Gianyuta 22

1 # Esekeri 47.1; Sakaria 14.8 Di malaika nono oko nyuto na ecilet me pi me kuo, kame milimili bala akako, di etie mol wok ki kom me Ajakanut ka Rubanga, kede ki me Katin Romo, 2#Ageini 2.9; Esekeri 47.12di elubo cuny gudo me bomba. Tuni kede tuni me ecilet nono oudo tie iye yat me kuo, kame nyak tien tomon kiwie are i mwaka acel; kicel buli duwe. Pote me yat nono tie pi cango me atekerin. 3#Sakaria 14.11Likame tie gimoro kame kolamo kame doko bino udere kuno.

Kom me Ajakanut ka Rubanga kede me Katin Romo bino bedo tie i bomba nono; jotic mege bino wore. 4Gin kibino neno wange, doko kobino wandiko nyinge i tur nyim gi. 5#Isaya 60.19; Danieri 7.18Iwor likame bobo bino bedo tie, doko likame kibino mito lero me etala amoto ceng, pien Rwot Rubanga bino bedo lero gi, di gin kiko bino pug ikar kede ikar.

6Di en eko waco na be, “Kope nogi genere doko kitie me ateni, pien Rwot Rubanga ngat kame mio inabin Tipo mere, otieko cwano malaika mere pi nyuto ne jotic mege gikame miero timere i kare kiyapiyapi.”

7“Neningo, ango atie bino awakawaka! Etie kede winyo ngat kame lubo imurai kame tie i itabu noni.”

8Ango Yokana en kame awinyo doko aneno gi nogi. Kakame awinyo gi kede doko di ako neno gi, ako riebere piny i tien malaika pi wore. 9Do en eko waco na be, “Miero kur itim kamano! Ango da abedo ngatic bala in, karacel kede imiegu ni inabin, kede jo dedede kame lubo kop me itabu noni. Wor Rubanga!” 10Di en eko waco na be, “Kur imung kop me imurai me itabu noni, pien kare otieko doko iyapiyapi. 11#Danieri 12.10Ngat kame timo gikarac poore emeede timo gikarac, ngat kame tam mere omunaun wek emeede bedo kede tam komunaun, kede ngat kopoore wek emeede timo gi kopoore, kede ngat kacil meede bedo ngat kacil.”

12 # Isaya 40.10; 62.11; Sabuli 28.4; Yeremia 17.10 Yesu owaco be, “Neningo, ango atie bino awakawaka, atie kelo giamia na me pwoc, pi culo ngat acelacel pi gikame etimo. 13#Gianyuta 1.8, 17; 2.8; Isaya 44.6; 48.12Ango en Alpa kede Omega, me agege kede me ajikini, acakini kede atiekini.”

14 # Ageini 2.9; 3.22 Kitie kede winyo jo kame lwoko ikanson gi di cil tetekeny kibed kede twero me camo anyakini me yat me kuo, kede me donyo i bomba di kibeo kiye irutei. 15Ooko me bomba tie iye jo kame cal bala igwogin kede jojwogi, jocaro, jonek kede jo kame woro cal jwogi, kede jo dedede kame maro kede kame timo tim me angalo.

16 # Isaya 11.1, 10 “Ango Yesu, acwao malaika na buti kede kope nogi pi mino but ikodeta me jokirisito. Ango en alias ka Daudi kede akware, acer arieny me odiko.”

17 # Isaya 55.1 Tipo kede Ateran waco be, “Bia.”

Jo dedede kame winyo kop noni miero wac be, “Bia.”

Ngat kame orio oneko, ebin; wek ngat kame cunye mito, egam pii me kuo abongo cul.

Kop kame Cego

18 # Iswilia 4.2; 12.32 Ango akwenyaro jo dedede kame winyo kop me imurai me itabu noni be: ka ngatamoro omedo kop moro iye, Rubanga bino medo ne can kame kotatamo i itabu noni. 19Doko ka ngatamoro okwanyo gimoro ki kop kame komurao i itabu noni, Rubanga bino kwanyo iner ka ngat nono ki yat me kuo kede ki Bomba Kacil, kame kotatamo i itabu noni.

20Ngat kame omio ijura me gi nogi waco be, “Ateteni ango atie bino awakawaka.”

Amen. Bia, Rwot Yesu!

21Kisa ka Rwot Yesu bed kede jo ka Rubanga dedede. Amen.

Currently Selected:

Gianyuta 22: BILK13

Highlight

Copy

Compare