptah sinn yusht mensha un nett Gott,
iahra geil sinn yusht flaysh un nett geisht.
Vann da Hah sei hand naus shtrekt,
dann shtolbahra selli es helfa,
un aw selli es kolfa sinn zayla falla.
Si kumma awl zvay zu iahra end.
4Dess is vass da Hah ksawt hott zu miah:
Vi en layb adda en yungah layb gnatt ivvah vass eah kfanga hott,
un vann en gansi drubb shohf-heedah greisha ivvah een,
feicht eah sich nett veyyich iahra shtimma,
adda veyyich iahra yacht—
so zayld da Awlmechtich Hah runnah kumma,
un zayld greek macha uf em Berg Zion, un uf sei hivvel.
5Vi fekkel am fleeya ovva droh,
so zayld da Awlmechtich Hah ivvah Jerusalem vatsha.
Eah heet's un hald's aus di kfoah,
eah fleekt ovva drivvah un macht's frei.
6Drayyet zrikk zu eem, diah Kinnah-Israel, zu sellah es diah so heslich hatt kshaft hend digeyya.
7Fa an selli zeit zayld alli vann funn eich di silvahrichi un goldichi abgettah fatt shmeisa es eiyah sindlichi hend gmacht henn.
8“Assyria zayld falla beim shvatt es nett is funn mensha,
un en shvatt nett funn mensha zayld si ufshlukka.
Si zayla difunn shpringa fannich em shvatt,
un iahra yungi mennah zayla bunds-gnechta gmacht sei.
9Iahra shteiki mennah vadda fagelshtaht un fabutza sich,
iahra foah-gengah lossa iahra greeks-flags hinnich sich mitt angsht,”
so sawkt da Hah,
sellah es is vi feiyah in Zion,
vi en offa in Jerusalem.
Currently Selected:
Jesoiya 31: pdcB
Highlight
Copy
Compare
Share
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved. Pennsylvania Dutch Audio Bible Ⓟ 2022, Jacob Tice.
Learn More About Pennsylvania Dutch Bible
