Jeremiah 45
45
1Huyya inhel kun Baruk e u-ungngan Neriah eman ni meikka-pat ni toon ni nampatulan Jehoiakim e u-ungngan Josiah di Judah eman ni negibbuh ni intudek tun emin ida inhel kun hi-gatun ittudek tu. Kangkun hi-gatuy 2“Huyya hu inhel ni Ap-Apu e Dios idan helag Israel ni hi-gam e Baruk. 3Kammuy ‘Anggehemmekkak! Induman kumedek nan Apu Dios hu ligat ku et deh e nakka umlelemyung ey kimmapuyyak ni peteg niya endi linggep ku!’”
4Immehel hi Apu Dios ni hi-gak et kantuy “Ehel mun Baruk e ‘Hi-gak e Dios ey nakka pelluha hu binehwat ku ey nakka gebbuta intanem ku. Hanniman ali pehding kun emin di kebebbebley eyad ta-pew ni puyek. 5Kaw ya muka heppuheppula ey yadda kamengippeamleng ni hi-gam? Beken ida humman ni heppulem! Tep peellik ali hu memahbah ni emin ni tuu. Nem hedin hi-gam man ihhehwang daka anin ni attu lawwam. Hi-gak e Dios hu nanghel nunya.’”
Currently Selected:
Jeremiah 45: ify
Highlight
Copy
Compare
Share
Want to have your highlights saved across all your devices? Sign up or sign in
©2009, Wycliffe Bible Translators, Inc. All rights reserved.
