Gianyuta 1

1Man en gikame Yesu Kirisito onyuto, kame Rubanga omie pi nyuto ne jotic mege, en gikame miero timere i kare kiyapiyapi. Kirisito oko cwano malaika mere but ngatic mere Yokana pi mine ngeno gi noni. 2Yokana bin oko mino ijura i kom kop ka Rubanga kede i kom ijura kame bin Yesu Kirisito omio, kiton i kom gi dedede kame en eneno. 3Etie kede winyo ngat kame somo kop me imurai noni kede dwan amalo, kede kitie kede winyo jo kame winye kede kame lubo gikame kowandiko iye; pien kare odoko iyapiyapi.

Amot but Ikodeta Kanyaare me Jokirisito

4 # Yai 3.14; Gianyuta 4.5 Kop kowok kibut Yokana, but ikodeta kanyaare me jokirisito kame tie Esia.

Kisa kede mulem bed butu, kame wok kibut ngat kame nan tie, kame oudo tie sek, kede kame bino bino, kede kibut tipere kanyaare kame tie i nyim kom mere me ajakanut, 5#Isaya 55.4; Sabuli 89.27kede kibut Yesu Kirisito mujura kame genere, atin kao me iyarun kikom jo oto, doko ngat kame pugo abakai me lobo kan.

En emaro wa, doko remo mere otieko gonyo wa ki dub wa 6#Yai 19.6; Gianyuta 5.10di eko loko wa odoko jo me ajakanut, josaseredoti pi tic ne Rubanga mere doko Papa mere. Deyo kede loc bed bute ikar kede ikar! Amen.

7 # Danieri 7.13; Matayo 24.30; Marako 13.26; Luka 21.27; 1 Jotesalonika 4.17; Sakaria 12.10; Yokana 19.34, 37 Nenunu, en etie bino kede idoun! Wang jo dedede bino nene, kiton jo kame bin ocobe; jo dedede me wi lobo bino koko pire. Ebino bedo kamanoni! Amen.

8 # Gianyuta 22.13; Yai 3.14 Rwot Rubanga owaco be, “Ango en Alpa kede Omega,” ngat kame tie nan, kame oudo tie sek kede kame bino bino, en Won Twer.

Kirisito Onyutere

9Ango Yokana omin wu, kame pi yei Yesu, anywako kede wu itidil, Ajakanut kede ikanyakin di otienu kede dire. Ango oudo atie i cula kame kolwongo be Patimos, pi kop ka Rubanga kede pi ijura kame Yesu omio. 10I ceng ka Rwot, twer me Tipo oko uma, di ako winyo ki cen ngea dwan amalo bala me agwara. 11En ewaco be, “Wandiko i itabu gikame ineno di iko cwano ne ikodeta kanyaare me jokirisito kame tie Epeso, Simuna, Peregamu, Tuatira, Saradisi, Piladelpia kede Laodikia.”

12Di do ango ako lokere pi neno ngat kame oudo tie yamo keda, di ako neno gi me cibo italan, kame kotimo kede saabu, gin kanyaare. 13#Danieri 7.13; 10.5Ako neno ngatamoro kame cal bala Wot ka dano i diere me gi cibo italan nogo, di engapo ekanso abor, kede di erwao ausi i kore kame kotimo kede saabu. 14#Danieri 7.9; 10.6Wie kede yer me wie oudo tar bala epamba arabo bala akako, di wange oudo cal bala leb mac. 15#Esekeri 1.24; 43.2Tiene oudo meny bala nyonyo burons kame kocalaro oko jililo, di oko rudo, kede dwane oudo mor winyere bala mor me pii atot kame mol di ony. 16Oudo emako acerin kanyaare i cinge tetu cam, kede epima kame bit tuni tuni oudo opelao ooko ki doge, kede nyime oudo cal bala ceng kame tie rieny kitek. 17#Isaya 44.6; 48.12; Gianyuta 2.8; 22.13Kakame ango anene kede, ako poto piny i tiene di ako dong bala ngat kotieko to. Do en eko keto cinge tetu cam i koma, di ewaco be, “Kur ibed lwor; ango en agege kede ajikini. 18Ango ngat kame kuo. Oudo ato, do neni, nataman atie akuo ikar kede ikar. Ango atie kede twer i kom to kede i kom kabedo me jo oto. 19Aso wandiko gikame ineno, gikame nataman tie timere kede gikame bino timere i cen mere. 20Dwong me mung me acerin kanyaare kame in ineno i cinga tetu cam, kede jame kanyaare kame kotimo kede saabu, me cibo italan en ine: acerin kanyaare obedo imalaikan me ikodeta kanyaare me jokirisito, kede jamini kanyaare me cibo italan obedo ikodeta kanyaare me jokirisito.

Currently Selected:

Gianyuta 1: BILK13

Highlight

Copy

Compare