Gianyuta 16

Bakulin me Lilo ka Rubanga

1Di ango ako winyo dwan amalo kame owok ki tempulo di waco ne imalaikan kanyaare nogo be, “Otunu ionyunu lilo ka Rubanga kame tie i bakulin kanyaare go i wi lobo.”

2 # Yai 9.10 Malaika me agege oko ot di eko onyo gikame oudo tie i bakuli mere i wi lobo, di tuo arac me buge alit oko mako jo kame oudo tie kede alama me le, kede jo kame oudo oworo cal mere.

3Malaika me are oko onyo gikame oudo tie i bakuli mere i nam adwong, di pii me nam oko lokere odoko cal bala remo me dano oto, di gi dedede kame kuo i nam oko to.

4 # Yai 7.17-21; Sabuli 78.44 Malaika me adek oko onyo gikame oudo tie i bakuli mere i icileta kede i ataneko me pii, di gin dedede kiko doko cal bala remo. 5Di ako winyo malaika kame lo pii di waco be, “In itimo gikame poore pi cwano alola nogi, in Ngat Kacil, ngat kame tie nataman kede kame oudo tie sek. 6Pien jo oonyo remo me jokacil kede me inabin, di in nan iko mino gi remo pi mato. Manono poore kede gi!” 7Di ako winyo alutari di waco be, “Ebo, Rwot Rubanga Won Twer, ngolo kop kame in imio tie me ateni doko etie kakare!”

8Malaika me ongwon oko onyo gikame oudo tie i bakuli mere i kom ceng, di oko yei ne ceng wango jo kede lieto mere kame rom kede me mac. 9Lieto kodop me ceng oko wango jo, di gin kiko bedo kede acae i nying Rubanga ngat kame oudo tie kede twer i kom alola nogi, doko likame kiko swilaro ki dub gi, akadi mine deyo.

10 # Yai 10.21 Malaika me kany oko onyo gikame oudo tie i bakuli mere i wi kom me ajakanut me le nono, di piny kame en oudo epugo oko doko col. Jo oko kakao leb gi pi lito, 11di kicao Rubanga me malo pi aramo kede buge gi, do likame kiko swilaro ki tice gi areco.

12 # Isaya 11.15 Malaika me kanyape oko onyo gikame oudo tie i bakuli mere i ecilet adwong me Eupurate. Ecilet nono oko tuo pi iiko yongayo ne abakai kame wok ki tetu kide. 13Di ako neno tipere areco adek, kame cal bala igwalogwalon, di kitie wok ki dog twol kiyiliyili, ki dog le noca, kede ki dog enabi me angalo. 14Gin tipere kame obedo jwogi, kame timo gianena; gin kioto but abakai dedede me piny lung pi coko gi karacel pi yi i Ceng adwong ka Rubanga Won Twer.

15 # Matayo 24.43-44; Luka 12.39-40; Gianyuta 3.3 “Nenunu, ango atie bino bala ngakuwo! Etie kede winyo ngat kame bedo di eneeno, ngat kame ongapo igoen mege tetekeny kur eot nono di lewic ko make.”

16 # 2 Abakai 23.29; Sakaria 12.11 Di tipere nogo oko coko abakai karacel i kabedo kame kolwongo i leb Eburania be Amagedon.

17Malaika me kanyaare oko do onyo gikame oudo tie i bakuli mere i wi yamo, di dwan amalo oko wok ki kom me ajakanut kame tie i tempulo di waco be, “Kotieko time!” 18#Gianyuta 8.5; 11.13, 19Di asara me meny kame cal bala me kot, icelakin, amwocumwocun kede yangere atek me piny, kame lem pwodi likame otimere cako jo bedo i wi lobo oko timere. Yangere me piny nono oudo rac adikinicel. 19#Isaya 51.17Bomba kame dwong nono oko barere kidek, di bomban me pinye dedede oko popoto piny. Di Rubanga oko yutuno Babilon adwong, di eko mine mato bwini ki ikopo mere, bwini kame obedo lilo mere. 20#Gianyuta 6.14Cula dedede oko rwenyo, doko likame tie moru moro kame oko dong. 21#Yai 9.23; Gianyuta 11.19Akako adongodongo, kame peko gi romo kilo ot kany oko popoto ki malo i kom jo, di jo oko bedo kede acae i kom Rubanga pi alola me akako noni, pien oudo ebedo alola kame rac adikinicel.

Currently Selected:

Gianyuta 16: BILK13

Highlight

Copy

Compare